EXODUS 13:12 - Lai (Hakha) Common Language Bible 2006

¹² Kha nan hrin hmasa bik fapa paohpaoh kha nan pek lai; nan saṭil nih a hrin hmasa bik fa a pa paohpaoh cu Bawipa ta an si.

EXODUS 13:12 ပူးပေါင်းရင်းမြစ်များ

NEHEMIAH 10:36

cun phungbia chungah aa ṭial bangin, kan fapa hna lakah a chuak hmasa bik hna le kan saṭil hna lakah hrin hmasa bik hna le kan cawrun le tuurun hna chungah a chuak hmasa bik hna cu, kan Pathian inn ah, kan Pathian inn chung i rianṭuantu hna tlangbawi hna sinah khan ratpi awkah bia kan i kam fawn;

NEHEMIAH 10:37

cun tlangbawi hna sinah kan changvut cet kan nawn hmasa bikmi le theikung tlai hmasa bik vialte, mitsur hang thar le chiti hna cu kan Pathian inn i thil chiahnak dal chungah khan rak put awkah bia kan i kam; cun kan lo chungin a chuakmi rawl cheu hra cheu khat cu lothlomi khua nih an thawhmi cheu hra cheu khat a khawltu Levi mi hna sinah khan rak chuahpi awkah bia kan i kam fawn.

EXODUS 13:1

Bawipa nih Moses cu a thawh i,

EXODUS 13:2

“Fater, pa vialte cu keimah sinah nan ka pekchanh hna lai. Israel mi fater paohpaoh cu, minung an si ah, saram an si ah, keimah ta an si,” a ti.

EXODUS 22:28

“Pathian cu nan thangchiat lai lo, nan mi hna hruaitu a simi kha chiat nan serh lai lo.

EXODUS 22:29

“Rawl nan hmuhmi chungin siseh, chiti le mitsur hang nan hmuhmi chungin siseh, keimah ca thawhlawm pek kha duh loin um hlah u. “Nan fapa nan hrin hmasa bikmi hna kha nan ka pek lai.

EXODUS 34:19

“Hrin hmasa bikmi fapa hna le saṭil zong nih an hrin hmasa bikmi hna cu keimah ta an si: fapa hrin hmasa bikmi hna paohpaoh le nan caw le nan saṭil run nih an hrin hmasa bikmi hna paohpaoh cu keimah ta an si.

EXODUS 34:20

Asinain hrin hmasa bik laa paohpaoh cu tuu in nan tlanh hna lai; nan tlanh hna lo ahcun an hngawng nan khiah hna lai. Hrin hmasa bik fapa paohpaoh kha nan tlanh hna lai. Ka hmaiah ahohmanh pekchanhmi thil um loin nan chuak lai lo.

EZEKIEL 16:20

“Fanu, fapa na ka hrinpiakmi hna kha na lak hna i hi siasal hna hmaiah hin an rawl caah rai ah na thawi hna. Hlawh na hlannak nakin mah hihi a hme deuhmi thil a si maw?

EZEKIEL 44:30

Theitlai hmasa bik hna lak i hmasa bik hna le nan thawhlawm zeizong phun zakip vialte cu a ning piin tlangbawi hna ta a si lai. Nan inn chungah thluachuahnak a cam khawh nakhnga changreu ca nawnmi chang a hmasa bik hlum cu tlangbawi kha nan pek hna lai.

LEVITIKAS 27:26

“Sihmanhsehlaw later fa paohpaoh cu, Bawipa ta an si caah, ahohmanh nih an pekchanh awk a si lo; cawtum siseh, tuu siseh, Bawipa ta a si.

NAMBAR 18:15

Bawipa sinah an pekchanhmi fater paohpaoh cu, minung siseh saram siseh, nangmah ta an si lai; asinain, minung fater le a thiang lomi saram fater hna cu na tlanh hna lai.

NAMBAR 3:12

“Zohhmanh, Levi mi hna cu Israel mi hna lak in Israel mi hna lak i fater, nu paw chungchuak hmasa bik hna, can-ai ah ka lak cang hna. Levi mi cu keimah ta an si lai,

NAMBAR 3:13

zeitintiah fater vialte cu keimah ta an si; Izipt ram chung i fater vialte ka thah hna ni ah khan Israel mi hna lak i fater vialte cu, minung siseh, saram siseh, keimah ca hrimhrim ah ka thianter hna; annih cu keimah ta an si lai: keimah cu Bawipa ka si,” tiah a ti.

NAMBAR 8:17

Zeitintiah Israel mi hna lak i fater vialte cu minung i a si ah, saram i a si ah, keimah ta an si; Izipt ram chung i fater vialte ka rak thah hna ni ah khan keimah caah annih cu ka thianter cang hna i,

LUKA 2:23

Bawipa nawlbia chungah cun, Nan fater, pa a simi hna paoh kha Bawipa sinah nan pekchanh hna lai, tiah aa ṭial.

DEUTERONOMI 15:19

“Nan cawrun chung le nan tuurun chung i fater a pa vialte hna cu Bawipa nan Pathian sinah nan pekchanh hna lai; nan cawrun chung i fater a pa hna cu rian ṭuannak ah nan hmang hna lai lo, nan tuurun chung i fater hna zong an hmul nan met hna lai lo.