EXODUS 13:10 - Lai (Hakha) Common Language Bible 2006

¹⁰ Cucaah hi phung cu amahle a caan te ah khan kum khat ah voi khat lengmang nan tuah lai,” a ti hna.

EXODUS 13:10 ပူးပေါင်းရင်းမြစ်များ

EXODUS 12:14

Hi ni hi nan caah philh khawh lomi ni a si lai; Bawipa biaknak puai ah nan hman lai. A hmunmi puai ah nan ser lai i chan khat hnu chan khat in nan hman zungzal lai.

EXODUS 12:17

Hi thilnu phulh lo changreu puai cu nannih nih nan ulh lai, zeicahtiah hi ni hi nan ralkapbu Izipt ram in ka chuahpi hna ni kha a si. Hi ni cu a hmunmi puai ni ah chan khat hnu chan khat in nan ulh lai.

EXODUS 12:42

Cu zan cu Bawipa nih Izipt ram chungin chuahpi awkah hngilh loin a congh hna zan kha a si. Cu zan cu Bawipa sin i pekchanhmi zan a si i Israel mi nih chan khat hnu chan khat in hngilh loin an um awk hnga zan cu a si.

EXODUS 13:5

Kanaan mi le Hit mi le Amor mi le Hiv mi le Jabus mi an umnak ram kha nanmah pek awkah Bawipa nih nan pupa cu fek tein bia a rak kamh hna. Cu ram cu ram rum le ram ṭha a si. Cu ram chung an phakpi hna tikah hi thla ṭhiamṭhiam ah hin hi phunglam hi nan ulh lai.

EXODUS 23:15

Thilnu Phulh Lo Changreu puai kha nan tuah lai; kan chimh cang hna bantuk khan, Abib thla chung i ni khiahmi ni sarih chung kha thilnu phulh lo changreu nan ei lai, zeicahtiah cu thla cu Izipt ram in nan chuah thla kha a si. Ahohmanh ka hmaiah kut put ngei loin nan chuak lai lo.

LEVITIKAS 23:6

Cun cu thla ṭhiamṭhiam, a ni hleinga ni ah cun Bawipa ca i thilnu tel lo changreu puai a si lai; ni sarih chung thilnu telh lomi changreu nan ei lai.