EXODUS 12:8 - Lai (Hakha) Common Language Bible 2006

⁸ Cu zan ah cun sa cu a em in nan em lai i thilnu phulh lo changreu le ankha he nan ei lai.

EXODUS 12:8 ပူးပေါင်းရင်းမြစ်များ

2 CHANRELNAK 35:13

Cun phunglam ningin lanhtak puai tuufa cu mei in an rawh; cun pekchanhmi thilthiang hna cu um le marlei le ukang in an chuan hna i mi sawhsawh pawl vialte kha khulrang in an pek hna.

SALM 22:14

Ka thazang a dih cang, vawlei i thletmi ti bantukin a dih cang. Ka ruh vialte kha ka hliahhlok in an pong dih, ka lung cu ka chungah a timi khuailul bantuk a si.

EXODUS 1:14

tlakser rian le tlakrawh rian le rian har phun zakip kha an ṭuanter hna i cuticun rethei ngaingai in an chiah hna. Rian har phun zakip kha rumro in an hnek hna.

EXODUS 12:9

A hring in nan ei hna lai lo, chumh zongin nan ei hna lai lo, a pumning in nan em hna lai, an lu he an ke he an chungril he nan em hna lai i cuticun nan ei hna lai.

EXODUS 13:3

Mi zapi kha Moses nih cun a thawh hna i, “Sal ah nan cannak inn, Izipt ram in nan chuah ni hi philh hrimhrim hlah u, zeicahtiah hi ni ah hin Bawipa nih ṭhawnnak a liannganmi he an chuahpi hna. Thilnu phulhmi changreu nan ei hrimhrim lai lo.

EXODUS 13:7

Thilnu telh lo changreu kha ni sarih chung nan ei lai; thilnu phulhmi changreu siseh, thilnu siseh, nan ram chungah nan umter hrimhrim lai lo.

EXODUS 23:18

“Raithawinak nan ka pekchanh tikah thilnu phulhmi changreu kha nan hmang lai lo. Ka puai ca i hmanmi sa cu an thau kha a thaizing tiang nan taanter hna lai lo.

EXODUS 34:25

“Raithawinak caah saram nan ka pek tikah thilnu phulhmi changreu nan hmang lai lo. Lanhtak Puai i nan thahmi sa kha a thaizing tiang zeihmanh nan i chiah lai lo.

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

AMOS 4:5

Thilnu cawhmi lawmhnak changreu kha rak pu hna u; Mah lungtho tein pekchanhmi thawhlawm cu pechan u, tiah zapi thanh hna u. Zeicahtiah nannih Israel mi nih nan tuah duhmi tham cu, thil a ningcangte i tuah ceo kha pei a si ko cu! Hihi Bawipa bia hrimhrim a si.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

MATTHAI 16:12

Khi tikah a zultu pawl nih khan, i ralring u, a kan timi hi changreu rawhnak thilnu kha si loin, Farasi mi hna le Sadusi mi hna cawnpiaknak kha a si, ti kha an hngalh.

MATTHAI 26:26

Zanriah an ei lioah cun Jesuh nih khan changreu kha a lak i thla a cam dih in a cheu i a zultu kha a pek hna. “I lak u law ei u; hihi ka pum a si,” tiah a ti.

GALATI 5:9

“Thilnu tlawmte nih changvut nawnmi cu a thawhter,” an ti tawn bang khan a si taktak hi ta.

DEUTERONOMI 16:7

Cun Bawipa nan Pathian nih a thim laimi hmun ah cun nan chuan lai i nan ei lai; zinglei ah nan kir lai i nan thlam ah nan kal hna lai.

1THESALON 1:6

Kanmah le Bawipa kha kan nawl nan kan cawn i temhinnak tampi nan huah nain Thiang Thlarau sinin a rami bia kha lawm tein nan cohlan.