EXODUS 12:6 - Lai (Hakha) Common Language Bible 2006

⁶ Atu thla ni hleili ni tiang hi, nan i chiah hna lai i cu ni zanlei ah cun Israel mi vialte nih cu sa cu nan thah cio hna lai.

EXODUS 12:6 ပူးပေါင်းရင်းမြစ်များ

2 CHANRELNAK 35:1

Josiah nih Jerusalem ah Bawipa caah Lanhtak Puai a tuah i Lanhtak Puai tuufa cu thla khatnak thla ni hleili ni ah an thah.

EZRA 6:19

Thla khatnak thla, a ni hleili ni ah saltannak in a kirmi hna nih khan lanhtak puai kha an tuah.

EXODUS 12:14

Hi ni hi nan caah philh khawh lomi ni a si lai; Bawipa biaknak puai ah nan hman lai. A hmunmi puai ah nan ser lai i chan khat hnu chan khat in nan hman zungzal lai.

EXODUS 12:17

Hi thilnu phulh lo changreu puai cu nannih nih nan ulh lai, zeicahtiah hi ni hi nan ralkapbu Izipt ram in ka chuahpi hna ni kha a si. Hi ni cu a hmunmi puai ni ah chan khat hnu chan khat in nan ulh lai.

EXODUS 12:18

Thla hmasa bik thla, a ni hlei li ni zanlei in a ni kul le ni khat ni zanlei tiang, thilnu phulh lo changreu kha nan ei lai.

EXODUS 12:47

Israel mi nih nan bu ning tein hi puai cu nan tuah awk a si lai.

EXODUS 16:1

Israel mi vialte cu an dihlak khan Elim cun an i thawh i Izipt in an chuah hnu thla hnihnak thla, a ni hleinga ni ah Sin ramcar kha an phan. Sin cu Elim le Sinai kar i a ummi a si.

EXODUS 16:12

“Israel mi hna an phunzainak cu ka theih cang, cucaah, ‘Pa fa hmelpalh ah ei awk sa nan hmuh lai i zinglei ah nan duh zat in rawl nan hmuh lai. Cun Bawipa cu nan Pathian ka si kha nan hngalh lai, a ti,’ tiah chim hna,” a ti.

EXODUS 19:1

Israel mi nih Izipt ram in an chuah a thla thumnak thla, a ni khat ni ah Sinai thetse ram ramcar kha an phan.

EXODUS 29:39

Tuufa pakhat cu zinglei ah nan thawi lai i tuufa pakhat cu zanlei ah nan thawi lai.

EXODUS 29:41

Tuufa pahnihnak cu zanlei ah nan thawi lai i zinglei i nan thawimi bantuk khan ei awk thawimi le din awk thawinak kha nan pekchanh chih hna lai. Cun cu rim thaw, Bawipa sinah mei in khanghmi thawinak kha a si.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

EZEKIEL 45:21

Thla khatnak thla ni hleili ni ah Lanhtak Puai nan tuah lai; changreu cu thilnu phulh loin nan ei lai. 45.21:

LEVITIKAS 23:5

Thla khatnak thla, a thla chung ni hleilinak zanlei ah cun Bawipa lanhtak puai a si lai.

NAMBAR 28:16

Thla khatnak thla a ni hleilinak ni ah Bawipa lanhtak a si.

NAMBAR 28:18

A ni khatnak ni ah a thiangmi pumhnak a si lai: rian fak nan ṭuan lai lo,

NAMBAR 9:11

Thla hnihnak thla ni hleili ni zanlei ah an ulh lai; thilnu cawh lo changreu le a khami an he an ei lai.

MATTHAI 27:20

Tlangbawi upa pawl le upa hna nih khan mizapi cu Pilat kha, Bar-Abbas kan thlahpiak, tiah nan hal lai i Jesuh kha that, tiah nan ti lai, tiah an lem khawh hna.

MATTHAI 27:25

Mizapi nih cun an dihlak in, “Hi pa thahnak ruang i dantatnak cu kanmah le kan tefa hna cungah tlung ko seh,” an ti.

MARKA 15:1

A thaizing zingkate ah tlangbawi upa hna cu haotu upa hna le phungbia cawnpiaktu saya hna le biaceihtu vialte hna he khan hnawhsare in an i pum i khua an khang. Jesuh cu thir cikcin in an khih i an kalpi i Pilat kut chungah khan an pek.

MARKA 15:11

Sihmanhsehlaw tlangbawi upa pawl nih cun mizapi kha, Barabbas na kan chuahpiak lai, tiah Pilat kha nan hal lai, tiah an forh hna.

MARKA 15:25

Vailam i an khenh chih kha zinglei suimilam pakua ah a si.

MARKA 15:8

Mizapi nih khan, voi dang i na kan tuahpiak tawnmi kha kan tuahpiak rih tuah, tiah an ra hal tikah,

LUKA 23:1

An bu ningpi khan an tho i Jesuh cu Pilat hmaiah khan an kalpi.

LUKA 23:18

Mizapi cu an au ciammam i, “Amah cu that ko. Bar-Abbas tu kan thlahpiak,” tiah an ti.

LAMKALTU 2:23

Pathian nih Jesuh cu nan sin i pek awkah khan a rak ruah ciami le a rak khiah ciami a si bangin nannih nih amah cu nan thah, misual mi hna kha amah cu vailamtahnak thing cungah thir in nan khenhter hna.

LAMKALTU 3:14

Amah cu mithiang le miṭha a si nain nannih nih cun nan duh lo i Pilat cu lainawng lehlam kha kan thlahpiak ko, nan ti.

LAMKALTU 4:27

Cuticun Herod le Pontius Pilat cu hi khua chungah hin Jentail mi hna le Israel mi hna he khan, a thiangmi na sal Jesuh, Messiah i na sermi cu doh awkah an i pum taktak.

JOSHUA 5:10

Israel mi hna cu Gilgal i an riah lioah, Jeriko nelrawn ah cun, cu thla ni hleili ni zanlei ah lanhtak puai kha an tuah.