EXODUS 12:23 - Lai (Hakha) Common Language Bible 2006

²³ Bawipa cu Izipt mi hna kha thah awkah Izipt ram i aa chawh tikah nan innkaba cung thi le nan innka tung cung thi kha a hmuh hna lai i cuticun hrawktu kha nanmah thah awkah nan inn chungah khan lut loin a umter lai.

EXODUS 12:23 ပူးပေါင်းရင်းမြစ်များ

2 SAMUEL 24:16

Cun vancungmi nih khan hrawh awkah Jerusalem leiah a kut a hei samh tikah, ṭhat lonak kha Bawipa cu aa ngaichih i mi lak i rawhralnak a tuahtu vancungmi sinah khan, “A za cang, na kut kha ṭhum cang,” tiah a ti. Cun Bawipa vancungmi cu Jebus mi Araunah phuhri pawngah khan a um.

JOB 14:13

Pathian, Sheol ah khin ka thup law ka duh; Na thinhunnak a daih tiangin ka thup tuah, Khika ah cu tiangin na um lai tiah caan ka khiahpiak law Cun ka hngal ṭhan te tuah!

EXODUS 11:4

Moses nih khan Faro cu, “Bawipa nih hitin a ti, ‘Zan ṭim hrawngah khin Izipt mi hna lakah ka chawk lai i

EXODUS 12:7

Cun an thi kha tlawmpal in nan lak lai i nan innka tung le nan innkaba ah khan nan nalh hna lai i inn chungah khan sa cu nan ei lai.

ISAIAH 26:20

Ka mi hna, nan inn chungah lut u law innka i kharkhumh u. Pathian thinhunnak a dih hlantiang, caan tawite chung cu i thup u.

ISAIAH 37:36

Bawipa vancungmi pakhat kha Assiria mi ralkap riahnak hmun ah khan a va kal i sing khat le sang riat le thong nga a va thah hna. A thaizing khua a hung dei tikah cun an thi phengphung ko.

EZEKIEL 9:4

“Khua chungah khan vaa chawk tuah, Jerusalem khua chungah khan vaa chawk tuah, khika i thil fihnung an tuahmi ruang i a ṭapmi hna le a ngaih a chiami hna kha an cal ah hmelchunhnak va khenh hna, tiah Bawipa nih a ti,” tiah a ti.

EZEKIEL 9:6

An dihlak in that hna u law hrawk dih hna u, a tar siseh, a no siseh, nu ngakchia si hna seh, ngakchia tete si hna seh, nu si hna seh, that dih hna u; sihmanhsehlaw hmelchunhnak a ngeimi kha cu ahohmanh tawng hna hlah u; ka hmunthiang khan i thawk u,” tiah a ti thawng kha ka theih. Cucaah biakinn hmai khan upa hna nih cun an i thawk.

1 KORIN 10:10

A cheu an rak phunzai bantuk khan nan phunzai awk a si lo, cu ti an tuah caah cun Thihnak Vancungmi nih a rak thah hna.

HEBRU 11:28

Lanhtak Puai a sertertu le innka ah thisen nan thuh lai, a titertu kha zumhnak a si; kha an tuahmi kha Thihnak Vancungmi nih Israel mi hna fater kha that hna hlah seh ti caah a si.

HEBRU 12:24

Biakamnak thar a sertu Jesuh sin le Abel thisen nih a chimmi thil nakin a let tam piin a ṭha deuhmi thil kong a chimtu a thletmi a thisen sin kha nan phan cang.

BIAPHUAN 7:3

Vancungmi nih cun, “Kan Pathian sal hna kha an cal ah hmelchunhnak kan khenh hna hlan cu vawlei le rili le thingkung kha hrawk hna hlah u,” tiah a ti.

BIAPHUAN 9:4

Ram hring siseh, thingkung siseh, ramkung siseh, hrawk hna hlah u, tiah an ti hna; an cal ah Pathian hmelchunhnak a ngei lomi lawnglawng kha nan hrawh khawh hna, ti an si.