EXODUS 12:22 - Lai (Hakha) Common Language Bible 2006

²² Hissop nge kha i khiah hna u law nan innleng i a ummi sathi ah khan nok hna u law nan innka tung le nan innkaba ah khan nalh hna u. Zinglei tiang, ahohmanh nan inn chungin nan chuak hrimhrim lai lo.

EXODUS 12:22 ပူးပေါင်းရင်းမြစ်များ

SALM 51:7

Ka sualnak cu ka hnawhpiak law ka thiang lai, ka ṭawl law hawhra nakin ka rang deuh lai.

EXODUS 12:7

Cun an thi kha tlawmpal in nan lak lai i nan innka tung le nan innkaba ah khan nan nalh hna lai i inn chungah khan sa cu nan ei lai.

ISAIAH 26:20

Ka mi hna, nan inn chungah lut u law innka i kharkhumh u. Pathian thinhunnak a dih hlantiang, caan tawite chung cu i thup u.

NAMBAR 19:18

cun a thiangmi pakhatkhat nih husop kha a lak lai i ti chungah cun a hnim lai i thlam le a thilri vialte le cuka i a ummi hna le, ruh siseh, thahmi siseh, mithi siseh, thlan siseh, a tawngmi pa cungah cun a theh lai;

MATTHAI 26:30

Cun hla an sa i Oliv tlang ah khan an kal.

HEBRU 11:28

Lanhtak Puai a sertertu le innka ah thisen nan thuh lai, a titertu kha zumhnak a si; kha an tuahmi kha Thihnak Vancungmi nih Israel mi hna fater kha that hna hlah seh ti caah a si.

HEBRU 12:24

Biakamnak thar a sertu Jesuh sin le Abel thisen nih a chimmi thil nakin a let tam piin a ṭha deuhmi thil kong a chimtu a thletmi a thisen sin kha nan phan cang.

HEBRU 9:1

Biakamnak hmasa bik nih khan Pathian biaknak caah phunglam a ngei i biakinn zong a ngei, a biakinn cu minung sermi a si.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

HEBRU 9:19

A hmasa bik ah Nawlbia nih a ti bantukin, Moses nih mizapi kha nawlbia vialte cu a relpiak hna. Cun cawfa thi kha aa lak i ti he a cawh hnuah, Nawlbia cauk le mizapi kha, hisop le tuuhmul sen in a theh hna i

JOSHUA 2:19

Na innka in khuachung lam ah ahohmanh an chuah ahcun a thi cu amah lu cungah a si lai i, kannih cu mawhchiat awk kan si lai lo; sihmanhsehlaw na inn chung i a ummi aho cung hmanh ah kut thlak a si ahcun, a thi cu kan lu cungah a si lai.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.