EXODUS 12:17 - Lai (Hakha) Common Language Bible 2006

¹⁷ Hi thilnu phulh lo changreu puai cu nannih nih nan ulh lai, zeicahtiah hi ni hi nan ralkapbu Izipt ram in ka chuahpi hna ni kha a si. Hi ni cu a hmunmi puai ni ah chan khat hnu chan khat in nan ulh lai.

EXODUS 12:17 ပူးပေါင်းရင်းမြစ်များ

EXODUS 12:14

Hi ni hi nan caah philh khawh lomi ni a si lai; Bawipa biaknak puai ah nan hman lai. A hmunmi puai ah nan ser lai i chan khat hnu chan khat in nan hman zungzal lai.

EXODUS 12:24

Hi phung hi nanmah le nan tefa hna caah a hmunmi phung nan zulh zungzal dingmi a si lai.

EXODUS 12:41

Kum za li le sawm thum a tlin nite ah khan Bawipa ralkapbu vialte hna cu Izipt ram cun an chuak.

EXODUS 12:6

Atu thla ni hleili ni tiang hi, nan i chiah hna lai i cu ni zanlei ah cun Israel mi vialte nih cu sa cu nan thah cio hna lai.

EXODUS 13:10

Cucaah hi phung cu amahle a caan te ah khan kum khat ah voi khat lengmang nan tuah lai,” a ti hna.

EXODUS 13:3

Mi zapi kha Moses nih cun a thawh hna i, “Sal ah nan cannak inn, Izipt ram in nan chuah ni hi philh hrimhrim hlah u, zeicahtiah hi ni ah hin Bawipa nih ṭhawnnak a liannganmi he an chuahpi hna. Thilnu phulhmi changreu nan ei hrimhrim lai lo.

EXODUS 13:8

Cu ni ah cun nan fapa kha nan thawh hna lai i, ‘Hi ti kan tuahmi vialte hi Izipt ram in kan rak chuah tikah khan Bawipa nih kan ca i a tuahmi philh lonak caah a si,’ tiah nan chimh hna lai.

EXODUS 34:18

“Thilnu Phulh Lo Changreu Puai kha nan tuah lai; Abib thla chungah khan nan tuah lai, kan fial hna bantukin thilnu telh lo changreu kha ni sarih chung nan ei lai; zeicahtiah Abib thla kha Izipt ram in nan chuah thla a si.

EXODUS 6:26

Hi Aaron le Moses hi Pathian nih, “Israel mi cu Izipt ram chungin an bu an bu in chuahpi hna u,” a timi hna kha an si.

EXODUS 7:5

Izipt mi nih cun an cung i ka kut ka hler tik le Israel mi kha an ram chungin ka chuahpi hna tikah, keimah cu Bawipa ka si kha an hngalh lai,” a ti.

NAMBAR 20:16

cun kannih nih Bawipa kha kan auh tikah kan aw kha a theih i vancungmi pakhat a run thlah i Izipt ram in a kan chuahpi; atu cu hika ah hin na ramri i a ummi Kadesh khua ah kan um.

DEUTERONOMI 16:3

Thilnu cawhmi changreu nan ei chih lai lo; thilnu cawh lo changreu, temhinnak changreu he cun ni sarih chung nan ei lai. Izipt ram chungin nan chuah ni kha nan nunchung vialte nan hngalh camcin nakhnga — Izipt ram chung i namhnaw ngaiin nan rak zam kha.