EXODUS 12:16 - Lai (Hakha) Common Language Bible 2006

¹⁶ A ni hmasa bik ni le a ni sarihnak ni ah khan biaknak pumhnak nan ngei lai. Cu ni hnih chung cu rian zeihmanh nan ṭuan lai lo, nan ei awk rawl tuahto lawng kha onh nan si.

EXODUS 12:16 ပူးပေါင်းရင်းမြစ်များ

EXODUS 16:23

Cun Moses nih a thawh hna i, “Bawipa nawl pekmi cu hihi a si: ‘Thaizing cu dinh ni, dinh ni zarh, Bawipa sin i pekchanhmi ni a si. Cucaah rawh nan duhmi kha atu ah raw u law chuan nan duhmi kha atu ah chuang u; a taangmi kha ngaan u law zinglei tiang ṭha tein chia u,’ a ti,” tiah a chimh hna.

EXODUS 16:29

Dinh ni an petu hna cu Bawipa ka si kha philh hlah u, dinh ni a si ruangah cun pei ni ruk ni ah ni hnih ca za dingin rawl kan pek hna cu. Nan umnak hmun cio ah nan um awk a si, ahohmanh nan inn in nan chuak lai lo,” a ti.

EXODUS 16:5

Ni ruk ni ah cun voi dang i nan char tawnmi a let hnih in nan char lai i nan chuan lai,” a ti.

EXODUS 20:10

sihmanhsehlaw ni sarih ni cu dinh ni a si i Pathian caah nan hman lai. Cu ni ah cun ahohmanh rian nan ṭuan lai lo, nanmah siseh, nan fale si hna seh, nan sal si hna seh, nan saṭil si hna seh, nan khua chung i a ummi miphun dang si hna seh, ahohmanh rian nan ṭuan lai lo.

EXODUS 34:18

“Thilnu Phulh Lo Changreu Puai kha nan tuah lai; Abib thla chungah khan nan tuah lai, kan fial hna bantukin thilnu telh lo changreu kha ni sarih chung nan ei lai; zeicahtiah Abib thla kha Izipt ram in nan chuah thla a si.

ISAIAH 1:13

Man ngei lo nan ka pekchanhmi thil hi ka duh ti hna lo. Nan ka pekchanhmi zihmui rim hi ka luak a chuak. Nan Thla Thar Puai te hna, nan Sabbath te hna, nan biaknak pumhnak tehna hi a in in ka ing kho ti lo; nan sualnak nih a thutter dih cang hna.

LEVITIKAS 23:21

Cu ni theng ah cun thawngthanhnak nan ser lai; a thiangmi pumhnak nan tuah lai; rian fak zeihmanh nan ṭuan lai lo: nan techin fapar tiangin nan umnak kip ah zungzal ca nawlbia a si.

LEVITIKAS 23:27

“Hi thla sarihnak thla a ni hra ni hi remnak ni a si; nannih caah pumhnak thiang caan a si lai i nannih nih nanmah lila cu nan i temhinter lai i Bawipa sinah mei in thawinak nan pek lai.

LEVITIKAS 23:35

A ni khatnak ni ah a thiangmi pumhnak a si lai; rian fak zeihmanh nan ṭuan lai lo.

NAMBAR 28:18

A ni khatnak ni ah a thiangmi pumhnak a si lai: rian fak nan ṭuan lai lo,

NAMBAR 28:25

Cun ni sarihnak ni ah a thiangmi pumhnak nan ngei lai; rian fak nan ṭuan lai lo.

NAMBAR 28:26

“Theipar hmasa bik hna ni ah, zarh hna puai ah Bawipa sin i rawl thar changvut thawinak nan pekchanh tikah, a thiangmi pumhnak nan ngei lai; rian fak nan ṭuan lai lo,

NAMBAR 29:1

“Thla sarihnak thla a ni khatnak ni ah a thiangmi pumhnak nan ngei lai; rian fak nan ṭuan lai lo. Nannih caah muko tumnak ni a si lai i,

NAMBAR 29:12

“Thla sarihnak thla a ni hleinganak ni ah a thiangmi pumhnak nan ngei lai; rian fak nan ṭuan lai lo i ni sarih chung Bawipa caah puai nan ulh lai;

JOHAN 19:31

Cu ni cu Cawnningani a si. Judah mi nih cun an thahmi hna cu Sabbath ni i vailam tahnak i an i thlai ko kha an duh lo, cu Sabbath cu a thiang khunmi sabbath a si fawn. Cucaah Pilat sinah khan an va kal i hi hna hi an ke ruh kan den hna lai i vailam cungin kan ṭhumh hna lai, tiah a nawl an va hal.

DEUTERONOMI 16:8

Ni ruk chung thilnu cawh lo changreu kha nan ei lai; ni sarihnak ni ah Bawipa nan Pathian caah a liannganmi pumhnak a um lai; cu ni ah cun rian nan ṭuan lai lo.