EXODUS 12:14 - Lai (Hakha) Common Language Bible 2006

¹⁴ Hi ni hi nan caah philh khawh lomi ni a si lai; Bawipa biaknak puai ah nan hman lai. A hmunmi puai ah nan ser lai i chan khat hnu chan khat in nan hman zungzal lai.

EXODUS 12:14 ပူးပေါင်းရင်းမြစ်များ

2 SIANGPAHRANG 23:21

Cun siangpahrang nih mi vialte cu, “Hi biakamnak cauk chungah aa ṭial bang hin, nannih nih Bawipa nan Pathian sinah lanhtak puai kha ul u,” tiah nawl a pek hna.

SALM 111:4

Bawipa nih thil khuaruahhar a tuahmi hna kha philh loin a kan umter; amah cu mi cungah vel a ngei i zaangfah a thiam.

SALM 135:13

Bawipa, nangmah cu Pathian na si kha mi nih an hngalh zungzal ko lai; chan vialte nih a philh in an philh lai lo.

EXODUS 12:17

Hi thilnu phulh lo changreu puai cu nannih nih nan ulh lai, zeicahtiah hi ni hi nan ralkapbu Izipt ram in ka chuahpi hna ni kha a si. Hi ni cu a hmunmi puai ni ah chan khat hnu chan khat in nan ulh lai.

EXODUS 12:24

Hi phung hi nanmah le nan tefa hna caah a hmunmi phung nan zulh zungzal dingmi a si lai.

EXODUS 12:43

Bawipa nih Moses le Aaron cu a thawh hna i, “Lanhtak Puai tuah ningcang cu hi bantukin a si lai: Ramdangmi ahohmanh nih an ei lai lo,

EXODUS 12:6

Atu thla ni hleili ni tiang hi, nan i chiah hna lai i cu ni zanlei ah cun Israel mi vialte nih cu sa cu nan thah cio hna lai.

EXODUS 23:15

Thilnu Phulh Lo Changreu puai kha nan tuah lai; kan chimh cang hna bantuk khan, Abib thla chung i ni khiahmi ni sarih chung kha thilnu phulh lo changreu nan ei lai, zeicahtiah cu thla cu Izipt ram in nan chuah thla kha a si. Ahohmanh ka hmaiah kut put ngei loin nan chuak lai lo.

EXODUS 27:21

Aaron le a fapa hna nih khan hi meiinn cu Pathian nih a mi hna a ton hnanak thlam chungah khan an chiah lai, cucu puanzar leng, biakamnak hngalhter ṭhantu lungtlap hna chiahnak biakamnak kuang hmaiah khan a si lai. Cuka ah cun, Pathian hmaika ah khan zanlei in zinglei tiang a alh zungzal lai. Hi nawlbia hi Israel mi le an tefa hna nih an zulh zungzal awk a si lai.

EXODUS 5:1

Moses le Aaron cu Faro sinah khan an va kal i Faro cu, “Bawipa, Israel Pathian nih, ‘Ka mi hna cu, thetse ram ah biaknak puai an tuah khawh nakhnga, kalter hna seh,’ aan ti,” tiah an ti.

EZEKIEL 46:14

Cu sinah cun rawl thawinak caah zing fate in ephah cheu ruk cheu khat kha nan thawh chih lai i changvut nawnnak caah chiti hin cheu thum cheu khat zong nan thawh chih fawn lai; Bawipa ca i rawl thawinak hi zeitik caan paoh ca i nan tuah lai tiah timi a si.

LEVITIKAS 23:6

Cun cu thla ṭhiamṭhiam, a ni hleinga ni ah cun Bawipa ca i thilnu tel lo changreu puai a si lai; ni sarih chung thilnu telh lomi changreu nan ei lai.

ZEKHARIAH 6:14

Bawiluchin cu Heldai, Tobiah, Jedaiah le Zefaniah fapa Josiah nih an zohkhenh lai i biakinn chungah khan hngalh camcinnak thil ah an um lai.

NAMBAR 10:8

Cun Aaron fapa, tlangbawi hna nih khan muko cu an tum hna lai. Muko cu nannih caah nan tefa chin tiangin zungzal nawlbia caah an si lai.

NAMBAR 15:15

Hi mibu chungah, nannih caah le nannih an pemmi hna khual caah nawlbia pakhat a si lai, nan tefa chin tiangin a dong lo nawlbia a si lai. Bawipa hmaiah mipem zong cu nanmah bantuk an si ve lai.

NAMBAR 16:40

Cun tlangbawi a si lo i Aaron tefa a si lomi ahohmanh nih Bawipa hmai i zihmui khangh awkah an ra naih nakhnga lo, Israel mi hna caah mah cucu hngalhtertu a si lai, Korah le a hawile hna bang khan an si sual ve nakhnga lo — Bawipa nih Moses in Eleazar sinah a chim bangin.

NAMBAR 18:8

Cun Bawipa nih Aaron cu, “Zoh-hmanh, keimah sin i pekchanhmi thil hna chungin khangh lomi paoh cu nangmah kan pek, Israel mi hna an thil thiang vialte cu; mah thil hna cu na vo ah nangmah kan pek i an hmuh camcin awkah na fapale kha ka pek hna.

MATTHAI 26:13

Hihi philh hlah u: hi thawngṭha hi vawlei cung khuazakip i an chimnak hmun paoh ah, a tuahmi thil hi amah philh lonak ah chim a si zungzal ve lai,” tiah a ti hna.

LUKA 22:19

Cun chang kha a lak i Pathian sinah lawmhnak bia a chim hnuah a cheu i annih cu a pek hna i, “Hihi ka pum a si, nan ca i ka pekmi cu. Keimah philh lonak ah run tuah u,” tiah a ti.

DEUTERONOMI 16:1

“Abib thla cu nan ulh lai i Bawipa nan Pathian lanhtak puai cu nan ulh lai; zeitintiah Bawipa nan Pathian nih Izipt ram chungin zan ah Abib thla ah an chuahpi hna.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

DEUTERONOMI 6:8

Cun na kut ah chingchiahnak caah na ṭem chih hna lai i na mit le na mit karah hmelchunhnak caah an si lai.

JOSHUA 4:7

Khi tikah nannih nih Bawipa biakamnak kuang hmaiah Jordan tiva ti cu a cat; Jordan kha a tan tikah Jordan ti cu a cat, tiah nan chimh hna lai. Cucaah hi lung hna cu Israel mi caah zungzal hngalh camcinnak an si lai,” tiah a ti.

1 SAMUEL 30:25

Cun cu ni thawk in nihin ni tiang Israel mi hna caah mah cucu nawlbia le phunglam ah a ser i nihin tiang a hmun.