EXODUS 12:13 - Lai (Hakha) Common Language Bible 2006

¹³ Thisen hi nannih nan umnak inn hmelchunhnak a si lai. Thisen kha ka hmuh tikah nannih cu kan lanhtak hna lai i Izipt ram ka hrem tikah dantatnak nih a chuahtermi rawhralnak cu nan cungah a tlung lai lo.

EXODUS 12:13 ပူးပေါင်းရင်းမြစ်များ

GENESIS 17:11

Atu ri hin cun fapa nan ngeihmi paohpaoh cu ni riat a si ah an cuarpar nan tan hrimhrim hna lai, nan inn chung i a chuakmi nan sal hna zong, cun ramdangmi sin i nan cawkmi sal hna zong an i tel chih dih lai. Hi nih hin nanmah le keimah karlakah biakamnak a um kha a langhter lai.

EXODUS 12:11

Cun nan eining cu hi ti hin a si lai: nan puan kha nan i sawihnawt lai i nan kedan kha nan i danh lai i nan ṭhiangṭhunh kha nan i put lai, cuticun khulrang in nan ei lai. Cu puai cu Bawipa ca i Lanhtak Puai a si.

EXODUS 12:23

Bawipa cu Izipt mi hna kha thah awkah Izipt ram i aa chawh tikah nan innkaba cung thi le nan innka tung cung thi kha a hmuh hna lai i cuticun hrawktu kha nanmah thah awkah nan inn chungah khan lut loin a umter lai.

EXODUS 12:7

Cun an thi kha tlawmpal in nan lak lai i nan innka tung le nan innkaba ah khan nan nalh hna lai i inn chungah khan sa cu nan ei lai.

EZEKIEL 9:4

“Khua chungah khan vaa chawk tuah, Jerusalem khua chungah khan vaa chawk tuah, khika i thil fihnung an tuahmi ruang i a ṭapmi hna le a ngaih a chiami hna kha an cal ah hmelchunhnak va khenh hna, tiah Bawipa nih a ti,” tiah a ti.

1THESALON 1:10

Pathian taktak a simi Pathian nung biak awk le vancung in a ra laimi a Fapa hngah awkah siasal biaknak in Pathian leiah nan i mer kha an chim i cu a fapa Jesuh cu thihnak in a thawhtermi le a ra liomi Pathian thinhunnak in a kan chanhtu kha a si.

HEBRU 11:28

Lanhtak Puai a sertertu le innka ah thisen nan thuh lai, a titertu kha zumhnak a si; kha an tuahmi kha Thihnak Vancungmi nih Israel mi hna fater kha that hna hlah seh ti caah a si.

JOSHUA 2:12

Cucaah atu cu, nan cungah zaangfahnak ka langhter cang bantukin, nannih zong nih ka pa innchungkhar cungah zaangfahnak nan langhter ve i, hmelchunhnak taktak nan ka pek i,

JOSHUA 2:18

Zohhmanh, ram chungah kan rung luh tikah hi hri sen hi na kan chuahternak thlalangawng ah hin na rak hren lai, cun na inn chungah hin na pa le na nu, na ṭale le na pa innchungkhar vialte nan rak pumh hna lai.

1JOHAN 1:7

Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh.