EXODUS 12:12 - Lai (Hakha) Common Language Bible 2006

¹² Cu zan ah cun Izipt ram ah khan kaa chawk lai i fater vialte kha minung si hna seh, saram si hna seh, ka thah dih hna lai. Izipt ram pathian vialte kha dan ka tat dih hna lai; keimah hi Bawipa cu ka si.

EXODUS 12:12 ပူးပေါင်းရင်းမြစ်များ

1 CHANRELNAK 14:12

Cun khika ah an pathian hna kha an kaltak hna i David nih nawl a pek hna i an khangh hna.

SALM 135:8

Izipt ram ah fater paohpaoh kha a thah hna, minung fater he saram fater he a thah hna.

SALM 82:1

Vancung biaceihnak hmun ah Pathian cu a dir i pathian pawl an i pumhnak ah biakhiahnak hi bantukin a tuah;

SALM 82:6

Nannih cu pathian nan si, Cungnung Bik fapa nan si, kan ti hna.

SALM 91:7

Na pawng ah mi thong khat an thi ko lai, na velchum ah thong hra zong an thi ko lai, sihmanhsehlaw nang cu zeihmanh nih an tawng lai lo.

SALM 95:3

Zeicahtiah Bawipa cu a ṭhawngmi Pathian a si, pathian dang vialte cung siangpahrang ṭhawng a si.

EXODUS 12:23

Bawipa cu Izipt mi hna kha thah awkah Izipt ram i aa chawh tikah nan innkaba cung thi le nan innka tung cung thi kha a hmuh hna lai i cuticun hrawktu kha nanmah thah awkah nan inn chungah khan lut loin a umter lai.

EXODUS 18:11

Atu cu Bawipa hi pathian vialte hna lakah a ngan bik a si tiah ka hngalh; Izipt mi hna nih Israel mi cungah huatnak in rian an ṭuan tikah hi bantukin a tuah caah khan, a ngan bik a si cu ka hngalh,” a ti.

EXODUS 21:6

a bawipa nih khan Pathian sinah a chuahpi lai; innka ah maw innka tung ah khan maw a chuahpi lai i a hna an vih lai. A thih tiang a sal a si lai.

EXODUS 22:28

“Pathian cu nan thangchiat lai lo, nan mi hna hruaitu a simi kha chiat nan serh lai lo.

EXODUS 6:2

Pathian nih Moses cu a chawnh i, “Keimah cu Bawipa ka si.

EXODUS 9:6

A thaizing ah Bawipa nih a chim bantuk cun a tuah taktak i Izipt mi saṭil vialte cu an thi dih, sihmanhsehlaw Israel mi hna saṭil cu pakhat hmanh an thi lo.

ISAIAH 19:1

Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

JEREMIAH 43:12

Izipt pathian hna biakinn cu mei in a khangh hna lai, inn cu a khangh hna lai i pathian cu sal ah a hruai hna lai. Tuukhal nih a puan i ṭhah a ummi a zoh hna bangin Izipt ram cu a zoh lai. Aa tinhmi cu a tlinter dih hnuah Izipt cu a kaltak lai.

JEREMIAH 43:13

Izipt ram chung i a ummi Beth-shemesh i tung thiang hna cu a den dih hna lai i Izipt pathian hna biakinn cu a khangh dih hna lai,” tiah a ti.

JEREMIAH 46:25

Thebes khua pathian Ammon cu dan ka tat lai, Izipt cu a pathian hna le a bawi hna he khan dan ka tat lai; Faro le amah aa bochanmi vialte hna kha dan ka tat hna lai.

EZEKIEL 12:16

Sihmanhsehlaw an lakah tlawmpalte cu vainam le mangṭam in le rai in a luat ding kha ka nganh hna lai i cu hna nih cun an va kalnak miphun dang hna sinah khan thil fihnung an tuahnak kong vialte kha an va chim dih lai i annih nih Bawipa ka si kha an hngalh lai,” a ti.

AMOS 5:17

Mitsur dum chung kip ah khan ṭahnak a um lai; Zeicahtiah nan lakah kaa chawk lai, tiah Bawipa nih a ti.

ZEFANIAH 2:11

Bawipa nih annih cu a ṭihnunnak vialte he a chuahhnawh hna lai; vawlei cung khuazing vialte cu santlailo ah a ser dih hna lai i miphun dang hna rilikam ram le tikulh vialte nih amah cu an biak lai, mi kip nih anmahle an inn cio in an biak lai.

NAMBAR 33:4

Cu lioah cun Izipt mi hna cu annih lak i Bawipa nih a thahmi an fater hna kha an vui hna; an pathian hna cung zongah Bawipa nih biaceihnak a tuah.

1 SAMUEL 5:3

Cun a thaizing ah, Ashdod khuami hna cu zingkate in an thawh tikah, zohhmanh, Dagon cu a bawktakhup in vawlei ah Pathian kuang hmaiah cun a rak tlu. Cucaah Dagon cu an lak i a umnak kel ah khan an chiah ṭhan.

1 SAMUEL 6:5

Cucaah nan bonak mui le nan ram a hrawktu nan zu hna mui cu nan ser lai i Israel Pathian cu sunparnak nan pek lai; nanmah le nan khuazing hna le nan ram cungin a kut cu a hei zanter hmanh maw.