EXODUS 11:5 - Lai (Hakha) Common Language Bible 2006

⁵ Izipt ram chung i fater a simi paohpaoh kha an thi lai, Faro rocotu a bawiṭhutdan cung i a ṭhu dingmi fater thawk in facang rialnak lung i facang a rialmi salnu fater tiang an thi lai. Saṭil hna fater vialte zong an thi ve lai.

EXODUS 11:5 ပူးပေါင်းရင်းမြစ်များ

SALM 105:36

Izipt mi innchungkhar cio i a chuak hmasa bik fapa paoh kha a thah dih hna.

SALM 135:8

Izipt ram ah fater paohpaoh kha a thah hna, minung fater he saram fater he a thah hna.

SALM 136:10

Izipt mi an fapa upa bik kha a thah hna, a dawtnak cu zungzal in a hmun.

SALM 78:51

Izipt ram chung innchungkhar dihlak an fapa upa bik kha a thah dih hna.

EXODUS 12:12

Cu zan ah cun Izipt ram ah khan kaa chawk lai i fater vialte kha minung si hna seh, saram si hna seh, ka thah dih hna lai. Izipt ram pathian vialte kha dan ka tat dih hna lai; keimah hi Bawipa cu ka si.

EXODUS 12:29

Zanṭim ah Bawipa nih Izipt ram fater vialte cu a thah hna; bawiṭhutdan cungah a ṭhu ding Faro fater thawk in thong chung i a ummi thongtla fater tiang an thi; saṭil fater vialte zong an thi.

EXODUS 4:23

Ka fapa nih cun a ka biak khawh nakhnga kalter ko, tiah kan ti i na duh lo. Cucaah cun na fapa upa bik kha ka thah lai,’ a ti, na ti lai,” tiah a ti.

ISAIAH 47:2

Facang rialnak lung kha mer ko kun, changvut kha rial ko kun. Na hmai khuhnak puan kha i phawih law na thil thuam ṭhaṭha kha i phawih hna.

ṬAHNAK HLA 5:13

Facang rialnak ah tlangval hna cu an ba i An thing phor nih a neh hna caah pa ngakchia cu an ril.

MATTHAI 24:41

Nu pahnih sum a sumi hna lakah pakhat cu kalpi a si lai i pakhat cu nganhta a si lai.

HEBRU 11:28

Lanhtak Puai a sertertu le innka ah thisen nan thuh lai, a titertu kha zumhnak a si; kha an tuahmi kha Thihnak Vancungmi nih Israel mi hna fater kha that hna hlah seh ti caah a si.

BIACEIHTU 16:21

Cun Filistin mi nih an tlaih i a mit an khoih i Gaza ah an vun kalpi i dar hreng an khenh; cun thonginn chungah rawl rialnak lung in rawl kha an rialter.