EXODUS 10:9 - Lai (Hakha) Common Language Bible 2006

⁹ Moses nih cun, “Kan dihlak in kan kal lai, kan ngakchia hna he, kan tar hna he, kan fapa hna he ka fanu hna he, kan tuu hna he kan meheh hna he kan caw hna he kan kal lai, zeicahtiah Bawipa sinah biaknak puai kan ngeih awk a herh,” a ti.

EXODUS 10:9 ပူးပေါင်းရင်းမြစ်များ

GENESIS 50:8

Cun Josef a innchungkhar le a unau hna le a pa innchungkhar zong kha an kal ve. An ngakchia hna le an tuu hna le an meheh hna le an caw hna lawng kha Goshen ram ah cun an chiahtak hna.

EXODUS 10:10

Faro nih cun, “Bawipa nih in bawm hna seh! Nu le ngakchia cu nan i kalpi hna hnga lo, zeicahtiah harnak pakhatkhat tuah nan i tim ti cu a fiang.

EXODUS 10:26

Kan saṭil cu kan sinah an kal ve hrimhrim a hau; pakhat hmanh kan kaltak hna lai lo. Bawipa kan Pathian biaknak caah cun saṭil kha kan thim hna a hau lai i cuka kan va phak hlanah cun kanmah hrimhrim zong nih Bawipa biaknak caah zei hi dah kan hman hna lai ti kha kan hngal rih lai lo,” a ti.

EXODUS 12:32

Nan ka hal bangin nan tuu le nan meheh le nan caw kha i kalpi hna u law, chuak u. Cun thluachuahnak ka hmuh nakhnga thla ka campiak u,” a ti hna.

EXODUS 12:37

Israel mi cu Rameses in an i thawh i Sukkoth ah an kal. Nu nau chim loin ke in a kalmipa thong za ruk tluk an si.

EXODUS 12:38

Midang tampi le tuu le meheh le caw tampi zong an sinah cun an kal ve.

EXODUS 13:6

Ni sarih chung thilnu phulh lo changreu nan ei lai i a ni sarihnak ni ah Bawipa caah puai nan tuah lai.

EXODUS 3:18

Annih nih na chimmi cu an ngaih ko lai. Cun Israel mi hruaitu pawl he cun Izipt siangpahrang sinah khan nan va kal lai i, ‘Hebru mi hna Pathian Bawipa nih khan a kan ton; cucaah cun Bawipa kan Pathian sin i raithawinak pekchanh awkah ni thum lamkal ah thetse ram chungah kan kalter,’ nan va ti lai.

EXODUS 5:1

Moses le Aaron cu Faro sinah khan an va kal i Faro cu, “Bawipa, Israel Pathian nih, ‘Ka mi hna cu, thetse ram ah biaknak puai an tuah khawh nakhnga, kalter hna seh,’ aan ti,” tiah an ti.

EXODUS 5:3

Annih nih, “Hebru mi Pathian nih khan a kan ton. Bawipa kan Pathian sinah cun raithawinak kan tuah khawh nakhnga, ni thum lamkal ah thetse ram ah cun kan kalter ko. Kan kal lo ahcun rai in maw asiloah ral in maw a kan thah sual lai,” an ti.

PHUNGTHLÛKBIA 3:9

Bawipa cu na chawva le na thilri theitlai hmasa bik hna in upat tuah;

PHUNGCHIMTU 12:1

Cucaah nan tlanval lioah nanmah an sertu kha philh hlah u, ni ṭhalo hna an phak hlan le, “An chungah nuamhnak zeihmanh kan ngei lo,” nan timi kum hna an nai hlanah hin.

NAMBAR 29:12

“Thla sarihnak thla a ni hleinganak ni ah a thiangmi pumhnak nan ngei lai; rian fak nan ṭuan lai lo i ni sarih chung Bawipa caah puai nan ulh lai;

EFESA 6:4

Nu le pa hna, nan fale kha an thin hung seh tiin ti hna hlah u. Khrihfa ziaza le cawnpiaknak he tu khan ṭhanter hna u.

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti