EXODUS 10:6 - Lai (Hakha) Common Language Bible 2006

⁶ Na inn le na bawi pawl inn le na mi hna inn kha an khat lai. Na pu na pa hna nih hi ram i an rat hramthawk in an hmuhmi thil vialte lakah hi tlukin a chiami cu a um lai lo,’ a ti,” tiah an chimh. Cun aa mer i Faro cu a chuahtak.

EXODUS 10:6 ပူးပေါင်းရင်းမြစ်များ

EXODUS 10:11

Cucaah cun va kal i Bawipa biak kha nan duhmi a si ko ahcun, pa lawnglawng nan kal lai,” a ti i cuticun Faro hmaika khan a ṭhawl in an ṭhawl hna.

EXODUS 11:6

Hi hlanah a um bal lo i hmailei zongah a um bal lo ding aihramnak kha Izipt ram chung dihlak ah a tlung lai.

EXODUS 11:8

“Cun na bawi vialte hna hi ka sinah an ra lai i ka hmaiah an kun lai i, ‘Nangmah le na mi hna cu va kal ko u,’ tiah an ti lai. Cu hnuah cun hi ram hin ka chuak lai,” tiah a ti fawn. Cun thinhung ngaiin Moses nih Faro cu a chuahtak.

EXODUS 8:21

Ka mi cu a kalter hna lo ahcun amah le a bawi hna le a inn hna cungah tho ka tlunter hrimhrim hna lai. Izipt mi vialte an inn cung dihlak ah ka tlunter lai, cun an dirnak vawlei hmanh kha tho in ka khahter lai.

EXODUS 8:3

Tiva cu utlak in a khat lai i tiva cu an kaltak lai i na inn chungah an lut lai; na ihnak khaan le na ihkhun le na bawi pawl inn le na mi hna inn ah khan an lut lai; na tappi le na changreu sernak kheng chung tiangin an lut lai.

EXODUS 9:18

Ngai hmanh, thaizing atu tikah hin rial ngan pipi ka tlakter ciammam lai i cu bantuk rial cu Izipt ram a thawhkehnak in ahohmanh nih an hngalh bal lomi rial an si lai.

EXODUS 9:24

Rial fak piin a tla i nimtlau kha a kenkip ah a lek; Izipt ram a thawhkehnak in Izipt ram cungah cu bantuk thlichia cu a um bal rih lo.

JOEL 2:2

Cu ni cu muihnak le khuachiat ni, Chum le minmei aa zelh ni a si lai. Tlang cungah khin nak khupmap in khaubawk bu ngan pipi cu an hung chuak; Anmah bantuk cu a um bal lo i hmailei caan zongah a um bal fawn lai lo.

JOEL 2:9

Khuapi kha an nam, A vampang ah khan an kai, inn chungah khan an lut, Mifir bantukin thlalangawng in an lut.

HEBRU 11:27

Siangpahrang thinhunnak kha ṭih loin Moses cu Izipt ram khan a chuak i cu a chuahtertu cu zumhnak a si; hmuh khawh lomi Pathian kha hmu seh law cu bang, a kir in a kir duh ti lo.