EXODUS 10:26 - Lai (Hakha) Common Language Bible 2006

²⁶ Kan saṭil cu kan sinah an kal ve hrimhrim a hau; pakhat hmanh kan kaltak hna lai lo. Bawipa kan Pathian biaknak caah cun saṭil kha kan thim hna a hau lai i cuka kan va phak hlanah cun kanmah hrimhrim zong nih Bawipa biaknak caah zei hi dah kan hman hna lai ti kha kan hngal rih lai lo,” a ti.

EXODUS 10:26 ပူးပေါင်းရင်းမြစ်များ

EXODUS 10:25

Moses nih cun aa thawh i, “Cu ti a si ahcun, Bawipa kan Pathian sin i pekchanh awkah, raithawinak ding ca le khangh thawinak ding caah saṭil na kan pek a hau lai.

EXODUS 10:9

Moses nih cun, “Kan dihlak in kan kal lai, kan ngakchia hna he, kan tar hna he, kan fapa hna he ka fanu hna he, kan tuu hna he kan meheh hna he kan caw hna he kan kal lai, zeicahtiah Bawipa sinah biaknak puai kan ngeih awk a herh,” a ti.

EXODUS 12:32

Nan ka hal bangin nan tuu le nan meheh le nan caw kha i kalpi hna u law, chuak u. Cun thluachuahnak ka hmuh nakhnga thla ka campiak u,” a ti hna.

EXODUS 8:27

Cucaah cun Bawipa kan Pathian nih a kan fial bantukin thetse ram chung ni thum lamkal ah kan kal hrimhrim awk a si lai i cuka ah cun Bawipa kan Pathian sinah khan rai cu kan vaa thawi lai,” a ti.

PHUNGTHLÛKBIA 3:9

Bawipa cu na chawva le na thilri theitlai hmasa bik hna in upat tuah;

ISAIAH 23:18

Chawleh chawhrawlnak in a hmuhmi tangka cu Bawipa sinah a pek lai. A khong hna lai lo i a thup hna lai lo, sihmanhsehlaw Bawipa a biami hna nih a tangka cu an herhmi rawl le thilpuan cawknak ah an hman lai.

HOSEA 5:6

Bawipa sin i raithawi awk caah an tuu hna le an caw hna kha i put hna hmanh seh law zeihmanh san a tlai lo; A kaltak cang hna caah amah cu an hmu kho lo.

ZEKHARIAH 14:20

Khi ni ah cun raltuknak rangtum cung i dar khi-ing kha, “Bawipa caah a thiang,” tiin ṭialmi pakhat hmanh a um ti lai lo i Bawipa inn chung i a ummi um hna cu biakṭheng hmai i khengkuar bantuk an si lai.

2 KORIN 8:5

An tuahmi cu ka rak i ruah ngam lengpi a si, A hmasa bik ah anmah kha Pathian sinah an i pe, cun Pathian hnatlaknak in kan sin zongah an i pe.

HEBRU 11:8

Pathian nih Abraham kha a auh tikah, a bia a ngaihtertu le, kan pek lai, tiah a kamhmi ram i a kaltertu kha zumhnak a si. Khuazei ah ka kal ti hngal loin a ram kha a chuahtak.