EXODUS 10:21 - Lai (Hakha) Common Language Bible 2006

²¹ Bawipa nih Moses cu a thawh i, “Van leiah khin na kut hler law, khuamui a muih tuk ah a fah in a fakmi nih Izipt ram kha a dihlak in khuh seh,” a ti.

EXODUS 10:21 ပူးပေါင်းရင်းမြစ်များ

JOB 5:14

Chun ah muihnak he an i tong i Chunlai ah zan bantukin an i dap lengmang.

SALM 105:28

Ram cungah cun muihnak an tlunter, sihmanhsehlaw Izipt mi nih khan a nawl an ngai duh lo.

SALM 35:6

An lam cu mui in nal seh law Bawipa vancungmi nih cun deng len hna seh.

SALM 78:49

Ṭih a nungmi a thinhunnak kha an cungah a thlet hnawh hna i hrawktu vancungmi a thlahhnawhmi hna nih khan harnak tampi an pek hna.

EXODUS 7:19

Bawipa nih Moses cu a thawh i, “Aaron kha, ‘Na ṭhiangṭhunh cu Izipt ram chung ti vialte cungah hler tuah, tiva si hna seh, tilak si hna seh, tidil si hna seh, an cungah hler tuah. Ti cu thisen ah an i cang dih lai i ram chungah khan a dihlak in thisen a um lai, thing tikuang le lung tikuang hmanh ah thisen cu a um lai,’ tiah chim,” a ti.

EXODUS 9:22

Cun Bawipa nih Moses cu a thawh i, “Van lei ah na kut hler law Izipt ram chungah a dihlak in, mi cung le saṭil cung le lo chung i a ummi thlai kung vialte cungah rial cu tla seh,” a ti.

PHUNGTHLÛKBIA 4:19

Miṭhalo hna lam cu zan muihnak bantuk a si, Zei cungah dah kan tluk i kan rilh ti kha an hngal lo.

PHUNGCHIMTU 2:14

Mifim nih cun khuazei ah dah kan kal ti kha an hmuh khawh, mihrut nih cun an hmu kho lo. Sihmanhsehlaw kan donghnak cu aa khat ṭhiamṭhiam ko lai ti kha ka hngalh ṭhan.

PHUNGCHIMTU 6:4

Ngakchia caah chuah kha zeihmanh ṭhathnemnak a um lo; muihnak chungah khan a lo i cuka ah cun philh a si ko.

EZEKIEL 32:7

Na ceunak kha ka hmih tikah van kha ka phenh lai i a arfi hna kha ka muihter hna lai; ni cu minmei in ka phenh lai i thlapa nih a ceunak a chuah lai lo.

MATTHAI 27:45

Chun in zanlei suimilam pathum tiang cu ram cu a dihlak in muihnak nih a khuh i

MARKA 15:33

Chun ah cu ram cu a dihlak in muihnak nih suimilam pathum chung a khuh.

LUKA 23:44

Chun suimilam hleihnih tluk ah ni cu a mui i muihnak nih ram cu a pumpuluk in zanlei suimilam pathum tiang a khuh;

DEUTERONOMI 1:30

Izipt ram i nan mithmuh ah an tuahpiak hna bantuk le mipa nih a fa a puak bantuk i Bawipa nan Pathian nih ramlak i nan kalnak lam vialte ah, hi hmun nan phak hlantiang, an puak hna nan hmuh bantuk khan nan hmai i a kalmi Bawipa nan Pathian hrimhrim nih an dohpiak hna lai,’ tiah ka ti.

DEUTERONOMI 28:29

mitcaw nih mui lakah aa dah lengmang bantukin chun lai ah nan i dap lai i, nan lam ah khua awng nan pem lai lo. Hrem le ramh lawnglawng nan si thluangthluan ko lai i an bawmtu hna ahohmanh an um lai lo.

DEUTERONOMI 4:34

Asiloah, pathian zei tal nih miphun dang pakhat chungin miphun pakhat cu amah ca i va kal i vaa lak awkah, hneksaknak le hmelchunhnak le khuaruahharnak le ral dohnak le a ṭhawngmi kut le samhmi ban le thil ṭihnung in, Bawipa nan Pathian nih Izipt ram ah nan mit hmuh ah an tuahpiakmi hna vialte bang khan tuah a zal bal maw?

2 PETER 2:17

Hi mi hna cu a hna a reu cangmi cerh bantuk an si; thli nih a choihmi khuadawm bantuk an si; a thuk bik muihnak chungah khin Pathian nih umnak hmun a chiahpiak ko hna.

2 PETER 2:4

A sualmi vancungmi kha Pathian nih a zuah hna lo i hell ah a thlak hna, khika mui lakah thir cikcin in an hren hna i Biaceih Ni kha an hngak ko.

JUDAS 1:13

Rili tilet ṭihnung bantuk an si, ningzak a simi an tuahsernak cu tilet buanbara bantukin an lang. A vak a vaimi arfi bantuk an si, cu arfi hna cu Pathian nih muihnak a thuk bik chungah khin hmun a chiahpiak ko hna.

JUDAS 1:6

Cun Pathian nih, hi vial hi nan nawl ngeihmi a si lai, tiah a ti i cu chung i a um duh lomi vancungmi hna kong kha philh hlah u. Vawlei tang muihnak ah khin thir cikcin in zungzal an hren hna i sualphawt an si lai ni, ni lianngan a phak tiang cuka ah cun Pathian nih a chiah hna lai.

BIAPHUAN 8:12

Cun vancungmi palinak nih a muko cu a vun tum, nika cu cheu thum ah cheu khat a beuh i thlapa zong cheu thum ah cheu khat a beuh ve, arfi zong cheu thum ah cheu khat an lo fawn. Cucaah cun an ceunak cu cheu thum ah cheu khat a zor i chun ah ṭhen thum ṭhen khat chung a mui i zan zongah ṭhen thum ṭhen khat chung ceunak a um lo.