EXODUS 10:16 - Lai (Hakha) Common Language Bible 2006

¹⁶ Cu tikah Faro nih Moses le Aaron kha khulrang in a auh hna i, “Bawipa nan Pathian cung le nanmah cungah ka sual cang.

EXODUS 10:16 ပူးပေါင်းရင်းမြစ်များ

2 SAMUEL 19:20

zeitintiah ka sual cang ti kha na sal nih ka hngalh; cucaah zohhmanh, Josef innchungkhar vialte hna lakah a hmasa bik ah rat i siangpahrang ka bawipa cu don awkah nihin ah ka ra,” tiah a ti.

2 SAMUEL 24:10

Sihmanhsehlaw mi an rel dih hna hnuah khan David cu lung sivang in a um. Cun David nih Bawipa sinah cun, “Ka tuahmi ah hin fak piin ka sual cang. Sihmanhsehlaw, maw Bawipa, hruhnak piin ka tuah cang caah, na salpa ka ṭhat lonak hi ka hlohpiak ko sawh, tiah kan nawl,” tiah a ti.

2 SAMUEL 24:17

Cun mi a that lentu vancungmi kha a hmuh tikah David nih Bawipa sinah bia a chim i, “Zohhmanh, ka sual cang i ṭhalo ngaiin ka tuah cang; sihmanhsehlaw hi tuu hna nih hin zeidah an tuah? Na kut cu keimah le ka pa innchungkhar cungah si ko seh, tiah kan nawl,” tiah a ti.

EXODUS 8:25

Cun Faro nih khan Moses le Aaron kha a auh hna i, “Va kal u law hi ram chungah hin nan Pathian sinah cun raithawinak cu va tuah u,” a ti.

EXODUS 8:8

Faro nih Moses le Aaron kha a auh hna i, “Bawipa sinah cun thlacam u law ka mi hna sin hin utlak hi la hna seh, cun nan mi hna cu Bawipa sinah raithawinak an pekchanh khawh nakhnga ka kalter hna lai,” a ti.

EXODUS 9:27

Faro nih Moses le Aaron kha a auhter hna i, “Tutan cu keimah ka sual; Bawipa cu ahmaan i kei le ka mi hna cu kan palh.

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

NAMBAR 21:7

Cun annih nih Moses sinah an ra i, “Bawipa le nangmah kha kan in mawhchiat hna caah kan sual cang; kannih sinin rul kha a lak hna nakhnga, Bawipa sinah thlacam tuah,” tiah an ti. Cucaah Moses nih annih caah thla a cam.

NAMBAR 22:34

Cun Balaam nih Bawipa vancungmi sinah cun, “Ka sual cang, zeitintiah keimah donh awkah lam ah na rak dir ti kha ka hngal lo. Cucaah na mithmuh ah thil ṭhalo a si ahcun ka kir ṭhan ko lai,” tiah a ti.

MATTHAI 27:4

“A sual lomi thihnak ka phakter kha ka sual,” tiah a ti. Sihmanhsehlaw annih nih cun an rak thawh i, “Cucu kan zeidah a poi? Nangmah nih naa tuahnak in vaa tuah ko,” tiah an rak leh.

1 SAMUEL 15:24

Cun Saul nih Samuel sinah cun, “Ka sual cang; mi zapi kha ka ṭih hna i an aw ka zulh hna caah Bawipa nawlbia le nangmah bia kha ka buar cang hna.

1 SAMUEL 15:30

Cun amah nih khan, “Ka sual ko cang; sihmanhsehlaw atu cu ka mi hna i an upa hna hmai le Israel mi hmaiah hin upatnak ka pe law ka kirpi ko. Bawipa na Pathian cu ka biak nakhnga,” tiah a ti.

1 SAMUEL 26:21

Khi tikah Saul nih, “Ka palh cang, ra kir tuah, ka fapa David, ka nunnak cu na mit ah nihin ah hin a sun caah na cungah harnak ka tuah ti lai lo; zohhmanh, ka rak hrut hrimhrim ko i fak piin ka palh cang,” tiah a ti.