EXODUS 1:9 - Lai (Hakha) Common Language Bible 2006

⁹ A mi kha a thawh hna i, “Israel mi hna hi zohhmanh hna u, an tam tuk i an ṭhawn tuk cang caah hin thinphang kan si.

EXODUS 1:9 ပူးပေါင်းရင်းမြစ်များ

GENESIS 26:16

Cun Abimelek nih Isak cu a thawh i, “Kan kaltak cang. Kanmah nakin na ṭhawng tuk cang,” a ti.

GENESIS 46:3

“Keimah cu Pathian, na pa i a Pathian ka si. Izipt ram kal cu ṭih hlah; cuka ah cun na tefa hna cu miphun ngan ah ka ser hna lai.

JOB 5:2

Asi taktak ko, thinhunnak nih mihrut kha a thah hna i Nahchuahnak nih lungthin tlawmmi kha a nawn hna.

EXODUS 5:5

Faro nih cun aa thawh ṭhan i, “Hi mi hna hi ka ram chung mi taktak nakin an tam deuh cang. An rianṭuanmi hi ṭuan hna hlah seh ti maw nan duh?” a ti hna.

PHUNGTHLÛKBIA 14:28

Siangpahrang cu ukmi tampi a ngeih tikah a lianngan, ukmi a ngeih lo ahcun a bawinak cu a lo ko.

PHUNGTHLÛKBIA 27:4

Thinhunnak hi a puar i thinlinhnak hi a hrang ko, sihmanhsehlaw nahchuahnak he cun tahchunh awk tlak hmanh an si lo.

PHUNGCHIMTU 4:4

Zeicahdah minung nih hin tlamtlinnak ding caah fak piin rian a ṭuan ti zong kha ka hngalh cang: hawi nakin tam deuh ngeih an duh caah a si. Cucu pakpalawng a si ko, thlitu dawi men kha a si ko.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

JEIM 4:5

“Pathian nih kan chungah a chiahmi thlarau cu duhnak ṭihnung in a khat,” tiah Cathiang nih a timi kha sullam ngei lo a si tiah ruat sual hlah u.