EXODUS 1:17 - Lai (Hakha) Common Language Bible 2006

¹⁷ Sihmanhsehlaw nau hrintertu sayamah hna nih cun Pathian kha an ṭih caah siangpahrang nawl kha an zul lo i pa zong kha an nunh hna.

EXODUS 1:17 ပူးပေါင်းရင်းမြစ်များ

GENESIS 20:11

Abraham nih cun a leh ve i, “Hika ah hin Pathian a ṭihmi pakhat hmanh an um lai lo i ka nupi duh ah hin keimah tu kha an ka thah lai tiah ka rak ruah caah a si.

GENESIS 42:18

A ni thumnak ni ah Josef nih a thawh hna i, “Kei cu Pathian biami ka si caah hi ka chimmi nan tuah ahcun nan nunnak cu nan luat lai:

2 SAMUEL 24:4

Sihmanhsehlaw siangpahrang bia nih cun Joab le ralkapbu haotu hna cu a tei hna. Cucaah Joab le ralkapbu haotu hna cu mi kha rel awkah siangpahrang hmaika khan an chuak.

NEHEMIAH 5:15

Keimah hlan i a rak ummi uktu bawi hna nih cun mi zapi cungah khan thilrit an chuan i annih sin cun ngun shekel sawm li hleiah rawl le mitsur hang kha an lak hna. An sinum hna hmanh nih mi zapi cu an lalhnawh hna. Sihmanhsehlaw kei nih cun Pathian ka ṭih caah cu bantuk cun ka tuah lo.

ESTHER 3:3

Khi tikah kutka i a ummi siangpahrang sinum hna nih cun Mordekai cu an thawh i, “Zeicahdah siangpahrang nawlbia cu na al?” tiah an ti.

SALM 31:19

Nangmah an ṭihtu hna caah na chiahmi thil ṭha cu zeitluk in dah khuaruahhar an si. Mi kip hmuh ah na tuahmi thil ṭha cu zeitluk in dah khuaruahhar a si, nangmah an bochanmi cu na huhphenh hna.

EXODUS 1:18

Siangpahrang nih khan sayamah cu a kawh hna i, “Zeicahdah hi bantukin nan tuah i pa ngakchia kha nan nunh hna?” a ti.

EXODUS 1:21

Sayamah hna nih khan Pathian kha an ṭih caah Pathian nih annih cu tefa a pek hna.

PHUNGTHLÛKBIA 16:6

Pathian leiah felte le zumhawktlak tein um ko law na sualnak cu an ngaihthiam lai. Cun Bawipa kha ṭih law ṭhat lonak nih an tlunhnawh lai lo.

PHUNGTHLÛKBIA 8:13

Bawipa ṭihzah cu sualnak huat khi a si. Porhlawtnak, ruamkainak le sualnak lam le biadik lo kha ka huat hna.

PHUNGCHIMTU 12:13

Hi thil vialte hna hnuah hin chim awk pakhat lawnglawng a um rih: Pathian cu ṭih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu.

PHUNGCHIMTU 8:12

Misual mi nih sualnak kha voi za khat a tuah zongah a nung ṭhiamṭhiam ko. Asi, an chimmi cu ka hngalh, “Pathian na ṭih ahcun zeizong vialte a ṭha dih ko lai.

DANIEL 6:13

Cucaah siangpahrang hmaika ah cun an i thawh i, “Judah mi saltangmi hna lak i aa tel vemi Daniel nih siangpahrang nawlbia cu zei ah a rel lo i a pathian sinah ni khat ah voi thum lengmang thla a cam,” an ti.

HOSEA 5:11

Israel cu harnak chungah a um cang. A bawm kho ṭung lomi kha bawmh hal awkah a fuh lengmang hna caah, Amah ta a si hrimhrim komi ram kha a sung cang.

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

LUKA 12:5

Ṭih awk cu ahodah a si kha kan hmuhsak hna lai: Thah hnu i hell zong i thlak khawhnak nawl a ngeimi Pathian hi a si. Asi, amah cu va ṭih u, tiah kan chimh hna.

LAMKALTU 5:29

Peter le lamkaltu dang hna nih cun an leh i, “Minung nakin Pathian nawl kan ngaih deuh awk a si.

1 SAMUEL 22:17

Cun siangpahrang nih a pawng i a dirmi ralvengtu sinah khan, “I mer law, Bawipa tlangbawi kha that hna; annih zong David sin i an i ṭom caah a zam kha an hngal nain ka sinah an phuang lo,” tiah a ti. Sihmanhsehlaw siangpahrang sinum hna nih khan Bawipa tlangbawi hna thah awkah khan an kut an chuah duh lo.