ESTHER 5:4 - Lai (Hakha) Common Language Bible 2006

⁴ Cun Esther nih a thawh i, “Siangpahrang na duhnak a si ahcun, siangpahrang ca i nihin ah ka timhmi zanriah ei awkah siangpahrang le Haman cu nan rat khawh nakhnga kan nawl hna,” tiah a ti.

ESTHER 5:4 ပူးပေါင်းရင်းမြစ်များ

GENESIS 27:25

Isak nih cun, “Na sa cu rak ka pe. Ka ei lai i ka thluachuahnak cu kan pek lai,” a ti. Jakob nih cun a hei pek i din awkah mitsur zu zong a pek chih.

GENESIS 32:20

‘Asi, na sal Jakob cu kan hnute ah hin a ra lio ve ko,’ nan ti lai,” a ti hna. Jakob nih cun, “Ka hmai i ka rak kalter chungmi laksawng nih hin a thin a damter lai i keimah i ka ton tikah cun a ngaihthiam zong maw a ka ngaihthiam khawh,” tiah a ruah.

ESTHER 1:9

Siangpahrangnu Vashti zong nih khan Siangpahrang Ahasuerus ta a simi siangpahrang inn chungah khan nu caah rawl danghnak a tuah ve.

ESTHER 3:15

Siangpahrang nawl in ca phortu hna cu khulrang in an kal i nawlbia cu Susa khuapi ah khan an chuah. Cun Siangpahrang le Haman cu zu din awkah an ṭhu; sihmanhsehlaw Susa khuapi cu i tuai ur in a um.

ESTHER 5:3

Cun amah cu siangpahrang nih cun a thawh i, “Zeidah a si? Siangpahrang bawinu Esther? Zeidah na ka hal duhmi a si? Nangmah cu pek na si lai, ka ram hnarcheu tiang hmanh in,” tiah a ti.

ESTHER 5:5

Cun siangpahrang nih cun, “Esther nih a duhnak bantukin ka tuah nakhnga, Haman kha khulrang in ratpi u,” tiah a ti. Cucaah siangpahrang le Haman cu Esther nih a timhmi zanriah ei awkah khan an kal.

ESTHER 5:8

Siangpahrang hmaiah mithmai ṭha ka hmuh a si i kan nawlnak kha siangpahrang nih pek le kan halmi kha tlinter awk na duhnak a si ahcun, thaizing ah zanriah kan timhpiak ṭhan hna lai i siangpahrang le Haman cu ra ṭhan u law thaizing ah cun siangpahrang nih a chim bantukin ka duhmi cu kan chimh lai,” tiah a ti.

SALM 112:5

Mi chaw a cawih hna tikah siang ngaiin a cawih i a rian a ṭuannak ah lihchim lo tein a ummi cu milunglawm an si.

PHUNGTHLÛKBIA 29:11

Mihrut nih cun a thinhunnak kha a langhter, Sihmanhsehlaw mifim nih cun dai tein a um i aa sum.

1 KORIN 14:20

Ka u le ka nau hna, khua nan ruahning ah hin ngakchia bantuk si hlah u; ṭhat lonak kongah cun ngakchia bantuk si u, sihmanhsehlaw khuaruahning ah cun nutling patling si u.