ESTHER 4:3 - Lai (Hakha) Common Language Bible 2006

³ Cun siangpahrang nawlbia le biakhiahnak a phaknak peng paohpaoh ah khan Judah mi caah ṭahnak a um i rawl an ul i an ṭap i an ngaih a chia i a tam deuh cu buri an i aih i vutcam an i phulh.

ESTHER 4:3 ပူးပေါင်းရင်းမြစ်များ

ESTHER 1:1

Ahasuerus chan, India ram in Ethiopia ram tiang, ram za khat le ram kul le ram sarih a uktu Ahasuerus chan ah khan,

ESTHER 3:12

Cun siangpahrang ca ṭialtu hna kha thla khatnak thla, a ni hleithum ni ah an auh hna i Haman nih a nawlngeihnak vialte kha hmang in, siangpahrang kut tang bawi hna le peng vialte a uktu bawi hna le mi vialte a uktu bawi hna sinah khan, an peng chung i an hmanmi ca cio in le an miphun nih an hmanmi holh cio in nawlbia pakhat an ṭial; Siangpahrang Ahasuerus min in ṭial a si i siangpahrang kutdong hrolh in khenh chih a si.

ESTHER 4:16

“Va kal law Susa khua chung i a ummi Judah mi vialte kha va pum hna, cun keimah caah rawl ulhnak pakhat ni thum chung rak ser u; chun ah siseh zan ah siseh zeihmanh ei in ding hlah u. Cun nannih nih nan tuah bantukin kei le ka sinum hna zong nih rawl ulhnak cu kan rak tuah ve lai. Cun phung he aa ralchanhmi a si nain siangpahrang sinah cun ka va kal lai, ka thih ah thih si ko seh,” tiah a ti hna.

ESTHER 4:2

Ahohmanh siangpahrang kutka ah khan buri aih in luh phung a si lo caah siangpahrang kutka luhnak tiang lawng kha a hung kal.

ESTHER 4:4

Cun cu kong cu a sinum nu hna le a cawngtu tildit pawl nih khan Esther cu an ra chimh tikah a lungre a thei ngaingai; Mordekai cu a buri kha i phoih i puan kha i aih awkah hnipuan a hei chanh, sihmanhsehlaw aa lak duh lo.

ESTHER 9:31

hi Purim ni hna hi an caan khiahpiakmi caan ah, Judah mi Mordekai le Siangpahrangnu Esther nih Judah mi hna cu an fial hna bantuk le anmah le an tefa hna caah an rawl ulhnak kong le an ṭahnak kong i phung an sermi bantukin ulh si hna seh, an ti.

JOB 2:8

Cun amah le amah i huahnak ah peipahau kha aa lak i vutcam lakah a ṭhu.

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

ISAIAH 22:4

Cucaah cun diriam tein ka ṭah nakhnga, ka dawn hlah u. Ka mi hi zat riamruam an thih caah hin, hnemh ka zal hlah u.

ISAIAH 58:5

Rawl nan ulh tikah nanmah le nanmah sifah nan i pe, nan lu cu ram hnah bantukin niam tein nan khun i bawhnak caah khumpuan nan phah i a cungah vutcam nan phulh. Cucu maw rawl ulh nan timi cu a si? Cu nih cun a lung a ton lai ti ah maw nan ka ruah?

EZEKIEL 27:30

Na cung i a tlungmi thil kong kha an thanh lai i Fak piin an ṭap lai; An lu ah leidip kha an i phulh i vutcam kha an i theh.

DANIEL 9:3

Cun Bawipa Pathian sinah cun nawlnak in le rawl ulhnak in le buri puan i aih in le vutcam i phulh in thla ka cam i hi bangin sualphuannak kha ka tuah:

JONAH 3:6

Cu thawng cu Nineveh khua siangpahrang nih a rak theih tikah a bawiṭhutdan cung khan a tho i a siangpahrang puan kha aa phoih i buri kha aa aih i vutcam lakah a ṭhu.

MATTHAI 13:42

meiphu chungah an paih hna lai, cuka ah cun an ṭap lai i an hacang an rial lai.

MATTHAI 22:13

Cun siangpahrang nih khan a sinum cu a thawh hna i, ‘A kut le a ke kha ṭem u law, khua leng mui lakah hei hlonh u. Cuka ah cun va ṭap seh law a hacang va rial seh,’ tiah a ti.

MATTHAI 25:30

Cun hi sal santlai lopa hi a leng khuamui lakah va hlonh u; khika ah va ṭap seh law a hacang va rial len seh,” tiah a ti.

JOSHUA 7:6

Khi tikah Joshua nih a puan kha a thleh hna i Bawipa kuang hmaiah cun zanlei tiang vawlei ah a bawk, amah le Israel upa hna cu an bawk; cun an lu ah leidip an i phulh.

1 SAMUEL 11:4

Lamkaltu hna cu Saul khua Gibeah i an rat tikah mi hna theih ah cu kong cu an chim i mi vialte cu thang piin an ṭap dih.