ESTHER 1:3 - Lai (Hakha) Common Language Bible 2006

³ a bawinak kum thum kum ah khan a bawi vialte hna le a sinum hna caah puai a tuah i Persia le Media ralbawi hna le ram uktu bawi hna le tuavon hna kha a hmaiah cun an um i

ESTHER 1:3 ပူးပေါင်းရင်းမြစ်များ

GENESIS 40:20

A ni thum ni ah cun Faro chuah ni kha a hung si, a bawi vialte hna caah rawl danghnak pakhat a ser i a zu bawi le a changreu sertu upa bik kha a bawi vialte hna hmaiah cun a chuahter hna.

1 SIANGPAHRANG 3:15

Cun Solomon cu a hun i hlau i zohhmanh, mang a si. Cun Jerusalem ah a ra i Bawipa biakamnak kuang hmaiah khan a dir i khangh thawinak hna le daihnak thawinak hna kha a pekchanh hna i a sinum vialte kha rawl danghnak a serpiak hna.

EZRA 1:2

“Hi bangin Persia siangpahrang Sairas nih a ti: Bawipa, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

ESTHER 1:14

amah a hun changtu Persia le Media mi hna i an bawi pasarih, siangpahrang hmai a hmu tawnmi le a pennak chungah bawi bikbik a simi Karshena, Shethar, Admatha, Tarshish, Meres, Marsena le Memukan an si, cu hna cu phungbia le biaceihnak ah a thiam ngaingaimi hna a ti tawn hna ning khan a thawh hna i,

ESTHER 1:4

a siangpahrang sunparnak chawhlawn le a lianhngannak sunlawinak le upatnak kha ni saupi, ni za khat le ni sawm riat chung a hmuhsak hna.

ESTHER 2:18

Cun siangpahrang nih a bawi pawl le a sinum pawl vialte hna caah khan rawl danghnak nganpi a ser, cucu Esther rawldanghnak a si. Cun a pengmi hna kha ngunkhuai ngaihthiamnak a pek hna i siangpahrang nunsiannak he aa tlakning in laksawng a ṭhenh hna.

ESTHER 3:7

Thla khatnak thla, cucu Nisan thla a si, Siangpahrang Ahasuerus a bawi kum hleihnihnak ah Haman hmaiah khan camcawh fung Pur timi kha an zuk; cun thla khat hnu thla khat in a thla hleihnihnak Adar thla tiang camcawhfung cu an zuk lengmang.

ISAIAH 21:2

Langhnak ka hmuhmi cu ṭihnung a si ko, i rawinak le i lainak, rawhralnak langhnak a si. Elam ralkap hna, tu tuah u. Media ralkap hna, khuapi kha kulh hna u. Babilon nih a tluntermi temhinnak kha a dong cang lai.

JEREMIAH 51:11

Bawipa nih Babilon kha hrawh a timh caah Medes siangpahrang lungthin kha a cawlcanghter hna, A biakinn an hrawh ruangah hi bangin an cungah phu a hlam lai. Ral a tutu ralbawi hna nih, “Nan cantiang kha ta hna u! Nan phaw kha i bei hna u!

DANIEL 5:1

Siangpahrang Belshazzar nih a bawi thong khat hna caah khan rawldanghnak a ser i thong khat hna he cun zu an ding.

DANIEL 6:1

Ram uktu dingah khan Darius nih mangki bawi za khat le pakul a chiah hna i

DANIEL 8:20

Ki pahnih a ngeimi tuukawng na hmuhmi kha Media le Persia hmuhsaknak a si,

MARKA 6:21

A hmanung bik ah Herodias nih caan rem kha a hmuh. Cu caan cu Herod chuah ni ah khan a si i Herod nih cun uknak lei a tlaitu bawi vialte hna le ralkap lei bawi hna le Galilee ram upa hna caah khan puai a tuah.