EFESA 6:9 - Lai (Hakha) Common Language Bible 2006

⁹ Nannih bawi pawl, cu bantuk ṭhiamṭhiam in nan salle cungah khan um ve u, tlerh le khawnh kha hmang ti hlah u. Nanmah he nan salle he vancung i a ummi Bawi pakhat ta nan si kha hngal zungzal u, cu Bawi nih cun ahohmanh duhdanh loin bia a ceih hna ti kha philh hlah u.

Laibaibal Thiang (BSI)

⁹ Nannih hotu le hna, nan Hotu taktak cu vanah a um ti le, Amah ah thleidannâk a um lo ti kha hngal in, hrocer loin an cungah tuah ve u.

EFESA 6:9 ပူးပေါင်းရင်းမြစ်များ

NEHEMIAH 5:5

Cun annih nih cun, “Sihmanhsehlaw kan pum herhbaunak cu midang hna herhbaunak bantuk a si ve ko i kan fale hna cu an fale tlukin a ṭhami an si ve ko nain, kannih tu nih cun kan fale hna cu sal i i can awkah kan hnek lengmang ko hna. Kan fanule a cheukhat hna lebang cu sal ah an cang taktak cang, asinain, zeihmanh kan tuah khawhmi a um lo, zeicahtiah kan lo hna le kan mitsur dum hna cu midang ta an si cang,” an ti.

JOB 34:19

Bawi kha a duhdanh hna lo i mirum kha misifak hna nakin a upat hlei lomi siangpahrang cu, Nangmah nih sual na phawt ko maw? Zeicahtiah annih cu an dihlak in Pathian sermi an si,

SALM 140:12

Bawipa, nangmah nih misifak cu na ṭanpi hna i mirethei cu an hmuh awk hnga a simi kha na hmuhter hna, ti kha ka hngalh.

PHUNGCHIMTU 5:8

Acozah pakhatkhat nih misifak kha an hrem hna i dinnak le an hmuh awk a simi kha an pe hna lo, ti na hmuh tikah na khuaruahhar hlah; bawi paohpaoh cu an cung i a ummi bawi cio nih khan an huhphenh hna i cu hna zong cu anmah nakin a sang chin deuhmi bawi nih khan an huhphenh chin ve hna.

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

DANIEL 3:15

Nannih nih muko thawng le tingtang thawng le tummi a phunphun le hlasak thawng kha nan theih tikah, kan bawk lai i na phunmi milem cu kan biak lai, nan ti ahcun a ṭha ko lai. Sihmanhsehlaw nan biak lo ahcun, a alh hluahmahmi meiphu chungah nannih cu paih nan si colh ko lai; ka ṭhawnnak chungin an chuah khotu hna zei pathian tal a um lai, tiah nan ruat maw?” tiah a ti.

DANIEL 3:6

A bawk lo i a bia lomi paoh cu a alh hluahmahmi meiphu chungah paih nan si lai,” tiah a ti.

LEVITIKAS 19:13

“Na innpa kha na serhsat lai lo i a ramh zong na ramh lai lo. Kuli ṭuanmi rianṭuan man cu zan khuadei a thaizing tiang na sinah i chiah hlah.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

MATTHAI 22:10

Cucaah a sinum hna cu zatlang lampi ah khan an va kal i an hmuhmi hna paoh kha, a chia a ṭha thlu loin, an va pumh hna i rawl danghnak khaan cu mi an khat dih.

MATTHAI 22:8

Cun a sinum kha a auh hna i, ‘Nupi ṭhit rawl danghnak ka tuahmi cu timh dih a si cang; asinain ka sawmmi hna cu upatnak hmuh awkah an i tlak lo.

MATTHAI 24:48

Sihmanhsehlaw cu pa cu miṭhalo a si ahcun, ‘Ka bawipa cu a ra chom rih lai lo,’ tiah a lung chungin a ti lai i

MATTHAI 24:51

a bawipa nih cun a sam cikcek lai i midepde pawl umnak hmun ah khan a umter ve lai. Cuka ah cun a ṭap lai i a hacang a rial lai.

MATTHAI 7:12

“Mi nih kan cungah tuah hna seh ti nan duh bantuk khan midang cung zongah va tuah ve u; hihi Moses Nawlbia le profet hna cawnpiaknak an sullam cu a si.

LUKA 6:31

Ka tuahpiak hna seh ti na duhmi kha mi va tuahpiak hna.

JOHAN 13:13

“Nannih nih kei cu, Saya le Bawipa nan ka ti i cucu ka si taktak caah nan ka ti cu ahmaan ko.

LAMKALTU 10:34

Peter nih cun aa thawh i, “Atu cu Pathian nih mi vialte kha aa ruang tein a zoh hna ti kha ka hngalh.

ROM 2:11

Pathian nih cun ahopaoh kha duhdanh lo tein an bia a ceih hna lai.

1 KORIN 1:2

Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.

1 KORIN 7:22

Zeicahtiah Bawipa nih a kawhmi sal cu Bawipa miluat a si cang; cu bantuk ṭhiamṭhiam in miluat a rak simi, Khrih nih a kawhmi, cu Khrih sal a si ve.

DEUTERONOMI 10:17

Zeitintiah Bawipa nan Pathian cu pathian hna Pathian le bawi hna Bawi, a lianngan i a ṭhawng i ṭih a nungmi Pathian, duhdanh a ngei lo i ziknawh a la lomi a si.

KOLOSE 3:25

Cun thil ṭhalo a tuahtu cu thil ṭhalo a tuahmi ruangah khan aho a si hmanh ah a tuah man cu a hmuh ko lai. Pathian nih cun ahohmanh a duhdanh hna lo.

KOLOSE 4:1

Bawile hna, nan sal pawl cungah ding te le dawh tein khuasa u. Vancung ah nannih zong Bawi nan ngeih ve kha philh hlah u.

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

JEIM 2:8

Cathiang chungah a ummi Pennak nawlbia kha nan zulh ahcun ahmaanmi thil nan tuah a si. Cu nawlbia cu, “Na innpa kha nangmah naa dawt bantukin na dawt lai,” ti a si.

JEIM 5:4

Nan lo chung i rian a ṭuanmi, an nihlawh nan pek hna lomi an aunak thawng kha a thang i nan rawlṭuantu hna an aunak thawng kha Pathian Lianngan Bik Bawi i a hna chung a phan cang.

1 SAMUEL 15:17

Cun Samuel nih, “Nangmah naa ruahnak ah mi hmete si hmanh law, Israel miphun hna lu na si lo maw? Bawipa nih Israel mi siangpahrang ah chiti an thuh cang.