EFESA 6:3 - Lai (Hakha) Common Language Bible 2006

³ “cu ti na tuah ahcun na caah a ṭha lai i ram chungah saupi na nung lai,” tiah chap chih a si.

Laibaibal Thiang (BSI)

³ “Cuticun na caah a ṭha lai i vawlei ah na nun khua a sau lai,”

EFESA 6:3 ပူးပေါင်းရင်းမြစ်များ

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

JEREMIAH 35:7

“Zeitikhmanh ah mitsur hang nan ding lai lo, nanmah nih siseh, nan fale nih si hna seh; inn nan sa lai lo; thlaici zong nan thla lai lo; mitsur dum zong nan ser lai lo; hi thil hna hi pakhat hmanh nan tuah hna lai lo. Sihmanhsehlaw mipem nan sinak ram ah hin saupi nan nun nakhnga nan nun chung vialte thlam chung khuasami nan si lai,” a kan ti.

JEREMIAH 42:6

Kan duh zongah, kan duh lo zongah, a sinah va kal, tiah kan in fialmi Bawipa, kan Pathian cu a bia kan ngaih lai; kan caah a ṭhat nakhnga a bia kan ngaih lai,” tiah an ti.

EFESA 6:2

“Na nu le na pa upat hna,” ti hi nawlbia hmasa bik a si i,

EFESA 6:4

Nu le pa hna, nan fale kha an thin hung seh tiin ti hna hlah u. Khrihfa ziaza le cawnpiaknak he tu khan ṭhanter hna u.

DEUTERONOMI 12:25

Nan ei lai lo; zeitintiah Bawipa mithmuh i a dikmi nan tuah tikah, nanmah le nan hnu i nan tefa hna caah ṭhatnak a si lai.

DEUTERONOMI 12:28

Bawipa nan Pathian mithmuh ah a dik le a ṭha kha nan tuah tikah, nanmah caah a ṭhat nakhnga, hi nawl kan pekmi hna bia vialte hi ṭha tein ruat tuah u.

DEUTERONOMI 22:7

a pi cu nan thlah lai, sihmanhsehlaw a fa tu cu nan i hlawm ko lai; nan caah a ṭhat i saupi nan nun nakhnga.

DEUTERONOMI 4:40

Cucaah nihin ah kan pekmi hna a nawlbia le a phungbia hna cu ul tuah hna u, nanmah le nan hnu i nan tefa hna caah aa remrel i Bawipa nih zungzal ca in an pekmi hna ram ah hin nan chan cu nan sauter nakhnga,” tiah a ti.

DEUTERONOMI 5:16

“ ‘Bawipa na Pathian nawl an pek bangin na nu le na pa kha va upat hna, Bawipa na Pathian nih an pekmi ram chungah na chan a sau lai i nangmah caah a remrel lai.

DEUTERONOMI 5:33

Nan co laimi ram chungah saupi nan nun i remrel i nan nun nakhnga, Bawipa nan Pathian nih nawl an pekmi hna lam kha nan zulh lengmang lai.

DEUTERONOMI 6:18

Bawipa nih nan pupa hna sinah pek awkin chiat a ser i nan hmaiah nan ral vialte a dawi dih hnanak ram ṭha cu, Bawipa nih bia a kam bangin, nan luh i nan co nakhnga le nanmah caah aa remrel nakhnga, Bawipa hmai i a dik le a ṭha cu tuah tuah u.

DEUTERONOMI 6:3

Cucaah, maw Israel, Bawipa na pupa Pathian nih bia an kam bangin, cawhnuk le khuaihliti in a luangmi ram chungah cun, nan i remrel i tam piin nan karh nakhnga, thei tuah law, ṭha tein zul tuah hna u.

RUTH 3:1

Cun a pi Naomi nih cun amah cu a thawh i, “Ka fanu, nangmah ca i a ṭhat nakhnga, khuasaknak kawlpiak loin maw kan um hnga?