EFESA 5:6 - Lai (Hakha) Common Language Bible 2006

⁶ Ahohmanh pakpalawng bia in i hlenter hna hlah u; hi thil ruangah hin Pathian thinhunnak cu a nawl a ngai lomi hna cungah khan a tlung lai.

Laibaibal Thiang (BSI)

⁶ Ahohmanh nih pakpalawng biain in hleng hna hlah seh: cuthil hna ruangah dah kaw zumlotu cungah Pathian thinhunnâk cu a langh tawn.

EFESA 5:6 ပူးပေါင်းရင်းမြစ်များ

2 SIANGPAHRANG 18:20

Bia menmen hi raldohnak ca i fimnak le thazang an si tiah na ruah! Ahodah na vaa hngatchan i na hei ka doh?

SALM 78:31

Pathian cu an cungah a thin a hung i an miṭhawng bikbik kha a thah hna, Israel tlangval ṭha bikbik kha a thah hna!

JEREMIAH 27:9

Cucaah nan profet si hna seh, nan litin thiam si hna seh, nan mifim si hna seh, nan camhthiam si hna seh, nan eihthiam si hna seh, Babilon siangpahrang cu rian hlah u, tiin an in chimtu hna cu an bia ngai hlah u.

JEREMIAH 29:31

hi bia Nehelam mi Shemaiah kong bia hi, Babilon i a ummi saltang vialte kha kua hna a ka ti:

JEREMIAH 37:9

Hi bangin Bawipa nih a ti, “Khaldi mi nih cun an kan kaltak hrimhrim lai,” tiin nangmah le nangmah cu i hleng hlah, zeicahtiah an in kaltak hna lai lo.

MIKAH 3:5

Mizapi cu, a man a phalh khotu hna sinah, nan cungah daihnak a tlung lai, tiin bia a kamhtu hna le, a phalh kho lomi hna sinah, nan cungah ral a tlung lai, tiin a ṭhihtu hna profet hna nih an hlen cang hna. Hi profet hna kongah Bawipa nih a chimmi bia cu hihi a si:

MATTHAI 24:24

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

MATTHAI 24:4

Jesuh nih cun, “I ralring u law ahohmanh i hlenter hna hlah u.

MARKA 13:22

Zeicahtiah Messiah deu le nal profet hna kha an chuak lai. Pathian thimmi hna hmanh kha, a si khawh chungin hlen khawhnak dingah hmelchunhnak le khuaruahharnak an ser hna lai.

MARKA 13:5

Jesuh nih cun a cawnpiak hna i, “I ralring u. Ahohmanh i hlenter hna hlah u.

ROM 1:18

Sihmanhsehlaw Pathian thinhunnak cu vancung in a rung lang i minung sualnak le ṭhat lonak dihlak cungah khan a rung tlung; cu an ṭhat lonak cu biatak kha lang kho loin a dawntu an ṭhat lonak kha a si.

KOLOSE 2:18

Langhnak a sang khunmi kan hmu i cucaah hawi nakin kan cungnung deuh, tiah aa ruat i kanmah le kanmah nih kan pum hi kan hrem awk a si, tiah a ti i vancungmi kha kan biak hna awk a si, a timi hna nih khan, sual zeihmanh in phaw hna hlah seh. Cu bantuk mi nih cun, sullam zei set um ṭung loin, minung ruahning in thil an ruahmi kha an i porhlaw i

KOLOSE 2:4

Cucaah hihi kan chimh hna: ahmaan lomi bia in ahohmanh i hlenter hna hlah u, an bia cu zeitluk hmanh in a ṭhami lo ko hmanh seh law i hlenter hna hlah u;

KOLOSE 2:8

Khrih chungin si loin, van le vawlei uktu thlarau hna sinin le minung nih pakhat le pakhat an i cawnpiak chin lengmangmi chungin a chuakmi minung fimnak, santlaihnak zeihmanh a ngei lomi fimnak, hlennak menmen a simi cu hmang in, ahohmanh nih sal ah in ser hna hlah seh.

KOLOSE 3:6

Cu bantuk thil hna ruangah cun Pathian nawl a ngai lomi cungah Pathian thinhunnak kha a phan lai.

2 THESALON 2:3

Ahohmanh i hlenter hna hlah u. Zeicahtiah cu Ni cu donghnak ral thawhnak a phanh hlan le hell kal ding a simi Miṭhalo Pa a chuah hlanah cun, a phan lai lo.

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

HEBRU 3:19

Cucaah cun an zumh lo caah an rak luh khawh lonak kha a si, ti cu kan hmuh cang.

1 PETER 2:8

Cun Cathiang chung hmun dang pakhat ah, “Hi lung hi mi a rilhtertu lung a si lai, a tluktertu hna lungpi a si lai,” tiin a um fawn. Annih an rilh cu an zumh lo caah a si; cuticun um hna seh ti kha Pathian duhning a si.

1JOHAN 4:1

Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.