EFESA 5:29 - Lai (Hakha) Common Language Bible 2006

²⁹ (Ahohmanh nih mah pum kha an hua bal lo. Khrih nih khrihfabu kha a cawm a zoh a khenh bantukin, ahohmanh nih a pum cu a zoh a khenh i a cawm ve;

Laibaibal Thiang (BSI)

²⁹ Zeitintiah ahohmanh nih mah pum an hua bal lo, an dawt i an cawm tawn. Bawipa nih a kawhhran a dawt i a cawm bantukin.

EFESA 5:29 ပူးပေါင်းရင်းမြစ်များ

GENESIS 2:23

Cun mipa nih cun aa thawh i, “Atu hi pei keimah phun taktak a simi cu a si hi; Ka ruh i lakmi ruh, ka sa in lakmi sa. A min ah “Nu” si seh, zeicahtiah amah cu mipa chungin lakmi a si,” a ti.

PHUNGTHLÛKBIA 11:17

Zaangfah a thiammi na si tikah nangmah le nangmah ṭhatnak naa pek a si, cun na puar ahcun nangmah le nangmah harnak naa pe ko.

PHUNGCHIMTU 4:5

Kut i sih i rawlṭam in thih ko cu hruh a si, an ti.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

EZEKIEL 34:27

Ram chung thing nih khan thei an tlai lai, vawlei nih khan rawl a chuah lai i mi cu anmah le an vawlei cio ah lungdai tein khua an sa lai. An hreng kha ka khiah hna i sal i a zuartu hna kut chung khan ka chuah hna tikah Bawipa ka si kha an ka hngalh lai.

MATTHAI 23:37

“Maw Jerusalem, Jerusalem, Profet kha na rak thah hna i nangmah sinah Pathian nih a run thlahmi lamkaltu hna kha lung in na rak den hna. Arpi nih a fale cu a thla tangah a huh hna bantukin na fale cu voi zeizat dik ka kut in huh ka timh hna i an duh lo.

MATTHAI 6:26

A zuang lengmangmi va khi zoh tuah hna u: thlaici an tuh bal lo, rawl an ṭuan bal lo, buk zongah an rawn bal lo; sihmanhsehlaw vancung i a ummi nan Pa nih a zohkhenh ko hna. A si ah, nannih cu va nakin nan biapi deuh lo maw?

ROM 1:31

an ziaza a ṭhalo, an biakam kha an let lengmang, midang cungah zaangfahnak le zawnruahnak zeihmanh an ngei lo.

EFESA 5:28

Pa nih an nupile cu anmah pum an i dawt bantukin an dawt hna awk a si. A nupi a dawmipa cu amah le amah aa dawt a si ko.

EFESA 5:30

kannih cu a pum nge cu kan si).

EFESA 5:31

Cathiang nih a ti bangin, “Hi ruangah hin pa nih a nu le a pa kha a kaltak hna lai i a nupi he khan an i komh lai i an pahnih in pum khat an si cang lai.”