EFESA 5:20 - Lai (Hakha) Common Language Bible 2006

²⁰ Kan Bawipa Jesuh Khrih min in zeizong kip caah Pathian cu lawm u.

Laibaibal Thiang (BSI)

²⁰ Kan Bawipa Jesuh Krih min in Pa Pathian sinah zeizong vialte ah lawmhnâk bia chim u.

EFESA 5:20 ပူးပေါင်းရင်းမြစ်များ

JOB 1:21

Cun aa thawh i, “Ka nu paw chungin taklawng in ka chuak i taklawng in ka kir ṭhan lai; Bawipa nih a ka pek i Bawipa nih a lak ṭhan; Bawipa min cu thangṭhat si ko seh,” tiah a ti.

SALM 34:1

Bawipa cu a zungzal in ka lawmh lai, amah thangṭhat cu a ngol in ka ngol lai lo.

ISAIAH 63:7

Bawipa dawtnak fek cu ka chim lai, kan ca i a tuahmi thil ruangah ka thangṭhat lai. Israel mi cu thluachuahnak tam piin a pek hna i cu a pek hna cu a zaangfah hna ca le a dawtnak a feh caah a si.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

LAMKALTU 5:41

Khawngsil pumhnak cun lamkaltu pawl cu an chuak i Jesuh min ruangah Pathian nih ningzah in awk nan i tlak tiah a ruah hna caah an i lawm ngaingai.

ROM 1:8

A hmasa bik ah, nan dihlak ruangah ka Pathian cu Jesuh Khrih thawngin ka lawmh; zeicahtiah vawlei khuazakip ah nan zumhnak thawng hi an rak theih dih cang.

1 KORIN 1:4

Khrih Jesuh thawngin an pekmi hna a vel ruangah hin ka Pathian cu ka lawmh zungzal.

1 KORIN 15:24

Cu tikah donghnak cu a phan lai; Khrih nih khan thlarau lei uktu hna le nawl ngeitu hna le ṭhawnnak vialte kha a tei dih hna lai i Pennak cu Pa Pathian sinah khan a pek lai.

EFESA 5:4

Cun a thurhnawmmi holh le hruh bia le bia dawhcah lo zong kha nan hman awkah aa tlakmi an si lo. Pathian lawmhnak bia tu kha nan chim awk a si.

FILIPI 1:3

Nan kong ka ruah fate, nan dihlak ruangah ka Pathian cu ka lawmh zungzal;

FILIPI 4:6

Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.

KOLOSE 3:17

Pathian kan Pa cu Khrih thawngin nan lawmh caah, nan tuahmi thil si hna seh, nan chimmi bia si hna seh, Bawipa Jesuh min in si dih ko hna seh.

1THESALON 3:9

Atu cu nanmah kongah Pathian cu kan lawmh khawh taktak cang. Nanmah kong i kan Pathian hmaiah kan hmuhmi lawmhnak ruangah hin Pathian cu kan thangṭhat.

1THESALON 5:18

zei bantuk thil nan ton hmanh ah lunglawm in um u. Khrih Jesuh chung i nan nunning ah hin hitihin nung hna seh, tiah Pathian nih an duh hna.

2 THESALON 1:3

U le nau hna, nanmah ruangah Pathian cu a zungzal in kan lawmh. Nannih nan zumhnak kha a ṭhan i pakhat le pakhat nan i dawtnak le midang nan dawt hnanak kha a ngan chinchin caah, cu ti Pathian kan lawmh cu ahmaanmi thil a si.

2 THESALON 2:13

U le nau hna, nanmah an dawtu hna Pathian kha zungzal in lawm ko u sih. Zeicahtiah nannih cu Pathian nih Thlarau ṭhawnnak thawngin Pathian mi ah an canter hna thawng le biatak nan zumhnak thawng khan, khamhnak hmuh awkah a rak in thim hna.

HEBRU 13:15

Cucaah Pathian cu thangṭhat zungzal ko u sih. Cu thangṭhatnak cu Jesuh min kan kaa in kan phuan kha a si i cucu Jesuh thawngin Pathian sinah kan pekchanhmi kan raithawinak a si.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.