EFESA 4:29 - Lai (Hakha) Common Language Bible 2006

²⁹ Bia nan i ruah tikah mi ca ṭhat lonak bia hmang hlah u. Mi ca i san a tlaimi, a herhmi zawn i ṭhatnak a chuahpitu le a theimi thluachuah vanluh a petu ding bia lawng kha hmang u.

Laibaibal Thiang (BSI)

²⁹ Bia ṭhalo nan kâ in chuak hlah seh, mi ṭhatnâk ding bia tu chim deuh ulaw, nan bia ngaitu caah zângfahnâk si ko seh.

EFESA 4:29 ပူးပေါင်းရင်းမြစ်များ

SALM 45:2

Pa vialte lakah pa dawh bik na si, bia chim a thiam ngaingaimi na si; Pathian nih zungzal in thluachuahnak an pek!

SALM 5:9

Ka ral nih an chimmi bia cu zeitikhmanh ah zumh khawhmi bia an si lo, Zeicahtiah annih cu mi hrawh lawnglawng kha an duh; an kaa cu chilh lomi thlan bantuk a si i an bia cu hlennak bia le nal bia lawnglawng an si.

SALM 52:2

Midang hrawhnak ding caah khua na khang lengmang, na lei cu a harmi nam bantuk a si, lih lawng kha na chim ṭualmal ko.

SALM 71:24

Chun nitlak in na dinnak kha ka chim lai, zeicahtiah harnak pek a ka duhmi kha an sung cang i ningzahnak an phan cang. ningzahnak an phan cang.

PHUNGTHLÛKBIA 12:13

Mi ṭhalo cu amah chimmi bia lila nih khan rap ah a foihter, sihmanhsehlaw miding cu harnak chungin an luat.

PHUNGTHLÛKBIA 15:23

Mipa nih a lehnak kha a lunghmuih ko lai, sihmanhsehlaw a caan he ahmaanmi bia fang khat cu zeitluk in dah a ṭhat deuh!

PHUNGTHLÛKBIA 15:7

Mifim hmurka nih hngalhnak kha an ṭhanter, mihrut lungthin tu cu, cu bantuk a si lo.

PHUNGTHLÛKBIA 16:21

A fim i nutling patling lungthin a ngeimi cu, thil a thleidang khomi ti a si i a awka a thlum deuh paoh ah mi a lem khawh chin hna.

PHUNGCHIMTU 10:12

Mifim cu a kaa chungin a chuakmi bia nih upatnak a pek, Sihmanhsehlaw mihrut cu amah bia lila nih a hrawh.

ISAIAH 50:4

Bawipa Pathian nih chim awk kha a ka cawnpiak caah tha a bami kha thazang ka pek khawh hna. A ka cawnpiak ding theih kha zing fate in a ka hngahhlangter.

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

LUKA 4:22

An lung a hmuh ngaingai hna i bia dawhdawh a chimmi nih khan an khuaruah a harter dih hna. An i thawh i, “Amah hi Josef fapa kha a si lo hlah i?” an ti.

JOHAN 1:37

Cu bia a chim cu a zultu pahnih nih khan an theih i Jesuh cu an zulh.

ROM 14:19

Cucaah daihnak a chuahtertu thil le pakhat le pakhat thazang i peknak a bawmtu thil kha kan i tinh awk an si.

ROM 15:2

Kan unau hna cu an ṭhatnak ding kha kan tuah awk a si, zumhnak ah an ṭhan khawh nakhnga kan ruah awk a si.

1 KORIN 14:19

Sihmanhsehlaw pumhnak ah cun midang cawnpiaknak ding caah, holhtheihlo in bia thong hra chim nakin theihmi holh in bia fang nga ka chim deuh lai.

EFESA 4:12

Khrih pum kha ṭhanter awkah Pathian mi vialte cu hi bantukin Khrihfa rianṭuan awkah a timh hna.

EFESA 4:16

Khrih cu lu a si i amah cungah cun pum cu a ningpi in aa khing. Pum chung i a ummi hliah le cang vialte nih pum cu kekkuai loin an ṭem an ṭawn i pum chung i a ummi nge hna nih anmah le an tuah awk cio an rak tuahnak thawng khan, pum cu a ningpi in dawtnak in a ṭhang.

KOLOSE 4:6

Nan biachim nan holhrel cu a zungzal in ngaih a nuammi le a ṭhami a si awk a si i ahopaoh kha zeitindah ka chawnh ah a ṭhat bik lai ti hngalh kha nan i zuam lai.

1THESALON 5:11

Cucaah cun atu i nan tuah lengmang bantuk hin pakhat le pakhat thazang i pe u law i bawm u.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.

1 PETER 3:1

Cu bantuk ṭhiamṭhiam in nu nih nan vale kha an nawl nan ngaih hna awk a si. Cu ti nan tuah ahcun, nan vale lak i Pathian bia a zum lomi hna nih khan, nan ziaza a ṭhami thawng cun Pathian bia cu an zumh lai. Nan caah bia kaa khat chim zong a herh lai lo,

2 PETER 2:18

An holh tikah an bia a puam, an i porhlaw i lawkih mi hna lak i khua a sami hna, an umnak hmun in a chuakka tete pawl foihnak ah khan pumsa duhnak kha an hman.