EFESA 4:25 - Lai (Hakha) Common Language Bible 2006

²⁵ Cucaah lihchim um ti hlah seh. Aho cio paoh nih a unau cu biatak chim seh, zeicahtiah kan dihlak in hmunkhat ah Khrih pum chung nge kan si cio.

Laibaibal Thiang (BSI)

²⁵ Cucaah, lihchim ngol in, mikip nih mahle inpa sinah biadik chimseh, zeitintiah pakhat le pakhat fonhmi membar kan si.

EFESA 4:25 ပူးပေါင်းရင်းမြစ်များ

1 SIANGPAHRANG 13:18

Cun anih nih amah cu a thawh i, “Keimah zong hi nangmah bantukin profet ka si ve, Bawipa bia in vancungmi pakhat nih pei ka sinah a chim i, ‘Rawl a ei i ti a din nakhnga, na inn ah hin hun kirpi ṭhan,’ a ti cu,” tiah a ti. Sihmanhsehlaw amah cu lih a chimh a si.

SALM 119:29

Lam ping zulh ka dawn law na ṭhatnak thawngin na phunglam kha ka cawnpiak tuah.

SALM 15:2

A um ding cu, zeizong vialte ah Pathian nawl a zul i a hmaanmi thil a tuah zungzal i a bia biahmaan le biatak a si i

SALM 52:3

Ṭhat lonak kha ṭhatnak nakin na duh deuh i biatak chim nakin lih chim kha na duh deuh.

EXODUS 23:7

Ahmaan loin sual i phawtnak kha hrial ko u. A sual lomi kha thih dan pe hlah u, zeicahtiah cu bantuk thil ṭhalo a tuahmi cu keimah nih sual ka phawt hna lai.

PHUNGTHLÛKBIA 12:17

Biatak a chimmi nih cun ding tein tehte a khan, sihmanhsehlaw tehte ding lo cu hlennak bia in a khat.

PHUNGTHLÛKBIA 12:19

Biatak cu zungzal in amah ningte a si ko, sihmanhsehlaw lih cu caan tawite lawnglawng a nung.

PHUNGTHLÛKBIA 12:22

Bawipa nih lihchim hmangmi cu a huat hna, Sihmanhsehlaw miding cu a lawmh hna.

PHUNGTHLÛKBIA 21:6

Lihchim in hmuhmi chawva cu a zuangmi tikhu le thihnak rap an si.

PHUNGTHLÛKBIA 24:28

Zei ruang setsai lo ah na innpa cungah tehte va si hlah, Amah kong ah thil a ping i a kalter khotu ding bia zong va chim hlah.

PHUNGTHLÛKBIA 6:17

Porhlawtnak mit, lihchim hmangmi lei, a sual lomi thisen chuahtu kut,

PHUNGTHLÛKBIA 8:7

Ka kaa nih biatak a chim lai, holh ṭha lo hi ka hmur caah fihnung a si.

ISAIAH 63:8

Bawipa nih aa thawh i, “Annih cu ka mi an si, an ka hleng lai lo” a ti. Cucaah an harnak vialte chung khan a khamh hna.

ISAIAH 9:15

Lu cu tar le hmaizahmi kha an si, mei cu cawnpiaknak hmaanlo a cawnpiaktu hna profet kha an si.

HOSEA 4:2

Chiatser in biakamnak kha an tuah, sihmanhsehlaw an zul lo, an i that, an i ramh; va cung pa duhnak le zaang-ennak le i thahnak le i nawnnak lawng kha a si ko.

LEVITIKAS 19:11

“Nan fir lai lo; hlennak in thil nan ti fawn lai lo, pakhat le pakhat lih nan i chim fawn lai lo.

ZEKHARIAH 8:16

Mah hihi nan tuah awk hnga cu a si: pakhat le pakhat biatak i chim u, khuapi hauka, biaceihnak hmun ah khan ahmaanmi le a ṭhami biading kha biaceihnak ah hmang u.

ZEKHARIAH 8:19

“Thla linak thla, thla nganak thla, thla sarihnak thla le thla hranak thla i rawl ulhnak hna cu Judah innchungkhar caah lawmhnak le nuamhnak puai ah an cang lai. Biatak le daihnak cu duh ko u,” a ti.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

ROM 12:5

Cu bantuk cun, kannih zong hi mi tampi kan si nain Khrih he kan i pehtlaihnak thawngin pum khat kan si i pum nge dangdang cu pakhat le pakhat an i pehtlaih dih bantukin kannih zong pakhat le pakhat kan i pehtlai dih ve.

1 KORIN 10:17

Changreu kan i phawtmi cu hlum khat a si bantukin kannih cu kan tampi nain pum khat kan si; zeicahtiah kan dihlak in cu changreu hlum khat cu kan i hrawm.

2 KORIN 7:14

Amah sinah khan nanmah kongah ka vaa porhlaw i nannih zong nih nan ka deuh ve lo. Nannih cu biatak kha kan in chimh zungzal ko hna. Cu bantukin nanmah kong ah Titas sin i kan i porhlawtnak cu bia hmaan ah a cang.

EFESA 4:15

kannih cu dawtnak lungthin in biatak kha kan chim deuh awk a si i kan lu a simi Khrih leiah khan a lam kip in kan ṭhan awk a si.

EFESA 4:22

Cucaah nan rak nun tawnning in an nuntertu hna nan mihring hlun kha hlaw u, cu mihring hlun cu pumsa duhnak hlenhmang nih a hrawh lengmang tawnmi kha a si.

EFESA 4:31

Lungthli in i uamnak le thinhunnak le ingpuannak kha hlaw hna u. I hua ti hlah u, i vawlpam ti hlah u. Huatnak lungthin ngei ti hlah u.

EFESA 5:30

kannih cu a pum nge cu kan si).

KOLOSE 3:8

Sihmanhsehlaw atu cu thinhunnak tehna, ingchiat tehna, huatnak lungthin tehna, cu nan hlonh hrimhrim hna lai. Mi va nihsawhnak bia siseh, holh thurhnawm siseh, nan kaa chungin nan chuahter hrimhrim lai lo.

KOLOSE 3:9

Nan mi hlun cu a hman tawnmi a ziaza he khan nan i phoih cang i

1TIMOTE 1:10

nu le pa sualnak a tuahmi hna le nu le pa kong ah ningcanglo in khua a sami hna le minung fir a hmangmi hna le lihchim a hmangmi hna le tehte dinglo a simi hna le cawnpiaknak ahmaanmi he aa tlak lomi thil a tuahmi hna ca tu ah khan tuah a si.

1TIMOTE 4:2

Hi cawnpiaknak hi lihchim hmangmi hna nih lih in mi an cawnpiak hnanak chungin a chuakmi a si; annih cu an chiaṭha thleidannak a thimi, thir lin nih a kangh ca i a ngongmi an si.

TITAS 1:12

“Krit mi cu milihchim, saram bantuk, mithathu, mi-orkhu,” tiah anmah Krit mi lila nih a rak ti hna i

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

HEBRU 12:1

Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.

JEIM 1:21

Cucaah cun a thurhnawmmi ziaza vialte le a ṭha lomi ziar le zar vialte kha hlaw ko hna u. Pathian sinah khan i pe u law khamhnak an pe khotu hna bia, nan lungchung i a tuhmi kha, i cohlan ko u.

1 PETER 2:1

Ṭhat lonak vialte kha hlaw cang hna u; ziar ngei ti hlah u, lih chim ti hlah u; hrawkhrol in um ti hlah u, nahchuahnak ngei ti hlah u, zawmhtaihnak bia hmang ti hlah u.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

BIACEIHTU 16:11

Cun anih nih a sinah, “Hman bal lomi hri a tharmi in an ka ṭem ahcun, ka der lai i midang bantuk ka si ve ko lai,” tiah a ti.