EFESA 4:23 - Lai (Hakha) Common Language Bible 2006

²³ Nan lungthin le nan ruahnak ah ser tharmi nan si awk a si.

Laibaibal Thiang (BSI)

²³ nan ruahnâk thlarau ah tharchuah in um ko u,

EFESA 4:23 ပူးပေါင်းရင်းမြစ်များ

SALM 51:10

Maw Pathian, ka chungah hin lungthin thar ka serpiak law a thar le zumhtlak a simi ruahnak ka chungah chia ko.

EZEKIEL 11:19

Lungthin dang ka pek hna lai i an chungah thlarau thar ka khumh lai; an pum chungin lung bantukin a hakmi lung an ngeihmi kha ka chuah lai i titsa bantukin a nemmi lung kha ka pek hna lai.

EZEKIEL 18:31

Thil ṭhalo nan tuahmi kha hlonh hna u law lungthin thar le thlarau thar i lak u.

EZEKIEL 36:26

Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai.

ROM 12:2

Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a ṭhami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si.

ROM 6:4

Cucaah tichung i tipilnak kan vung in ah khan amah he vui ṭi kan si i a thihnak ah khan kan thi ve; cu bantuk ṭhiamṭhiam in Khrih cu Pa sunparnak ṭhawnnak nih a thawhter bang khan kannih zong nunnak thar ah kan nung ve lai.

ROM 8:6

Nan lungthin cu minung sining nih a uk ahcun a phichuak cu thihnak a si; nan lungthin cu Thlarau nih a uk ahcun a phichuak cu nunnak le daihnak a si.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

KOLOSE 3:10

mi thar cu nan i hruk cang caah pakhat le pakhat i hleng hlah u. Hi mi thar hi a sertu Pathian nih amah mui lo chin lengmang in a tharchuah lengmangmi cu a si i cucu amah hngalhnak kha tlamtling tein nan ngeih khawhnak caah a si.

TITAS 3:5

cu a kan khamhnak cu hrinṭhannak ti thawng le Thiang Thlarau nih mi tharter khawhnak a ngeihmi ṭhawnnak thawngin a si.

1 PETER 1:13

Cucaah nan lung in rianṭuan awkah timhcia tein um u. Ralring tein um u law, Jesuh Khrih a langh tikah nan hmuh laimi velngeihnak laksawng cungah khan nan i ruahchannak cu bunh ko u.