EFESA 4:22 - Lai (Hakha) Common Language Bible 2006

²² Cucaah nan rak nun tawnning in an nuntertu hna nan mihring hlun kha hlaw u, cu mihring hlun cu pumsa duhnak hlenhmang nih a hrawh lengmang tawnmi kha a si.

Laibaibal Thiang (BSI)

²² hlan lio nan nunning i minung hlun ziaza, hlen a duhmi kha i phoih u law,

EFESA 4:22 ပူးပေါင်းရင်းမြစ်များ

JOB 22:23

Lianngan Bik sinah na kir ṭhan i na lung na ṭhumh i Na inn chungin dinlonak kha na dawi i

PHUNGTHLÛKBIA 11:18

Miṭhalo nih ahmaan loin miaknak a hmuh tawn, ṭhatnak a tuhtu nih cun laksawng taktak cu a hmuh lai.

JEREMIAH 17:9

Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang.

JEREMIAH 49:16

Celh awk loin naa porhlawtnak le na lung puamnak nih khan a ping ah an kalpi cang, Lungpang chung lungkua ah na um i a sannak tlangpar hna kha na ta an si, Asinain, muvanlai tluk sang in na bu ser hmanh law, khika in kan ṭhumh lai,” tiah Bawipa nih a ti.

OBADIAH 1:3

Na lungpuamnak nih a pingah an hruai cang; Nang cu lung in sermi ralhruang chungah khan na um i Na inn cu tlang sangpi cungah khin a si caah, ‘Aho nih dah an ka ṭhumh khawh lai?’ tiah naa zum.

ROM 6:6

Kan minung hlun cu Khrih he vailam cungah thah a si cang ti kha kan hngalh. A sualmi kan minung hlun cu zeicahdah thah a si ti ahcun, sualnak sal kan si tinak hnga lo caah a si.

ROM 7:11

Sualnak nih ṭuannak caan ṭha kha aa hmuh i nawlbia cu i hman riangmang in a ka hlen; nawlbia thawng cun sualnak nih cun a ka thah.

2 KORIN 11:3

Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

GALATI 1:13

Judah biaknak ka rak ṭanh lioah khan, zeitindah ka umtuning a rak si kha nan theih cangmi a si ko, Pathian Khrihfabu kha ka rak hrem hna i hrawh awkah fak piin ka rak i zuam.

EFESA 2:3

A ngaingai ti ahcun, kan dihlak hin anmah bantuk cu kan rak si i kan i chuahkehpimi kan pumsa duhnak zulh khan khua kan rak sa i kan pum le kan lungthin duhnak he aa tlakmi paoh kha kan rak tuah. Midang cio bantukin kannih zong Pathian thinhunnak ing ding kan rak si.

EFESA 4:17

Bawipa min in hi bia hi ka chim i ralrinnak kan pek hna: lawkihmi bantukin um ti hlah u. Annih cu an ruahnak kha pakpalawng a si.

EFESA 4:25

Cucaah lihchim um ti hlah seh. Aho cio paoh nih a unau cu biatak chim seh, zeicahtiah kan dihlak in hmunkhat ah Khrih pum chung nge kan si cio.

EFESA 4:31

Lungthli in i uamnak le thinhunnak le ingpuannak kha hlaw hna u. I hua ti hlah u, i vawlpam ti hlah u. Huatnak lungthin ngei ti hlah u.

KOLOSE 2:11

Amah he nan i pehtlaihnak ah hin nannih cu cuarpartannak kha nan hmu, minung tuahmi cuarpartannak kha si loin Khrih cuarpartannak hrimhrim kha nan hmu i cucu hi a sualmi kan pum chungin luatnak kha a si.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

HEBRU 12:1

Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.

HEBRU 3:13

Nannih cu sualnak nih an hlen hna nakhnga lo le lungṭhawng in nan um sual nakhnga lo, Cathiang nih, “Nihin,” a timi kha nan caah nihin a si chung paoh cu, nifate in pakhat le pakhat i bawm lengmang u.

JEIM 1:21

Cucaah cun a thurhnawmmi ziaza vialte le a ṭha lomi ziar le zar vialte kha hlaw ko hna u. Pathian sinah khan i pe u law khamhnak an pe khotu hna bia, nan lungchung i a tuhmi kha, i cohlan ko u.

JEIM 1:26

Mi pakhatkhat nih, kei cu biaknak leiah aa zuammi ka si, tiah aa ruat ko lai, sihmanhsehlaw a lei kha a uk khawh lo ahcun a biaknak cu pakpalawng a si i amah le amah aa hlengmi a si.

1 PETER 1:18

Nan pupa nih an in rohmi hna santlailo phunglam hna chungin an luattertu hna cu zeidah a si kha nan hngalh, a rawk khomi thil sui le ngun bantuk si loin

1 PETER 4:3

Lawkihmi nih an rak tuah tawnmi kha a za ceo nan rak tuah ve ko cang. Pumsa duhnak tehna, hornak tehna, zu ritnak tehna, zu hmun i nuamhnak tehna, bawilamnak tehna le fihnung a simi siasal biaknak tehna kha nan rak tuah hna.

2 PETER 2:13

fahnak an tluntermi caah khan fahnak in lehrulh an si lai. Annih nih nuamhnak an timi cu chun ceupi i pumsa duhnak zeipaoh tuah kha a si ko; hlennak ah an hmanmi lam kha an zulh peng ko caah nan sin i rawl an ei tik zongah ningzahnak le hmaichiatnak chuahpitu an si.

2 PETER 2:7

Nawlbia zeihmanh i a rel lomi hna nih awlok an chonhmi, mi ṭha Lot kha a khamh.

1 SAMUEL 1:14

Cun Eli nih amah cu a thawh i, “Zei can dah na rit lai? Na zu cu chia cang ngat,” tiah a ti.