EFESA 4:2 - Lai (Hakha) Common Language Bible 2006

² Toidornak lungthin ngei u, lungnem le lungsau in um zungzal u. Pakhat le pakhat i bawm u law cuticun nan i dawtnak kha langhter u.

Laibaibal Thiang (BSI)

² toidornâk le nunnemnâk, lungsaunâk le dawtnâk i inkhawhnâk vialte he

EFESA 4:2 ပူးပေါင်းရင်းမြစ်များ

SALM 138:6

Bawipa cu hi tluk hin a sang hringhran ko nain minauta kha an zawn a ruah hna i miruamkai kha a hmuh lonak ah an i thup kho lo.

SALM 45:4

Biatak le biading kha hmunhter awkah na tei tiang lianhngannak in hmailei ah kal tuah. Na ṭhawnnak nih teinak ngan pipi an hmuhpiak lai.

PHUNGTHLÛKBIA 16:19

Misifak hna he toidornak lungthin in um cu, miporhlaw hna he hranchaw i ṭhenh nakin a ṭha deuh.

PHUNGTHLÛKBIA 3:34

Mi zei ah a rel lomi hna cu zei ah a rel ve hna lo i mi toiah aa dormi hna cu duhdawtnak a pek hna.

PHUNGCHIMTU 7:8

Thil donghnak hi a hramthawknak nakin a ṭha deuh; lung a saumi hi aa porhlawmi nakin a ṭha deuh.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ZEFANIAH 2:3

Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

NAMBAR 12:3

Moses cu vawleicung mi vialte lakah lungnem bik a si.

MATTHAI 11:29

Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai.

MARKA 9:19

Cun Jesuh nih cun, “Nan va zum lo hringhran dah! Zei can dah nan sinah hin ka um a herh rih lai? Zei can dah kaan in hna lai? Ngakchiapa cu ratpi u,” tiah a ti hna.

LAMKALTU 20:19

Toidorte le mitthli he Bawipa sal ka si bangin, Judah mi nih an ka rawiphiar ruangah harnak ing lengmang in ka rian kha ka ṭuan.

ROM 15:1

Zumhnak ah thazang a ṭhawngmi kannih nih a dermi kha an thilrit phorh kan bawmh hna awk a si. Kanmah duhnak kha kan kawl awk a si lo.

1 KORIN 13:7

Dawtnak cu a lung a dong bal lo, zumhnak a ngei, ruahchannak a ngei, a lung a sau i a thin a fual.

GALATI 6:2

Pakhat le pakhat nan thilrit kha i chawng u law cuticun Khrih nawlbia kha nan zulh a si lai.

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

KOLOSE 1:11

Zeizong vialte kha lungsau thinfual in nan in khawh nakhnga, amah thazang chungin a chuakmi thazang nih in ṭhawnter ko hna seh.

1TIMOTE 6:11

Sihmanhsehlaw nang cu Pathian mi na si caah hi thil vialte hi hrial hna. Dinnak le Pathian hmaizahnak le zumhnak le dawtnak le in-khawhnak le lungnemnak kha tuah i zuam hna.

2TIMOTE 2:25

amah a dohtu hna a chimhhrin tik hna i nem tein a chimhringmi a si awk a si. Annih cu Pathian nih an lung a thlen khawh ko hna i biatak kha a hngalhter ṭhan khawh ko hna.

JEIM 1:21

Cucaah cun a thurhnawmmi ziaza vialte le a ṭha lomi ziar le zar vialte kha hlaw ko hna u. Pathian sinah khan i pe u law khamhnak an pe khotu hna bia, nan lungchung i a tuhmi kha, i cohlan ko u.

1 PETER 3:15

Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.