EFESA 4:16 - Lai (Hakha) Common Language Bible 2006

¹⁶ Khrih cu lu a si i amah cungah cun pum cu a ningpi in aa khing. Pum chung i a ummi hliah le cang vialte nih pum cu kekkuai loin an ṭem an ṭawn i pum chung i a ummi nge hna nih anmah le an tuah awk cio an rak tuahnak thawng khan, pum cu a ningpi in dawtnak in a ṭhang.

Laibaibal Thiang (BSI)

¹⁶ Amah in pum dihlak kha, rem tein hmunkhat ah pehtonh dih in, nge vialte rianṭuan ning cio cu fonh in, dawtnâk i i sersiam awkah, pum cu a ṭhanter tawn.

EFESA 4:16 ပူးပေါင်းရင်းမြစ်များ

JOHAN 15:5

Mitsur ruang cu keimah hi ka si i a nge cu nanmah hi nan si. Ahohmanh ka chungah a um i kei zong a chungah ka um ahcun, amah cu thei tampi a tlai khomi cu a si; zeicahtiah keimah loin nan tuah khawhmi zeihmanh a um lo.

ROM 12:4

Kan pum cungah hin nge tampi kan ngei i hi nge vialte hi rian dangdang an ngei cio.

1 KORIN 10:17

Changreu kan i phawtmi cu hlum khat a si bantukin kannih cu kan tampi nain pum khat kan si; zeicahtiah kan dihlak in cu changreu hlum khat cu kan i hrawm.

1 KORIN 13:13

A hmun zungzalmi thil pathum an um, cu hna cu zumhnak le ruahchannak le dawtnak an si, cu hna lak i a ngan bik cu dawtnak a si.

1 KORIN 8:1

Bawlnak sa kong ah hitihin ka ruah: “Kan hngalh cio ko,” an ti bang khan hngalhnak kan ngei cio taktak ko. Sihmanhsehlaw cu bantuk hngalhnak nih cun mi kha an lung a puamter tawn hna; dawtnak bel nih a sersiam hna.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

EFESA 3:7

Thawngṭha rian ṭuantu ka si hi Pathian laksawng a si i cu laksawng cu Pathian nih a ṭhawnnak rian a ṭuannak ah hin hmuh awk aa tlakmi ka si lo nain a ka pek.

EFESA 4:12

Khrih pum kha ṭhanter awkah Pathian mi vialte cu hi bantukin Khrihfa rianṭuan awkah a timh hna.

EFESA 4:15

kannih cu dawtnak lungthin in biatak kha kan chim deuh awk a si i kan lu a simi Khrih leiah khan a lam kip in kan ṭhan awk a si.

FILIPI 1:9

Nan ca i thla ka cam tawnmi cu, nan dawtnak ngeihmi cu hngalhnak ahmaanmi le a chia a ṭha thleidan khawhnak fimnak he ṭhang seh law,

KOLOSE 2:19

lu a simi Khrih i tlaih kha an ngol. Lu a simi Khrih sin khan pum nih cun cawmnak a hmuh i pum cu a hliahcang le a thahri hna nih khan an fun an ṭem i Pathian nih ṭhang seh ti a duhning khan a ṭhang.

KOLOSE 2:2

Cu bantukin ka ṭuan cu, an lungthin kha ralṭhatnak in a khah i dawtnak in pakhat le pakhat an i komh i hngalhnak hmaan nih a chuahpimi hnangamnak tampi kha an ngeihnak hnga ka duh caah a si. Cun annih nih Pathian biathli cu an hngalh lai i cu biathli cu Khrih kha a si ko.

1THESALON 1:3

Nan zumhnak cu rianṭuannak ah nan langhterning le dawtnak nan ngeihmi nih fak piin rian an ṭuanter hna ning le kan Bawipa Jesuh Khrih chung i ruahchannak nan ngeihmi a fehning kha Pathian kan Pa hmaiah kan philh lo.

1THESALON 2:13

Cun kan Pathian sin i kan i lawmhnak zong a dang a um rih: Pathian bia nan sin kan phakpi tikah khan minung bia bantukin si loin Pathian bia bantukin nan rak cohlan — Pathian bia cu a si taktak, nan sin kan phakpimi cu. Cuticun zeitindah a si khawh tiah, Pathian nih a zummi nan lakah rian a ṭuan caah a si.

1THESALON 3:12

Bawipa nih pakhat le pakhat nan i dawtnak le mi vialte nan dawtnak hna kha ṭhanter seh law kanmah nih kan in dawtnak hna tlukin nganter seh.

2 THESALON 1:3

U le nau hna, nanmah ruangah Pathian cu a zungzal in kan lawmh. Nannih nan zumhnak kha a ṭhan i pakhat le pakhat nan i dawtnak le midang nan dawt hnanak kha a ngan chinchin caah, cu ti Pathian kan lawmh cu ahmaanmi thil a si.

1TIMOTE 1:5

Hi bantukin bia kan cah tikah kaa tinhmi cu, a thiangmi lungthin le a thiangmi chiaṭha thleidannak le zumhnak taktak a simi chungin a chuakmi dawtnak kha a si.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

1JOHAN 4:16

Cun kanmah hrimhrim nih Pathian nih a kan dawtnak cu kan hngalh i kan zumh. Pathian cu dawtnak a si i dawtnak chungah a ummi paoh cu Pathian chungah a um i a chungah Pathian a ummi a si.