EFESA 4:15 - Lai (Hakha) Common Language Bible 2006

¹⁵ kannih cu dawtnak lungthin in biatak kha kan chim deuh awk a si i kan lu a simi Khrih leiah khan a lam kip in kan ṭhan awk a si.

Laibaibal Thiang (BSI)

¹⁵ dawtnâk in biatak tu kan chim lai i Lu a simi Amah ah a lamkip in kan ṭhang kho lai-

EFESA 4:15 ပူးပေါင်းရင်းမြစ်များ

SALM 32:2

Bawipa nih, sual a phawt lomi le a lung chungah hlennak a ngei lomi cu a lung aa lawm.

ZEKHARIAH 8:16

Mah hihi nan tuah awk hnga cu a si: pakhat le pakhat biatak i chim u, khuapi hauka, biaceihnak hmun ah khan ahmaanmi le a ṭhami biading kha biaceihnak ah hmang u.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

JOHAN 1:47

Jesuh nih cun Nathanael cu amah lei i a rat kha a rak hmuh i, “Israel mi taktak a simi khi zoh hmanh u; amah khi hlenthawinak lungthin zeihmanh a ngei lomi a si,” tiah a ti.

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

1 KORIN 11:3

Sihmanhsehlaw hngalhter kan duhmi hna cu Pathian cu Khrih lu a si bantukin pa cu nu lu a si i Khrih cu mi vialte lu a si.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

2 KORIN 8:8

Phung zeihmanh kaan chiahpiak hna lo. Sihmanhsehlaw midang nih zeitluk in dah bawmhnak lei ah an lung a thawh ti ka langhternak nih hin, nan dawtnak hi a tak maw tak lo ti kha fianter seh ti ka duh.

EFESA 1:22

Pathian nih zeizong vialte cu Khrih ke tangah khan a chiah dih hna i Khrih cu Khrihfabu lu ah a ser i zeizong vialte uktu Bawi ngan bik ah a chiah.

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

EFESA 2:21

Inn cu a ningpi in i ṭhen liangluang loin hmunkhat ah a dirtertu cu amah kha a si i Bawipa biakinn tling ah a chuahcanhtu cu amah ṭhiamṭhiam kha a si.

EFESA 4:25

Cucaah lihchim um ti hlah seh. Aho cio paoh nih a unau cu biatak chim seh, zeicahtiah kan dihlak in hmunkhat ah Khrih pum chung nge kan si cio.

EFESA 5:23

Khrih nih khrihfabu cungah nawl a ngeih bantukin vale zong nih an nupile cungah nawl an ngei ve. Khrih hrimhrim cu khrihfabu Khamhtu a si i khrihfabu cu a pum kha a si.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

1 PETER 2:2

Ngakchia chuakka bantuk si u law thlarau hnuk kha duh u, cu thlarau hnuk nan din thawngin nan ṭhang lai i khamhnak nan hmuh lai.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.

1JOHAN 3:18

Ka fale hna, kan i dawtnak hi hmur le kaa lawngin a si awk a si lo, dawtnak taktak, thil tinak ah a langmi dawtnak in a si awk a si.

BIACEIHTU 16:15

Cun anih nih a sinah, “Na lung ka sinah um ṭung loin, zeitindah, ‘Kan dawt,’ tiah na ti khawh? Atu voi thum tiang na ka hlen cang i na thazang nganpi a umnak cu na ka chim lo,” tiah a ti.