EFESA 4:14 - Lai (Hakha) Common Language Bible 2006

¹⁴ Midang a palhter tawntu hlenthiammi hna cawnpiaknak tilet le thlichia bantuk a simi nih a kenkip ah a choihmi ngakchia bantuk hna si ti loin,

Laibaibal Thiang (BSI)

¹⁴ fimzer ngai le thiam ngaiin mi a hlengtu cawnpiaknâk thlitu phunkip nih a thenh lengmang mi ngakchia si ti loin,

EFESA 4:14 ပူးပေါင်းရင်းမြစ်များ

SALM 10:9

chiandeih bantukin a bawh hna, a rap in a foih hna i a kalpi hna.

SALM 59:3

Zohhmanh, keimah cu thah awkah an ka bawh, keimah doh awkah mipuarhrang pawl cu an i pum.

ISAIAH 28:9

Keimah kong ah khan an zai i, “Khi pa nih khin, aho ka cawnpiak hna ti ah dah aa ruah hnga? Aho nih dah a bia cu an herh? Hnukthlei ka bawhte ca lawngah pei a ṭhat ko cu.

MIKAH 7:2

Ram chungah lihchim lomi miding pakhat hmanh an tang ti lo, Pathian sin i zumhawktlak in a ummi pakhat hmanh an um ti lo. An dihlak in an thi dih ai. Zeitik ah dah lainawnnak caan ṭha ka hmuh lai ti lawng kha an bawh cio ko, Sakaptupa nih a rap chungah foih awkah sa a hot hna bantukin, u le nau kha pakhat le pakhat i foih awkah an i hot.

MATTHAI 11:7

Johan zultu pawl cu an kir tikah khan Jesuh nih Johan kong cu mizapi kha a chimh hna. “Thetse ram i Johan sin i nan va kal ah khan zeidah hmuh nan i ruah? Thli nih a kuiter lengmangmi ram hnah maw?

MATTHAI 24:11

Cun nal profet tampi an chuak lai i mi tampi an hlen hna lai.

MATTHAI 24:24

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

LAMKALTU 23:21

Sihmanhsehlaw an bia cu ngai hna hlah, zeicahtiah minung sawm li a thli tein amah a bawhmi kha an um. Kan thah hlanah cun rawl zong kan ei lai lo, ti zong kan ding lai lo, tiah chiat an i serh. Cu tuah dingah cun atu ah hin timhcia tein an um ko i nangmah biakhiahnak kha an in hngak ko,” tiah a ti.

1 KORIN 12:2

Nannih cu lawkihmi nan si lioah khan nunnak a ngei lomi siasal nih a rak in uk hna kha nan hngalh i cu siasal nih cun a ping ah an hruai zungzal hna.

1 KORIN 14:20

Ka u le ka nau hna, khua nan ruahning ah hin ngakchia bantuk si hlah u; ṭhat lonak kongah cun ngakchia bantuk si u, sihmanhsehlaw khuaruahning ah cun nutling patling si u.

1 KORIN 3:19

Zeicahtiah hi vawlei nih fimnak i a ruahmi cu Pathian hmaiah cun pakpalawng a si. Cathiang nih, “Pathian nih mifim hna cu an zernak lila ah khan a foihter hna,” tiah a ti bang hin a si taktak.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

GALATI 3:1

Galati mi mihrut hna! Aho nih dah an in hamh hna? Jesuh Khrih vailam cung i a thihnak cu fiang tein kan in hmuhter ko ṭung hna!

EFESA 6:11

Khuachia hlennak kha nan doh khawh nakhnga Pathian nih an pekmi hna ralthuam vialte kha i hruk u.

1TIMOTE 3:6

Khrihfa a cannak a naimi a si lai lo, zeicahtiah a hnar a puar sual lai i Khuachia kha sualphawt a rak si bantuk khan sualphawt a si ve sual lai.

2TIMOTE 1:15

Asia ram chung i a ummi nih an dihlak in an ka zamtak ti kha na hngalh, cu hna lakah cun Figelas le Hermogenes zong an i tel.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

2TIMOTE 4:3

Cawnpiaknak a hmaanmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai.

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

JEIM 1:6

Asinain thla nan cam tikah lung awṭawm lo tein nan zumh hrimhrim lai. Lung awṭawm in a ummi cu thlichia nih a choihmi rili tilet bantuk a si.

JEIM 3:4

Cun sangphawlawng khi ruat rih hmanh u: thil nganpi a si i a ṭhawng ngaingaimi thli nih a kalter, sihmanhsehlaw lawng meizahnak hmete nih a uk i a cawngtupa nih a duhduhnak ah a kalter.

2 PETER 2:18

An holh tikah an bia a puam, an i porhlaw i lawkih mi hna lak i khua a sami hna, an umnak hmun in a chuakka tete pawl foihnak ah khan pumsa duhnak kha an hman.

1JOHAN 2:19

Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

1JOHAN 2:26

Nanmah hlen an zuammi hna kong hi kan chimh hna.

1JOHAN 4:1

Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.

JUDAS 1:12

Annih cu hawikomhnak rawl nan dum ṭi tik i rawl lak i hnawm a ummi bantuk khi an si, ningzah zeihmanh hngal loin an ei i an ding. Anmah zawn lawng an i ruat. Ruah a chungah a um lomi khuadawm, thli nih a choih lengmangmi bantuk khi an si. Fur caan hmanh i thei a tlai lomi thingkung bantuk an si; a hram bongh i a thi taktakmi thingkung bantuk an si.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.