EFESA 4:11 - Lai (Hakha) Common Language Bible 2006

¹¹ “Mi kha laksawng a petu hna” cu amah kha a si; a cheu cu lamkaltu ah a ser hna i a cheu cu profet ah a ser hna, a cheu cu Thawngṭha chimtu ah a ser hna i a cheu cu pastor le cawnpiaktu ah a ser hna.

Laibaibal Thiang (BSI)

¹¹ Amah nih cheukhat lamkaltu ah, cheukhat profet ah, cheukhat evangelist ah, cheukhat pastor le cheukhat cawnpiaktu ah a pêk hna.

EFESA 4:11 ပူးပေါင်းရင်းမြစ်များ

2 CHANRELNAK 15:3

Caan saupi chung Israel cu Pathian ngaingai ngei lo le cawnpiaktu tlangbawi ngei lo le phungbia loin an um;

JEREMIAH 3:15

Cun ka lung a ka tongmi tuukhal kan pek hna lai i Fimnak le hngalhthiamnak in an in cawm hna lai.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

LAMKALTU 13:1

Antiok khua khrihfabu chungah khan profet hna le cawnpiaktu saya hna tlawmpal an um, cu hna cu Barnabas, Simeon (Simeon cu Pa Nak ti zongah an ti), Sairin mi Lusias, Mangki bawi Herod khukṭhi Manaen le Saul kha an si.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

LAMKALTU 21:8

A thaizing ah kan i thawh ṭhan i Sisaria kan phan, khika ah Thawngṭha chimtu Filip inn ah khan kan tlung. Amah cu Jerusalem khua i mi pasarih an thimmi hna lak i pakhat kha a si.

ROM 12:7

midang ca rianṭuan kha a si ahcun, cuticun kan ṭuan awk a si; cawnpiak kha a si ahcun kan cawnpiak hna awk a si;

1 KORIN 12:4

Thlarau laksawng hi a phunphun in a um, sihmanhsehlaw cu laksawng vialte a petu hna cu Thlarau ṭhiamṭhiam kha a si.

EFESA 2:20

Nannih zong lamkaltu hna le profet hna nih a hram an rak bunhmi cung i sakmi inn nan si ve cang i a kil lung cu Khrih Jesuh kha a si.

EFESA 3:5

Hi biathli hi hlanah cun mi kha theihter an rak si lo, sihmanhsehlaw atu cu Pathian nih a Thlarau in a lamkaltu mithiang hna le a profet mithiang hna sinah khan a phuan cang.

EFESA 4:8

Cucaah Cathiang nih, “A sannak bik hmun ah a hung kai tikah sal tlaihmi tampi kha aa kalpi hna; mi kha laksawng a pek hna,” a timi kha ahmaan taktak.

2TIMOTE 4:5

Sihmanhsehlaw nang cu zeitik caan paoh ah daite le khualu khuataw khak tein um ko; harnak kha in i zuam, Thawngṭha karhter kha fak piin i zuam, Pathian nih an kawh chan rian vialte kha ṭuan.

HEBRU 5:12

Nannih cu saya hmanh si awk nan si cang nain, Pathian bia cawnnak hmasa bik chimtu saya kha nan herh rih. Rawl taktak ei kha nan cu cang, sihmanhsehlaw caw hnuk ṭheo nan ding ko rih.

JUDAS 1:17

Sihmanhsehlaw ka hawile hna, kan Bawipa Jesuh Khrih lamkaltu hna nih an rak chimchungmi kha philh hlah u.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 21:14

Khua kulhnak vampang cu lung pahleihnih cungah bunh a si i cu lung pahleihnih cungah cun Tuufa lamkaltu pahleihnih hna min kha an i ṭial.