EFESA 3:5 - Lai (Hakha) Common Language Bible 2006

⁵ Hi biathli hi hlanah cun mi kha theihter an rak si lo, sihmanhsehlaw atu cu Pathian nih a Thlarau in a lamkaltu mithiang hna le a profet mithiang hna sinah khan a phuan cang.

Laibaibal Thiang (BSI)

⁵ Thiang Thlarau nih atu lio i a thiangmi a lamkaltu hna le profet hna sinah a langhter bantukin, cuhlan ah minung fale hna sinah hngalhter a rak si lo:

EFESA 3:5 ပူးပေါင်းရင်းမြစ်များ

ISAIAH 52:15

Sihmanhsehlaw atu cu miphun tampi kha amah an hmuh tikah an khuaruah a har lai, an khuaruah a har tuk ah siangpahrang hna cu ar ko in an um lai. An hngalh bal lomi thil kha an hmuh lai i an hngalh lai,” a ti.

MATTHAI 13:17

Hihi philh hlah u: Nan hmuhmi le nan theihmi hi profet tampi hna le Pathian mi tampi hna nih hmuh le theih an duh na in an hmuh khawh lomi le an theih khawh lomi a si,” tiah a ti hna.

MATTHAI 20:7

‘Ahohmanh nih rian an kan fial duh lo caah a si,’ tiah an leh. ‘A si ahcun, nannih zong ka dum ah va kal u law rian va ṭuan u,’ tiah a ti hna.

MATTHAI 23:34

Hihi kan chimh hna: Profet hna le mifim hna le cawnpiaktu hna kha kan pek hna lai; a cheu cu nan rak thah hna lai, a cheu cu vailam ah thir in nan rak khenh chih hna lai, a cheu cu nan pumhnak inn ah fung in nan tuk hna lai i khua khat hnu khua khat nan dawi hna lai.

LUKA 10:24

Zeicahtiah fiang tein kan chimh hna, profet tampi hna le siangpahrang hna nih nan hmuhmi hi hmuh an rak duh ko nain an hmu kho lo, theih an rak duh ko nain an thei kho lo,” tiah a ti hna.

LUKA 11:49

Hi ruangah hin pei Pathian Fimnak nih, ‘Annih cu profet le lamkaltu kha ka thlahhnawh hna lai, a cheu an thah hna lai i a cheu an hrem hna lai’ a ti cu.

JOHAN 14:26

sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai.

JOHAN 16:13

Asinain biatak phuangtu Thlarau cu a rat tikah biatak chungah cun an luhpi hna lai. ‘Keimah nawl a si,’ tiin zeihmanh a chim lai lo, a theihmi le a ra lai ding thil kong tu kha an chimh hna lai.

LAMKALTU 10:28

Annih cu a thawh hna i, “Judah mi cu Jentail mi he i len i kai awk le i komh i hawi awk kha an biaknak phung nih a onh hna lo ti cu nannih nih fiang tein nan hngalh. Sihmanhsehlaw mi zeihmanh kha a thur le a thianglo i ka ruah hna nakhnga lo Pathian nih a ka hmuhsak cang.

ROM 16:25

Pathian cu sunparnak pe u sih. Ka chimmi Khrih kong Thawngṭha le kan hnulei chan tampi chung aa thupmi biathli kha phuan a sining in, Pathian nih cun nan zumhnak ah fek tein an dirter khawh hna lai.

1 KORIN 2:10

Cu biathli cu Pathian nih a Thlarau in kannih sinah khan a phuan. Thlarau nih cun zeizong vialte kha a dah a hriah dih, Pathian nih aa tinhmi a thukmi hmanh kha a coih dih hna.

EFESA 2:20

Nannih zong lamkaltu hna le profet hna nih a hram an rak bunhmi cung i sakmi inn nan si ve cang i a kil lung cu Khrih Jesuh kha a si.

EFESA 3:9

Pathian nih a thli tein khua a rak khanmi ah khan zeitindah rian a ṭuan ti kha, mi vialte hngalhternak rian cu Pathian nih a ka fial. Zeizong vialte Sertu Pathian nih cun kan hnulei chan chung vialte kha a biathli cu a rak thuh,

2 PETER 3:2

Hlan liopi ah profet mithiang hna nih an rak chimmi bia le kan Bawipa le kan Khamhtu nih nawl an pekmi hna, a lamkaltu pawl nih an in chimhmi hna kha, philh hlah u ti kan duh hna.

JUDAS 1:17

Sihmanhsehlaw ka hawile hna, kan Bawipa Jesuh Khrih lamkaltu hna nih an rak chimchungmi kha philh hlah u.