EFESA 2:15 - Lai (Hakha) Common Language Bible 2006

¹⁵ Judah Phung kha a nawlbia vialte le a phunglam vialte he khan a hrawh; cu ti a tuah cu, hi miphun pahnih hna chung hin amah he aa pehtlaimi miphun pakhat a thar ser i cuticun daihnak umter kha a duh caah a si.

Laibaibal Thiang (BSI)

¹⁵ phunglam le nawlbia le nawlpêk hna nih an chuahpi mi ralnâk cu a taksa in a hrawk i pahnih hna cu Amah ah mithar pumkhat ah ser in, daihnâk kha a ser,

EFESA 2:15 ပူးပေါင်းရင်းမြစ်များ

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

2 KORIN 5:17

Mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang.

GALATI 3:10

Nawlbia zulh aa bochanmi cu chiatserhnak tangah an um. Zeicahtiah Cathiang nih, “Nawlbia cauk chungah aa ṭialmi a dihlak in a zul zungzal lomi cu Pathian nih chiat a serh hna,” a ti.

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

GALATI 6:15

Cuarpartan le tan lo cu biapi a si lo, biapi a simi cu, ser tharmi si hi a si.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

EFESA 2:14

Judah mi le Jentail mi kha miphun phunkhat ah a ser hna thawngin Khrih nih kannih cu daihnak a kan pek. Anmah a ṭhentu hna vampang, ral a siter pengtu hna kha, a pum hrimhrim in a chimh.

EFESA 2:16

Vailam cung i a thihnak in Khrih nih an i ralnak kha a hrawh; vailamtahnak cun cu miphun pahnih hna cu pum khat ah a fonh hna i Pathian sinah a kirpi ṭhan hna.

EFESA 4:16

Khrih cu lu a si i amah cungah cun pum cu a ningpi in aa khing. Pum chung i a ummi hliah le cang vialte nih pum cu kekkuai loin an ṭem an ṭawn i pum chung i a ummi nge hna nih anmah le an tuah awk cio an rak tuahnak thawng khan, pum cu a ningpi in dawtnak in a ṭhang.

KOLOSE 2:14

Kan leiba ṭialnak ca cu a chung i a ummi upadi vialte hna he khan a hrawh dih cang i vailamtahnak cung i a khenhchihnak thawng khan kanmah dawntu si ti lo dingin a hlonh.

KOLOSE 2:20

Khrih he nan thi ṭi cang, cucaah van le vawlei a uktu thlarau hna sin khan nan luat. Cucaah zeicahdah hi vawlei ta a simi nun bantukin nan nun?

KOLOSE 3:10

mi thar cu nan i hruk cang caah pakhat le pakhat i hleng hlah u. Hi mi thar hi a sertu Pathian nih amah mui lo chin lengmang in a tharchuah lengmangmi cu a si i cucu amah hngalhnak kha tlamtling tein nan ngeih khawhnak caah a si.

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

KOLOSE 3:15

Khrih nih an pekmi hna daihnak kha nan lung chung i biaceihtu ah ser u; zeicahtiah hi daihnak hmuh awkah hin Pathian nih pum khat chung i um awkah an kawh hna. Cun lunglawmhnak in khat u.

HEBRU 7:16

Amah cu minung sermi phung le lam in tlangbawi cangmi a si lo, hrawh khawh lomi nunnak ṭhawnnak thawngin tlangbawi a cangmi a si.

HEBRU 8:13

Pathian nih biakamnak thar kong a chim caah hin a hmasa deuh kha cu a hlun ah a cang i a hlunmi le a ṭetmi paoh cu an lo zau ko lai.

HEBRU 9:23

Atu i kan chimmi thil, vancung thil mui le thlam a simi hna nih hi bantukin thianhnak an herh ahcun, vancung thil hrimhrim, a taktak le a ngaingai a simi hna zong nih khan raithawinak a ṭha deuhmi an herh ve ko.