EFESA 2:12 - Lai (Hakha) Common Language Bible 2006

¹² Kha lioah khan cun Khrih he nan rak i ṭhen. Ramdang mi nan rak si i Pathian thimmi hna chungah khan nan rak i tel lo. Pathian nih a mi hna sinah a tuahmi biakamnak cungah bunhmi biakamhmi chungah khan tinvo zeihmanh nan rak ngei lo. Hi vawleicung ah hin ruahchannak ngei lo le Pathian ngei loin khua nan rak sa.

Laibaibal Thiang (BSI)

¹² kha cân ah khan Krih tel loin nan um i Israel khua le ram le kamhmi biakam chungin khual nan si i hi vawlei ah Pathian ngei lole ruahchannâk ngei loin nan rak um.

EFESA 2:12 ပူးပေါင်းရင်းမြစ်များ

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

2 CHANRELNAK 15:3

Caan saupi chung Israel cu Pathian ngaingai ngei lo le cawnpiaktu tlangbawi ngei lo le phungbia loin an um;

EZRA 4:3

Sihmanhsehlaw Zerubbabel, Jeshua le Israel mi lak i pale innchungkhar lu cio hna nih khan, “Kan Pathian ca i inn saknak kongah nan i tel ve nakding lam a um lo; sihmanhsehlaw Persia siangpahrang Sairas nih nawl a kan pek bangin, kanmah lawng nih, Bawipa, Israel Pathian ca inn cu kan sak ko lai,” tiah an ti hna.

EXODUS 12:45

A hung um tami nih si hna seh, nan hlan tami rianṭuantu si hna seh, cu hna nih cun an ei lai lo.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

ISAIAH 44:6

Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.

ISAIAH 45:20

Bawipa nih aa thawh i, “Miphun kip chung mi hna, hmunkhat ah i pum tuah u; rampi a rawk hnuah a nung rihmi hna, nan bia ceih awkah chuak tuah u. Thing siasal put in aa pummi hna le anmah a khamh kho lomi pathian sinah thla a cammi cu, zeihmanh a hngal lomi an si.

ISAIAH 61:5

Jerusalem, ramdangmi nih na rian an in ṭuanpiak lai. Na saṭil kha an in zohkhenhpiak hna lai i na lo kha an in thlawhpiak hna lai, na mitsur dum kha an in cawngpiak hna lai.

JEREMIAH 14:8

Maw nang, Israel mi nih an i ruahchanmi, harnak caan i a khamhtu hna, Kan ram chungah hin khual bantukin maw na um ko lai? Zan khat riak khualtlawng bantuk maw na si ko lai?

JEREMIAH 17:13

Maw Bawipa, nangmah cu Israel mi nih an i hngatchanmi na si, Nangmah an hlawtu vialte cu ningzahnak an phan lai; Bawipa, nangmah cu nunnak cerhti na si i Nangmah an hlawmi vialte cu leidip lak i min ṭialmi bangin an lo lai.

EZEKIEL 13:9

Langhnak an hmuhmi ahmaan lomi a simi hna le an mangihnak lih a simi profet hna kha ka kut ka hlerhnawh hna lai. Ka mi hna nih khua an khannak hmun ah khan hmun an ngei lai lo i Israel mi hna min relnak cazin chungah khan khumh an si lai lo i Israel ram zong an ke nih a lam lai lo.

EZEKIEL 37:26

Annih kha thluachuahnak pek awk caah anmah he biakamnak ka ser lai i cu biakamnak cu zungzal in an ta a si lai. Tam piin ka karhter hna lai i an lakah cun a zungzal in ka hmunthiang cu ka chiah lai.

EZEKIEL 47:22

Hi ram cu Israel miphun hna kha ro caah camcawhfung khiah in nan i phaw lai, cun ramdangmi nan sin i a ummi hna zong kha fapa a ngeimi cu nan phawt ve hna lai. Annih cu Israel ram kek ah nan rel ve hna lai i Israel miphun hna lakah khan camcawhfung khiah in ro kha an co ve lai.

HOSEA 3:4

Zeicaahtiah Israel mi cu caan sau nawn chung kha siangpahrang siseh, bawi siseh, raithawinak siseh, tung thiang siseh, siasal siseh, innchungkhar pathian si hna seh, ngei loin an um lai;

NAMBAR 18:19

Israel mi nih Bawipa sinah an pekmi a thiangmi pekchanhnak vialte cu nangmah le na fapa hna le na fanu hna he nan hmuh camcin awkah kan pek; nangmah le na tefa hna caah cite in biakamnak Bawipa hmaiah a si zungzal lai,” tiah a ti.

LUKA 1:72

Kan pupa hna cu, nan cungah zaangfahnak ka ngei lai, a ti hna i a thiangmi a biakamnak kha ka philh lo,’ tiah a ti hna.

JOHAN 10:16

Hi tuurun chung i a um lomi ka ta a simi tuu dang an um. Annih zong kha ka ratpi ve hrimhrim hna lai; ka aw kha an ngaih lai i tuukhal pakhat tangah tuurun run khat ah an cang lai.

JOHAN 15:5

Mitsur ruang cu keimah hi ka si i a nge cu nanmah hi nan si. Ahohmanh ka chungah a um i kei zong a chungah ka um ahcun, amah cu thei tampi a tlai khomi cu a si; zeicahtiah keimah loin nan tuah khawhmi zeihmanh a um lo.

JOHAN 4:22

Nannih Samaria mi nih cun nan biakmi kha nan hngal taktak lo, kannih Judah mi tu nih cun, kan biakmi cu kan hngalh, zeicahtiah khamhnak cu Judah mi sinin a rami a si.

LAMKALTU 2:39

Zeicahtiah Pathian nih bia a kamhmi hna cu nanmah hi le nan fale hna hi le lam hlat pipi i a ummi hna zong nan si — Bawipa kan Pathian nih an kawhmi hna paoh caah hin a si,” tiah a ti.

LAMKALTU 28:20

Cucaah cun nannih hmuh le biaruah kan duhnak hna cu a si; hi thir cikcin in an ka khihnak hi Israel mi nih an rak i ruahchan zungzalmi pa ruangah a si,” tiah a ti hna.

LAMKALTU 3:25

Pathian nih a profet hna sinin biakamnak a sermi cu nanmah caah a si i nan pupa hna sinah Pathian nih biakamnak a sermi chung i aa telmi cu nan si. Kha biakamnak a ser tikah khan Abraham sinah cun a thawh i, ‘Nangmah na tefa hna thawngin vawleicung mi vialte cu thluachuahnak ka pek hna lai,’ tiah a rak ti.

ROM 9:8

Cu a sullam cu, minung sining phung sawhsawh in hrinmi cu Pathian fa an si lem lo, Pathian biakamning in hrinmi lawng tefa taktak i ruahmi cu an si, tinak a si.

GALATI 4:8

Hlanah cun Pathian kha nan rak hngal lo, cucaah Pathian a si lomi thil sal kha nan rak si.

EFESA 2:19

Cucaah nannih Jentail mi hna, ramdang mi le khual nan si ti lo; Pathian mi hna he cun laikhat nan si cang i Pathian innchungkhar chung mi nan si cang.

EFESA 4:18

An lungthin kha a mui. Annih cu zeihmanh an hngalh lo ca le an lung a ṭhawn caah Pathian pekmi nunnak chungah khan an i tel kho lo.

KOLOSE 1:21

Hlan ah cun thil ṭhalo nan tuahmi le nan ruahmi ruangah khan Pathian he nan rak i hlat i a ral ah nan rak i ser.

KOLOSE 1:27

Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.

KOLOSE 1:5

Biahmaan taktak, Thawngṭha Bia kha, nan sin a phak terte ah khan, ruahchannak zeidah an pek hna ti cu nanmah nih nan hngalh. Cuticun nan zumhnak le dawtnak nan ngeihmi cu vancung i nan ca i chiahmi ruahchannak cungah an hram cu a dir.

1THESALON 4:13

U le nau hna, ruahchannak a ngei lomi hna an ngaih a chiat bantukin nan ngaih a chiat nakhnga lo, nannih cu a thi ciami hna kong i biatak kha hngalhter kan in duh hna.

1THESALON 4:5

Pathian a hngal lomi Lawkihmi bantukin hornak ah khan a duhduh in nan umter awk a si lo.

2 THESALON 2:16

Kannih a kan daw i vel a kan ngeih caah hnangamnak le ruahchannak a ṭhami a kan pe zungzaltu Bawipa Jesuh Khrih le Pathian kan Pa nih cun

1TIMOTE 1:1

Kan Khamhtu Pathian le kan i ruahchanmi Khrih Jesuh nawl in lamkaltu a simi keimah Paul nih.

HEBRU 11:34

mei ṭihnung kha an hmih i vainam thahnak in an luat. Annih cu an rak der, sihmanhsehlaw miṭhawng ah an cang, raltuknak hmun ah khan a ṭhawngmi an si i ramdangmi ralkap kha an tei hna.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

HEBRU 8:6

Cucaah anmah rian nakin tampi in a ngan deuhmi rian kha Jesuh cu pek a si. Pathian le minung kar ah a sermi biakamnak cu thil ṭha deuh kamhmi ruangah a ngan deuhmi a si bantukin, a tlangbawi rian zong cu, a ngan deuhmi a si ve.

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

1 PETER 1:3

Kan Bawipa Jesuh Khrih i a Pathian le a Pa cu lawm ko u sih. Zeicahtiah a zaangfahnak a nganmi ruangah kannih cu Jesuh Khrih thihnak in a thawhternak khan, nunnak thar a kan pek. Cucaah kannih cu zumhnak nung in kan khat i

1 PETER 3:15

Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.

1JOHAN 3:3

Khrih zohchih in, cu ruahchannak a ngeimi paoh cu, Khrih kha a thianhlim bantukin thianghlim tein a um ve.