EFESA 2:10 - Lai (Hakha) Common Language Bible 2006

¹⁰ Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

Laibaibal Thiang (BSI)

¹⁰ Thilṭha tuah dingah Krih Jesuh ah sermi kan si i Amah kutchuak kan si, cu thilṭha tuah cu kan umnâk dingah Pathian nih a rak timhlamh ciami a si.

EFESA 2:10 ပူးပေါင်းရင်းမြစ်များ

SALM 100:3

Bawipa cu Pathian a si kha zeitikhmanh ah philh hlah u! A kan sertu cu amah a si i kannih cu amah ta kan si; a mi kan si i a tuurun kan si.

SALM 119:3

Ṭhat lonak kha an tuah lo, Bawipa lam kha an zulh.

SALM 138:8

Na ka kamhmi thil vialte kha tlinter ko hna, Bawipa, na dawtnak cu zungzal in a fek ko; na thawk ciami rian cu liim ko.

SALM 51:10

Maw Pathian, ka chungah hin lungthin thar ka serpiak law a thar le zumhtlak a simi ruahnak ka chungah chia ko.

SALM 81:13

Ka mi nih hin ka bia ngai u law zeitluk in dik ka hei i lawmh hnga! Ka nawl zul u law, zeitluk in dik ka lung a va si hnga!

ISAIAH 19:25

Ralkapbu Bawipa nih thluachuah a pek hna lai i, “Ka mi Izipt mi hna, thluachuah kan pek hna lai, ka sermi Assiria mi hna, thluachuah kan pek hna lai, ka thimmi Israel mi hna, thluachuah kan pek hna lai,” a ti hna lai.

ISAIAH 29:23

Kan pek laimi hna nan fale kha nan hmuh hna lai i keimah cu Israel Pathian thiang ka si kha nan hngalh lai. Nan ka upat lai i nan ka ṭihzah lai.

ISAIAH 43:21

Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.

ISAIAH 43:7

Annih cu keimah mi an si i keimah sunparnak petu dingah ka sermi an si,” a ti.

ISAIAH 44:21

Bawipa nih aa thawh i, “Israel mi hna, hi thil hi philh hlah u; ka sal nan si kha philh hlah u. Nannih cu ka sal si awkah kan ser hna, cucaah kan philh bal hna lai lo.

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

JOHAN 3:21

Sihmanhsehlaw thil hmaan a tuahmi cu ceunak ah khan a ra i a tuahmi kha Pathian duhnak zulh in a si ti cu ceunak nih cun a langhter,” tiah a ti.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

LAMKALTU 9:36

Cun Joppa khua ah hin Jesuh zummi nu pakhat a min Tabitha a simi a um, (amah cu Grik holh cun Dorkas ti a si i a sullam cu sazuk tinak a si.) ṭhatnak tuah le sifak bawmh ah khan a caan vialte cu a hman dih tawn.

ROM 8:1

Atu cu Khrih Jesuh he i pehtlai in a nungmi hna caah cun sualphawtnak a um ti lo.

ROM 8:29

Pathian nih a thim ciami hna cu a Fapa bantuk kha an si naklai, a dang tein a thleidan hna, cucu unau rual tampi lakah a Fapa cu an upa bik a si nakhnga caah a si.

1 KORIN 3:9

Zeicahtiah kannih cu Pathian ca i hmunkhat ah rian a ṭuan ṭimi kan si i nannih cu Pathian lo nan si. Nannih cu Pathian inn zong nan si fawn.

2 KORIN 5:17

Mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang.

2 KORIN 5:5

Cu bantukin i thlennak ding ca i a kan timtu cu Pathian a si i kan ca i a kan chiahpiakmi thil vialte aamahkhan caah a Thlarau cu a kan pek.

2 KORIN 9:8

Pathian nih cun nan herh leng tiangin an pek khawh ko hna, cucaah nanmah ca i nan herhmi caah khan nan i zat tiangin nan ngei zungzal ko lai i thil ṭha tuah nan duhmi ca i nan herhmi caah khan a zat leng tiang hmanh nan ngei ko lai.

GALATI 6:15

Cuarpartan le tan lo cu biapi a si lo, biapi a simi cu, ser tharmi si hi a si.

EFESA 1:1

Pathian duhnak in Khrih Jesuh lamkaltu a simi keimah Paul nih, Efesa khua i a ummi Pathian mi hna, Khrih Jesuh chung i nan nunnak ah zumh awk tlak in khua a sami hna, ca kan kuat hna.

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

EFESA 2:13

Sihmanhsehlaw atu cu Khrih Jesuh he nan i pehtlaihnak thawngin lamhlatpi i a rak um tawnmi kha Khrih thihnak nih lamnaite ah an chiah cang hna.

EFESA 2:15

Judah Phung kha a nawlbia vialte le a phunglam vialte he khan a hrawh; cu ti a tuah cu, hi miphun pahnih hna chung hin amah he aa pehtlaimi miphun pakhat a thar ser i cuticun daihnak umter kha a duh caah a si.

EFESA 2:2

Cu lioah cun vawleicung phunglam ṭhalo kha nan rak zul; van le vawlei kar i a ummi thlarau ṭhawnnak uktu nawl kha nan rak zul; cu thlarau nih cun Pathian nawl a ngai lomi kha atu cu a uk hna.

EFESA 2:6

Khrih Jesuh he kan i pehtlaihnak thawngin vancung khua i amah sin i uktu si ve dingah, amah he cun a kan thawhter.

EFESA 4:1

Cucaah Bawipa rian ṭuan ruang i thong i a tlami keimah nih, Pathian nih an auhnak hna he aa tlakmi nunning khan nung u tiah kan forh hna.

EFESA 4:24

Pathian he aa lo in sermi nan mihring thar kha i hruk u law cucu a dingmi le a thiangmi nunning i a langmi nunnak taktak kha a si.

DEUTERONOMI 32:6

Nannih mihrut le minga hna, Bawipa cu hi bantukin nan rulh lai maw? Amah cu na pa, nangmah an ser, an siam i An fehtertu a si lo maw?

DEUTERONOMI 5:33

Nan co laimi ram chungah saupi nan nun i remrel i nan nun nakhnga, Bawipa nan Pathian nih nawl an pekmi hna lam kha nan zulh lengmang lai.

FILIPI 1:6

Cucaah cun, nan chungah hi rian ṭha a thawktu Pathian nih, Khrih Jesuh Ni ah hi rian cu a lim tiangin, a ṭuan zungzal lai.

FILIPI 2:13

Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

KOLOSE 1:10

Cuticun Bawipa duhning in nan nung kho lai i amah duhnak kha nan tuah zungzal khawh lai. Thil ṭha tuahnak kip ah nan nunning cu zumh awk tlak a si lai i Pathian nan hngalhnak ah khan nan ṭhang lai.

KOLOSE 3:10

mi thar cu nan i hruk cang caah pakhat le pakhat i hleng hlah u. Hi mi thar hi a sertu Pathian nih amah mui lo chin lengmang in a tharchuah lengmangmi cu a si i cucu amah hngalhnak kha tlamtling tein nan ngeih khawhnak caah a si.

2 THESALON 2:17

a ṭhami kha nan tuah ngam nakhnga le nan chim ngam nakhnga ralṭhatnak in pe ko hna seh.

1TIMOTE 2:10

Biaknak a ṭanhmi nu nih an tuah tawn bantukin ziaza ṭha tu in i thuam hna seh.

1TIMOTE 5:10

rian ṭha ṭuannak leiah min ṭhami a si lai: amah cu a fale ṭha tein a cawmkengmi, khualtlung a dawmi, Pathian mi an ke a ṭawlpiakmi, harnak a tongmi hna a bawm tawnmi le thil ṭha tuahnak ah aa hmangmi a si lai.

1TIMOTE 5:25

Cu bantukin thil ṭha tuahmi hi fiang tein an lang ve ko i a lang kho rih lomi zong thuh khawh an si lo.

1TIMOTE 6:18

Ṭhatnak tuah le thil ṭha tuahnak i rum le nunsian le thil ṭhenh sian kha na chimh hna lai.

2TIMOTE 2:21

Ahohmanh a man a sungmi le a thiangmi thil lak i aa tel kho ve ding, inn Bawi nih a hman awkah aa tlakmi si ve dingah cun, cawnpiaktu ṭhalo vialte kha a kal tak hna awk a si; cun hmaizah awk tlak a simi rian zei rian paoh caah khan aa tlakmi a si lai.

2TIMOTE 3:17

Cucaah cun Pathian rianṭuantu a simi cu zeizong zeizong ah tlamtlingmi a si awk le thil ṭha phun zakip tuah khawh awkah thilthuam tling tein a ngeimi a si awk a si.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

TITAS 2:7

Cun nangmah hrimhrim zong, thil ṭha tuahnak lei paohpaoh ah, an i zohchun awk tlak na si lai. Na cawnpiak hna tikah lungtak te le biatak tein cawnpiak hna.

TITAS 3:1

Bawi le nawl ngeitu pawl kha, an nawl nan ngaih hna lai i thil ṭha tuah kha nan i tim zungzal lai, tiah na mi pawl kha chim ṭhan hna.

TITAS 3:14

Kan mi hna cu rian ṭha ṭuan kha cawnpiak hna; an nunnak ca i a herh taktakmi hmuh khawhnak kha chim hna; pakpalawng in um men hna hlah seh.

TITAS 3:8

Hi bia hi biatak a si. Hi bia hi biapi in na rak lak hna awkah ka duh. Pathian a biami nih cun hmaizah awk tlak a simi rian kha ṭuan hna seh law, cu rian cu anmah caah hmaizah awk tlakmi rian a si ti lawng si loin an minung hawi ca zong i a ṭhahnemmi rian a simi kha si hna seh.

HEBRU 10:24

Pakhat le pakhat kan i dawt khawh nakhnga le thil ṭha kan i tuahpiak khawh nakhnga, i bawm tliahmah u sih.

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.

1JOHAN 1:7

Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh.

1JOHAN 2:6

Pathian chungah kan um, a timi paoh nih cun Jesuh Khrih bantukin kan um awk a si.