EFESA 1:5 - Lai (Hakha) Common Language Bible 2006

⁵ Pathian nih cun kannih cu Jesuh Khrih thawngin a fa i cohlan awk kha a rak timh cangmi le a duhmi a si.

Laibaibal Thiang (BSI)

⁵ Amah duhnâk le ṭha a ti ningin, Jesuh Krih thawngin Amah fa bang i canter awkah a kan khaukhih cang,

EFESA 1:5 ပူးပေါင်းရင်းမြစ်များ

JEREMIAH 3:19

Zeitluk in dah nannih cu lawmhnak he fa bantukin ka hei in tuah hna hnga i A nuammi ram, miphun vialte hna ram lak i aa dawh bik ro cu ka hei in pek ko hna hnga, ka ti. Cun nannih nih keimah cu, ka Pa, tiah nan ka ti lai i Keimah zulhnak lam khan nan pial ti lai lo, tiah ka ruah.

JEREMIAH 3:4

Cun atu naite ah naa thawh i, “Nangmah cu ka Pa, ka no lio in ka hawi ṭha zungzal na si”; na ti i

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

HOSEA 1:10

Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai.

MATTHAI 1:25

Sihmanhsehlaw fa a hrin hlantiang, nu le va an si lo. Fapa a hrinmi cu Jesuh tiah Josef nih a sak.

MATTHAI 11:26

Asi, ka Pa, cucu nangmah nih siseh ti na duhningte a si.

LUKA 10:21

Khi tikah khan Jesuh cu Thiang Thlarau nih lawmhnak in a khahter i, “Maw ka Pa, van Bawi le vawlei Bawi a simi, mifim le mithiam hna sinin na rak thuhmi kha fimnak le thiamnak a ngei lomi hna sinah na langhter caah hin nangmah cu kan lawmh. Asi, ka Pa, hi thil na tuahnak cu nangmah duh tein le nangmah nih naa thimning tein a si ko.

LUKA 11:32

Biaceih Ni ah cun Nineveh khuami cu an dir lai i nannih kha sual an in phawt hna lai, zeicahtiah annih cu Jonah bia chimmi an theih tikah khan an ziaza an i thleng, asinain hika ah hin Jonah nakin a ngan deuhmi a um ko ṭung,” tiah a ti.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

JOHAN 1:12

Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna.

JOHAN 11:52

anmah Judah mi ca lawngah si loin Pathian fale aa ṭhekmi vialte hmunkhat i pumh dih awk zongah khan a thih cu a si lai tinak a rak chimchung kha a si.

JOHAN 20:17

Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

LAMKALTU 13:48

Jentail mi hna nih cu bia cu an theih tikah an i lawm i Bawipa cu, cu bia ruangah cun an thangṭhat; cun zungzal nunnak hmu dingah thim a simi hna nih khan an zumh i

ROM 8:23

Cu ti a hrum a aimi cu sermi thil lawng an si lo, Thlarau cu Pathian laksawng hmasater caah a hmumi kanmah zong hi, Pathian nih a fa ah ser i kan pum hi a ning piin luatter ding kan hngah lioah hin kan hrum kan ai ve ko.

1 KORIN 1:1

Pathian duhnak in Khrih Jesuh lamkaltu si dingah kawhmi keimah Paul le kan unau Sosthenes nih, Korin khua i a ummi Pathian khrihfabu kha ca kan in kuat hna.

1 KORIN 1:21

Minung nih anmah fimnak in Pathian hngalh khawh lo ding kha Pathian nih a fimnak in a rak tuahmi a si. Kan chimmi “hruh bia” tu hin Pathian nih zumhnak a ngeimi cu khamh a duh hna.

2 KORIN 6:18

Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti.

GALATI 3:26

Khrih Jesuh pehtlaihnak thawngin Pathian fa nan dihlak in nan si cu zumhnak thawngin a si.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

EFESA 1:9

Pathian nih a fimnak le a thil hmuh khawhnak in a rak i timhmi cu a hun tuah i Khrih thawngin tlinter a timhmi a khuakhannak a rak i thupmi kha kannih cu a kan hngalhter cang.

FILIPI 2:13

Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

KOLOSE 1:19

Fapa nih Pathian sinak tlamtling tein a chungah a ngeih cu Pathian biakhiahnak thawngin a si.

2 THESALON 1:11

Hi ruangah hin nan ca i thla kan cam zungzal cu a si. Pathian nih an kawhnak hna he aa tlakmi nunning in nan nun nakhnga kan Pathian cu kan hal lengmang. Amah nih cun nan duhmi vialte cu ṭhatnak caah tlinter seh law nan zumhnak rianṭuannak cu tlamtlinter ko seh.

HEBRU 2:4

Cu pinah annih nih tehte an khaanmi kha ahmaan tinak ah Pathian nih hmelchunhnak le khuaruahharnak le a ṭhawnnak in tuahmi thil phunphun kha a tuah i Thiang Thlarau laksawng kha a duhning in a phawt hna.

1JOHAN 3:1

Pathian nih zeitluk in dah a kan dawt hi ruat hmanh u! A kan dawtnak kha a ngan tuk caah Pathian fa tiah ti kan si — Pathian fa ti lawng hmanh si loin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo.

BIAPHUAN 21:7

Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.