EFESA 1:22 - Lai (Hakha) Common Language Bible 2006

²² Pathian nih zeizong vialte cu Khrih ke tangah khan a chiah dih hna i Khrih cu Khrihfabu lu ah a ser i zeizong vialte uktu Bawi ngan bik ah a chiah.

Laibaibal Thiang (BSI)

²² A ke tangah thil vialte a chiah i Amah cu zeizong vialte cungah lu bik si dingin khawhran hna sinah a pêk,

EFESA 1:22 ပူးပေါင်းရင်းမြစ်များ

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

SALM 110:1

Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

SALM 91:13

Chiandeih le rul kha na lamh hna lai, chiandeih ṭih nungnung le rul sivai ṭhawngṭhawng kha na lamh chih len hna lai.

MATTHAI 16:18

Cucaah cun nang cu lung tum, Peter, na si, kan ti. Cun hi lungpi cungah hin ka Khrihfabu hram ka bunh lai i cucu thihnak hmanh nih a tei kho lai lo.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

1 KORIN 11:3

Sihmanhsehlaw hngalhter kan duhmi hna cu Pathian cu Khrih lu a si bantukin pa cu nu lu a si i Khrih cu mi vialte lu a si.

EFESA 3:21

khrihfabu chungah Khrih Jesuh thawngin, zungzal in zungzal tiang sunglawi ko seh! Amen.

EFESA 5:23

Khrih nih khrihfabu cungah nawl a ngeih bantukin vale zong nih an nupile cungah nawl an ngei ve. Khrih hrimhrim cu khrihfabu Khamhtu a si i khrihfabu cu a pum kha a si.

KOLOSE 1:18

Khrih cu a pum a simi Khrihfabu lu kha a si; Khrih cu fater, thihnak in thawhter hmasa bikmi kha a si, thihnak in thawhter a si cu zeizong vialte ah hin pakhatnak a si zungzal nakhnga caah a si.

KOLOSE 1:8

Thlarau nih an pekmi hna dawtnak kong kha a kan chimh.

KOLOSE 2:10

amah he nan i pehtlaihnak thawngin nannih cu nunnak tlamtling kha pek nan si. Khrih cu thlarau uktu vialte le nawlngeitu vialte hna cung bawi a si.

KOLOSE 2:19

lu a simi Khrih i tlaih kha an ngol. Lu a simi Khrih sin khan pum nih cun cawmnak a hmuh i pum cu a hliahcang le a thahri hna nih khan an fun an ṭem i Pathian nih ṭhang seh ti a duhning khan a ṭhang.

1TIMOTE 3:15

Sihmanhsehlaw ka tlai sual a si ahcun hi ca nih hin zeitindah Pathian innchungkhar chungah kan umtu kan ziaza a si awk a si ti kha an chimh lai; Pathian innchungkhar cu a nungmi Pathian Khrihfabu, biatak a dirkamhtu le biatak i a tungpi kha a si.

HEBRU 2:8

Zeizong vialte uktu ah na ser,” tiin a um bang khan, a si lehlam. Pathian nih, minung cu, “zeizong vialte uktu” ah a ser ti a si; zeizong vialte timi chungah hin thil vialte an i tel dih. Sihmanhsehlaw minung nih zeizong vialte a uk lo ti cu kan hmuh ko. Cucaah cun a sullam zeidah a si hnga?