EFESA 1:14 - Lai (Hakha) Common Language Bible 2006

¹⁴ Pathian nih a mi hna bia a kan kamhmi kha kan hmuh hrimhrim lai tinak aamahkhan cu Thlarau hi a si i Pathian nih a ta a simi hna cu luatnak tling a pek hna lai ti a kan hngalhtertu zong a si. A sunparnak cu thangṭhat ko u sih!

Laibaibal Thiang (BSI)

¹⁴ cucu a ta dingah cawkmi, tlanh an si hlan tiang a sunparnâk thangṭhat dingah, ro cotu kan sinâk ca i hamchungnâk a si.

EFESA 1:14 ပူးပေါင်းရင်းမြစ်များ

SALM 74:2

Hlanlio piin na mi si awkah na kan thimmi hi kan philh hlah. Na rak umnak Zion Tlang zong kha philh hlah.

SALM 78:54

A ram thiang chungah cun a luhpi hna, amah hrimhrim nih a teimi tlang ah cun a phakpi hna.

LUKA 21:28

Mah hi vialte hi um hram an hun i thawk tikah, dir u law cunglei kha zoh tuah u, zeicahtiah nan tlanhnak cu a nai cang,” tiah a ti.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

LAMKALTU 20:32

“Atu cu Pathian velngeihnak chung le zohkhenhnak chungah nannih kha kan sanh hna. Amah nih cun an ṭhanter khawh hna i a mi vialte caah a chiahmi thluachuahnak kha an pek khawh hna.

ROM 8:23

Cu ti a hrum a aimi cu sermi thil lawng an si lo, Thlarau cu Pathian laksawng hmasater caah a hmumi kanmah zong hi, Pathian nih a fa ah ser i kan pum hi a ning piin luatter ding kan hngah lioah hin kan hrum kan ai ve ko.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

2 KORIN 1:22

Pathian nih cun amah ta kan sinak hmelchunhnak kha kan cungah a khenh i kan ca i a kan chiahpiakmi a dihlak aamahkhan caah khan kan lung chungah Thiang Thlarau kha a kan pek.

2 KORIN 5:5

Cu bantukin i thlennak ding ca i a kan timtu cu Pathian a si i kan ca i a kan chiahpiakmi thil vialte aamahkhan caah a Thlarau cu a kan pek.

GALATI 4:6

Pathian fa nan si caah khan Pathian nih, a Fapa Thlarau cu nan lung chungah a run thlah i cu Thlarau nih cun, “Ka Pa, ka Pa,” tiin a au.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

EFESA 1:12

Cucaah Khrih chung i ruahchannak a bunh hmasa bik pawl kannih nih hin Pathian sunparnak cu thangṭhat ko u sih.

EFESA 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.