DEUTERONOMI 9:9 - Lai (Hakha) Common Language Bible 2006

⁹ Lungtlap hna, Bawipa nih nannih he biakamnak a sernak lungtlap hna, lak awkah tlang cungah ka hung kai tikah khan, tlang cungah khan ni sawm li le zan sawm li ka hung um; rawl zong ka ei lo, ti zong ka ding lo.

DEUTERONOMI 9:9 ပူးပေါင်းရင်းမြစ်များ

1 SIANGPAHRANG 19:8

Cun a tho i a ei a din i cu rawl thazang cun ni sawm li le zan sawm li, Pathian tlang Horeb leiah cun a kal.

2 SIANGPAHRANG 6:22

Anih nih, “Na that hna lai lo. Na vainam le na likuk in na tlaih mi hna cu na thah hna hnga maw? Annih cu ti le rawl hunh hna law ei in ding hna seh law an bawipa sinah kal hna seh,” tiah a ti.

EXODUS 24:12

Bawipa nih Moses cu a thawh i, “Ka sinah tlang cungah hung kai law hung um. Ka mi hna cawnpiaknak caah ka timi ka nawlbia le ka phunglam ka ṭialnak lungtlap hna kha kan pek lai,” a ti.

EXODUS 24:15

Moses cu tlang cungah cun a hung kal i minmei nih khan tlang cu a rak zelh.

EXODUS 24:18

Moses cu minmei chungah khan a lut i tlang cungah cun a kai. Cuka ah cun ni sawm li le zan sawm li a um.

EXODUS 31:18

Sinai Tlang cungah Bawipa nih Moses cu bia a chimh dih tikah, biakamnak lungtlap pahnih, Pathian hrimhrim nih a kutdong in a nawlbia a ṭialnak lungtlap kha Moses cu a pek.

EXODUS 32:1

Moses cu tlang cungah khan saupi a um i a rung ṭum ti lo tikah khan, Israel mi nih cun Aaron kha an pumhhnawh i, “Izipt ram in a kan chuahpitu Moses kha zei a can kan hngal ti lo, cucaah cun a kan hruaitu dingah pathian kan serpiak tuah,” an ti.

EXODUS 34:28

Moses cu Bawipa sinah khan ni sawm li le zan sawm li a um i zeihmanh a ding lo i a ei lo. Lungtlap cungah khan biakamnak bia cu a ṭial hna — nawlbia pahra cu.

MATTHAI 4:2

Ni sawm li le zan sawm li rawl loin a um hnuah Jesuh cu a rawl a ṭam ngaingai.

GALATI 4:24

Mah hihi tahchunhnak ah lak khawh a si lai: nu pahnih hi biakamnak pahnih an si. Biakamnak pakhat, Hagar kha, Sinai Tlang in a rami a si i a fale cu sal in hrinmi an si.

DEUTERONOMI 8:3

Minung hi rawl lawnglawng in a nung lo, sihmanhsehlaw Bawipa kaa in a chuakmi thil kip in a nung ti kha an hngalhter hna nakhnga, rawlṭam fahnak kha an inter hna i manna in an cawm hna, mah cucu nanmah nih siseh nan pupa hna nih siseh nan rak hngal lo.

DEUTERONOMI 9:11

Cun ni sawm li le zan sawm li a dihnak ah Bawipa nih lungtlap pahnih kha a ka pek hna, biakamnak lungtlap hna cu.

DEUTERONOMI 9:15

Cucaah kaa mer i tlang in ka rung ṭum i tlang cu mei in a kang; cun biakamnak lungtlap pahnih hna cu ka kut pahnih chungah an um.

DEUTERONOMI 9:18

Cun Bawipa hmaiah a hlan bang khan ni sawm li le zan sawm li ka bawk; Bawipa kha a thin phawh awkah amah mithmuh ah ṭhat lo nan tuahnak thawngin sual nan tuahmi vialte ruangah rawl ei lo le ti ding loin ka um.

HEBRU 9:4

Cu chungah cun rimhmui khanghnak sui biakṭheng le sui hutmi kuang, biakamnak an chiahnak kuang kha an um. Cu kuang cungah cun manna an chiahnak sui um, Aaron ṭhiangṭhunh a corhmi le nawlbia an ṭialnak lungtlap pahnih kha an chiah hna.