DEUTERONOMI 9:7 - Lai (Hakha) Common Language Bible 2006

⁷ Ramlak ah Bawipa na Pathian zeitluk in dah a thin na phawh kha hngal camcin tuah law, philh hlah; Izipt ram in na chuah ni ri in hika hmun na phak tiang, Bawipa cu na ralchanh lengmang ko.

DEUTERONOMI 9:7 ပူးပေါင်းရင်းမြစ်များ

EXODUS 14:10

Faro nih khan a hun naih chin lengmang hna i cu lioah cun Izipt mi nih an hun nam cuahmah hna kha Israel mi nih cun an rak hmuh hna. An thin a phang i Bawipa sinah khan an au.

EXODUS 14:11

Moses cu an thawh i, “Izipt ram i thlan a um lo caah maw thetse ram i thih awkah hin na kan chuahpi? Izipt ram in na kan chuahpi hi zeidah a si ti cu zoh tuah ngat!

EXODUS 16:2

Ramcar chungah cun an dihlak in Moses le Aaron cungah khan an zai i,

EXODUS 17:2

Moses cu an sik i, “Din awk ti kan pe,” an ti. Moses nih annih cu a leh hna i, “Zeicahdah keimah cu nan ka sik? Zeicahdah Bawipa cu hneksak nan del?” a ti hna.

EXODUS 23:21

Amah chimmi kha ngai u law a chimmi kha zul u. Amah cu keimah min in rian a ṭuanmi a si caah rak doh hlah u; cu bantuk palhnak cu an ngaithiam kho hna lai lo.

ISAIAH 48:8

Rinh awk tlak na si lo cu ka hngalh, na chuahka in midohhmang na si cu hngalh a si. Hi ti na rak si ruangah hin hi kong na theih bal lonak le bia pakhat hmanh na hna a phak bal lonak cu a si.

JEREMIAH 11:10

An pupa hna sualnak ah khan an kir ṭhan i ka bia kha ngaih an duh lo; pathian dang hna kha an zulh hna i an biak hna; Israel le Judah nih an pupa hna he ka rak tuahmi biakamnak kha an hrawh.

JEREMIAH 32:30

Hlan lio tein Israel mi hna le Judah mi hna nih hin ka duh lomi lawngte kha an tuah lengmang ko; Israel mi nih siasal an sermi khan ka thin an ka phawh.

JEREMIAH 44:9

Nan pupa hna ṭhat lonak kha siseh, Judah siangpahrang hna ṭhat lonak kha siseh, an nupile hna ṭhat lonak kha siseh, nanmah ṭhat lonak hrimhrim kha siseh, nan nupile hna ṭhat lonak kha siseh, Judah ram chung le Jerusalem khua chung lam hna i an tuahmi hna kha, nan philh cang hna maw?

EZEKIEL 20:13

Sihmanhsehlaw Israel mi nih cun ramlak ah khan an ka doh; ka nawlbia kha an zul duh hna lo, ka phunglam kha an hlawt hna, zul hna seh law an nunnak ding a si nain; cun ka sabbath kha an buar hna. Cucaah ramlak ah khan ka thinhunnak cu ka bunghhnawh ko hna lai i ka hrawh ko hna lai dahra maw tiah ka ruah ṭhan.

EZEKIEL 20:43

Khika ah nannih nih hlanlio nan umtuning le nan i thurhhnawmhnak thil ṭhalo vialte kha nan hngalh hna lai i thil ṭhalo nan rak tuahmi vialte ruangah khan nan i fih lai.

EZEKIEL 20:8

“Sihmanhsehlaw an ka doh, ka bia kha ngaih an duh lo i ahohmanh nih an mit lungriam in an rak zohmi thil fihnung kha hlonh an duh hna lo i Izipt siasal kha hlawt an duh hna lo. Izipt ram ah khan, ka thinhunnak cu ka bunghhnawh lawlaw ko hna lai hlah maw, ka thinlinhnak cu ka hlinh lawlaw ko hna lai hlah maw, tiah ka rak ruat.

EZEKIEL 36:31

Nan ziaza ṭhalo le nan tuahsernak a ṭha lomi kha nan i hngal ṭhan lai i nan ṭhat lonak le fihnung nan sinak ruangah khan nanmah le nanmah nan i fih lai.

NAMBAR 11:4

Cun annih lak i phun dang mi he aa cawhmehmi hna cu sa an haw ciammam i Israel mi hna zong cu an ṭap ṭhan i, “Sa ei awk hei ngei u si law mu!

NAMBAR 14:22

ahohmanh, Izipt ram chung le ramcar chung i ka tuahmi ka sunparnak le ka hmelchunhnak a hmu i, sihmanhsehlaw hi voi hra tiang a ka hneksak i ka aw a ngai lomi cu,

NAMBAR 17:10

Cun Bawipa nih Moses cu, “Aaron ṭhiangṭhunh cu hngalhternak hmaiah khan va chia ṭhan law, ralchanh hmangmi hna caah hmelchunhnak caah chiah a si lai i keimah cungah an phunzainak cu na donghter lai, an thi sual ai hnga,” tiah a ti.

NAMBAR 21:5

Cun mi hna nih cun Pathian le Moses kha an zaihnawh hna i, “Zeicaahdah ramlak i thih awkah hin Izipt ram in nan kan chuahpi? Zeitintiah rawl a um lo, ti a um lo i, hi rawl ṭhalo hi cu kan fih,” tiah an ti.

NAMBAR 25:2

Mah mi hna nih hin Israel mi hna cu an pathian sin i rai an thawinak ah khan an sawm hna i an ei ve i an pathian hmaiah khan an kun.

1 KORIN 15:9

zeicahtiah Pathian khrihfabu kha ka rak hrem hna i cucaah cun lamkaltu vialte hna lakah nauta bik ka si — a ngaingai ti ahcun lamkaltu ti awk hmanh ka tlak hrimhrim lo.

EFESA 2:11

Chuahkehnak lei in Jentail mi a simi hna, hlanah zei nan rak si kha i philh hlah u — nannih cu Judah mi nih cuarpartanlo an rak in ti hna, anmah cu cuarpartan an rak i ti; cuarpartan ti nih a sawh duhmi cu mi nih an pum cung i an tuahmi kha a si.

DEUTERONOMI 31:27

Zeitintiah zeitluk in dah ralchanh hmang le milungkhong nan si kha ka hngalh. Zohhmanh u, nannih sin i ka nun lio hmanh ah nihin ah Bawipa cu nan ralchanh; zeitluk in dik ka thih hnuah nan hei ralchanh chinchin lai!

DEUTERONOMI 8:2

A nawlbia cu nan ngai lai maw ngai lo dah tinak caah, nan lung chung i a ummi kha hngalh awkah nannih cu harnak in an hneksak hna nakhnga, Bawipa nan Pathian nih hi kum sawm li chung ramlak ah an vahternak hna kha, i cinken ko u.

DEUTERONOMI 9:24

Kan hngalh hna ni ri in nannih cu Bawipa kha a ralchanhmi nan si ko.

DEUTERONOMI 9:4

“Bawipa na Pathian nih na hmaiah annih cu a dawi hna hnuah, ‘Bawipa nih hi ram co awkah a ka luhpi hi, keimah dinnak thawngin pei a si,’ tiah na lung chungin va ti hlah; Bawipa nih na hmai in annih kha a dawi hna cu hi miphun hna ṭhat lonak ruangah a si deuh.