DEUTERONOMI 9:6 - Lai (Hakha) Common Language Bible 2006

⁶ “Cucaah Bawipa na Pathian nih hi ram ṭha cu co awkah na dinnak thawng in an pek a si lo kha hngal tuah, zeitintiah nangmah cu mikhong na si.

DEUTERONOMI 9:6 ပူးပေါင်းရင်းမြစ်များ

2 CHANRELNAK 30:8

Nannih cu nan pupa hna bantuk khan hngawngṭhawng si hlah u, sihmanhsehlaw Bawipa sinah khan i pe u law zungzal ca in a thiantermi a hmunthiang ah khan ra u, cun a thinhunnak ṭihnung cu nan sinin aa mer nakhnga Bawipa nan Pathian cu a rian ṭuan u.

2 CHANRELNAK 36:13

Cun Pathian min chalh in chiat a sertu Siangpahrang Nebukhadnezzar zong kha a doh; Bawipa, Israel Pathian lei i i mer duh loin a hngawng kha a ṭhawnter i a lung kha a hahter.

SALM 78:8

Annih cu a hringsortu hna bantuk kha an si lai lo, kha hna kha cu ralthawh hmang, nawl ngai lomi, Pathian fek tein aa bochan lomi, Pathian sinah zumhawktlak in a um bal lomi an si.

EXODUS 32:9

Bawipa nih Moses cu a thawh i, “Hi mi cu ka hngalhmi hna an si, milungṭhawng an si.

EXODUS 33:3

A ram a rum i a vawlei a ṭhami ram ah nan kal lai. Asinain keimah nih cun kan kalpi hna lai lo, zeicahtiah milungṭhawng nan si i lampi ah kan thah dih sual hna hnga,” a ti.

EXODUS 34:9

Aa thawh i, “Ka cungah na lung a tlin taktak a si ahcun, kan kalpi ko, tiah kan nawl Bawipa. Hi mi hna hi milungṭhawng an si taktak ko, sihmanhsehlaw kan ṭhat lonak le kan sualnak cu kan ngaithiam law nangmah ta ah kan cohlang ko,” a ti.

EZEKIEL 2:4

An pupa thawk in nihin ni hrimhrim tiangin keimah kha an ka doh lengmang ko i atu i nangmah kan thlahnak zong hi mi lungṭhawng le mi lungkhong mi chan a si.

EZEKIEL 20:44

Maw Israel mi hna, nan ziaza ṭhalo le nan tuahmi thil ṭhalo ningin si loin ka min upatnak in nan cungah ka tuah tikah, Bawipa ka si kha nan hngalh lai. Mah hihi Bawipa Pathian bia hrimhrim a si,” tiah a ti.

EZEKIEL 36:22

“Cucaah Israel mi cu, hihi Bawipa Pathian bia a si, tiah chim hna. Nannih Israel mi hna, hi ka tuahmi hi nanmah ruangah a si lo, nan phaknak miphun kip sin i nan thurhhnawmhtermi ka min thiang ruangah khan a si deuh.

LAMKALTU 7:51

“Zeitluk lung hakmi dah nan si rih? Zeitluk in dah lungchung in cuarpar aa tan lomi le Pathian bia theihnak leiah a hna aa chehmi nan si rih! Nannih cu nan pupa hna hlikhlekte kha nan si ko, nannih zong nih Thiang Thlarau kha nan donh zungzal ko!

DEUTERONOMI 10:16

Cucaah nan lung cuarpar cu tan u law, lungkhong si ti hlah u.

DEUTERONOMI 3:18

“Cun khi caan ah khan nawl kan pek hna i, ‘Bawipa nan Pathian nih hi ram cu co awkah an pek cang hna; nannih nan unau Israel mi hna hmaiah nan mi ralṭha vialte hna cu hriamnam put in an lan hmasa lai.

DEUTERONOMI 31:27

Zeitintiah zeitluk in dah ralchanh hmang le milungkhong nan si kha ka hngalh. Zohhmanh u, nannih sin i ka nun lio hmanh ah nihin ah Bawipa cu nan ralchanh; zeitluk in dik ka thih hnuah nan hei ralchanh chinchin lai!

DEUTERONOMI 9:13

“Cuhleiah Bawipa nih ka sinah, ‘Hi mi hna hi zei an si kha ka hmuh cang; zohhmanh, mikhong an si;

DEUTERONOMI 9:24

Kan hngalh hna ni ri in nannih cu Bawipa kha a ralchanhmi nan si ko.