DEUTERONOMI 9:3 - Lai (Hakha) Common Language Bible 2006

³ Nangmah hmaiah kanghtu mei bangin a kalmi cu Bawipa na Pathian a si kha nihin ah hin hngal tuah; amah nih na hmaiah a hrawh hna lai i a tei hna lai; cucaah Bawipa nih bia an kam bangin na ṭhawl hna lai i khulrang tein na hrawh hna lai.

DEUTERONOMI 9:3 ပူးပေါင်းရင်းမြစ်များ

EXODUS 23:23

Ka vancungmi kha nan hmaiah a kal lai i Amor mi le Hit mi le Periz mi le Kanaan mi le Hiv mi le Jebus mi hna an umnak ram ah khan kan kalpi hna lai i annih cu ka hrawh dih hna lai.

EXODUS 24:17

(Israel mi nih cun Bawipa sunparnak cu tlang cung i a kangmi mei in an hmuh.)

ISAIAH 27:4

Ka mitsur dum cungah ka thin a hung ti lo. Sam len awk hling le so um hna seh law ka duh hnga. Um hna seh law a khangh in ka khangh dih hna hnga.

ISAIAH 30:27

Bawipa lianhngannak le sunparnak cu lamhlatpi in hmuh khawh a si. Mei le meikhu in a thinhunnak kha a lang. Bia a chim i a bia cu mei bantukin a alh.

ISAIAH 30:30

Bawipa nih mi vialte kha a rumra a ummi a aw kha a theihter hna lai i a thinhunnak hmual kha a hngalhter hna lai. Meizik le ṭotho le rial le a tuk ngaingaimi ruah kha an um lai.

ISAIAH 30:33

Assiria siangpahrang khanghnak dingah meiphu nganpi tihnak ding hmun kha hlan piin timh a si cang. Cu meiphu tihnak ding hmun cu thukpi le kau piin cawh a si i a chung khat in thing chiah a si. Cu meiphu duahnak dingah cun Bawipa nih a thaw ah meizik a chuah lai i cu nih cun a alhter lai.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

MIKAH 2:13

Pathian nih lam kha a hunpiak hna lai i a hruai hna lai. Khua kulhnak kutka khan an chuak lai i luat tein an kal lai. An siangpahrang, Bawipa hrimhrim nih cun a hruai hna lai.

MATTHAI 15:10

Cun Jesuh nih mizapi cu a sinah a kawh hna i, “Ngai u law hngalh i zuam hmanh u.

MARKA 7:14

Cun Jesuh nih mizapi kha a auh ṭhan hna i, “Nan dihlak in ka bia hi ngai u law hngal tuah u.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

EFESA 5:17

Mihrut si ti hlah u, Bawipa nih tuah hna seh ti an duhmi hna tu kha tuah i zuam u.

DEUTERONOMI 1:30

Izipt ram i nan mithmuh ah an tuahpiak hna bantuk le mipa nih a fa a puak bantuk i Bawipa nan Pathian nih ramlak i nan kalnak lam vialte ah, hi hmun nan phak hlantiang, an puak hna nan hmuh bantuk khan nan hmai i a kalmi Bawipa nan Pathian hrimhrim nih an dohpiak hna lai,’ tiah ka ti.

DEUTERONOMI 20:1

“Nannih nih nan ral hna doh awkah nan kal i, rang hna le rangleng hna le nanmah i nakin a ngan deuhmi ralkapbu nan hmuh tikah, nan ṭih hna lai lo; zeitintiah Izipt ram in an chuahpitu hna Bawipa nan Pathian kha nan sinah a um.

DEUTERONOMI 20:4

zeitintiah teinak cu in pek hna awk le nan ral cu in dohpiak hna awkah nannih sinah a kalmi cu Bawipa nan Pathian cu a si,’ tiah a ti lai.

DEUTERONOMI 4:24

Zeitintiah Bawipa nan Pathian cu tlumral lak kangh hmang mei, nahchuak Pathian a si.

DEUTERONOMI 7:16

Cun Bawipa nan Pathian nih an pek laimi hna miphun vialte cu nan hrawh hna lai, nan mit nih zaangfah hna hlah seh; an pathian zong nan bia hna lai lo, zeitintiah mah cucu nan caah rap a si lai.

DEUTERONOMI 7:22

Bawipa nan Pathian nih hi miphun hna cu nan hmaiah duhsah duhsah in a ṭhawl hna lai; ramsa kha nannih caah an tam tuk sual nakhnga lo, hmakhatte ah nan ṭhawl dih hna lai lo.

DEUTERONOMI 9:6

“Cucaah Bawipa na Pathian nih hi ram ṭha cu co awkah na dinnak thawng in an pek a si lo kha hngal tuah, zeitintiah nangmah cu mikhong na si.

2 THESALON 1:8

meizik he, Pathian a hngal lomi hna le Bawipa Jesuh kong Thawngṭha a ngai duh lomi hna dantat awkah, a rung ṭum tikah ding tein a tuah lai.

HEBRU 12:29

Kannih kan Pathian cu mi kangh a hmangmi mei a si caah upatnak le ṭihnak in amah duhning tein bia u sih law amah cungah cun i lawm u sih.

JOSHUA 11:12

Cun cu siangpahrang hna khua vialte le an siangpahrang hna cu Joshua nih a lak hna i vainam in a thah hna, a hrawh cikcek hna, Bawipa sal Moses nih nawl a rak pek bang khan.

JOSHUA 11:8

Cun Bawipa nih annih cu Israel mi kut chungah a pek hna i an thah hna i, Sidon Ngan le Misrefoth-maim tiang, cun nichuahlei ah Mizpah nelrawn tiang an dawi hna; pakhat hmanh an taan ti lo tiang an thah lengmang hna.

JOSHUA 14:12

Cucaah Bawipa nih kha ni ah a rak chimmi tlangram cu atu ah hin ka pe tuah, zeitintiah Anak mi hna nih zeitindah khika ah kulhmi khualipi hna he an um kha, kha ni ah khan na rak theih cang. Bawipa nih a chim bang khan Bawipa nih a hei ka umpi hnga i ka hei ṭhawl khawh ko hna hnga dah kaw,” tiah a ti.

JOSHUA 3:11

Zohhmanh u, vawleicung dihlak Bawipa i biakamnak kuang nih nannih hmaiah Jordan tiva a tan lai.

JOSHUA 3:14

Cucaah, mi hmai i biakamnak kuang a putu tlangbawi hna he Jordan tiva tan awkah mi nih an thlam in an i thawh tikah le

BIACEIHTU 4:14

Cun Deborah nih Barak cu, “Tho tuah, zeitintiah nihin hi Bawipa nih Sisera cu na kut chungah an pek ni a si. Bawipa cu na hmaiah a kal a si lo mei?” tiah a ti. Cucaah Barak cu Tabor Tlang cun amah a zultu mi sang khat he cun an vung kal.