DEUTERONOMI 9:2 - Lai (Hakha) Common Language Bible 2006

² a ngan le a sangmi hna miphun Anak tefa hna, ‘Anak fapa hna hmaiah ahodah a dir kho lai,’ an ti na theih i na hngalhmi hna cu pawnchuah awkah nihin ah hin Jordan tiva cu na tan cang lai.

DEUTERONOMI 9:2 ပူးပေါင်းရင်းမြစ်များ

JOB 11:10

Pathian nih an tlaih i biaceihnak ah an chuahpi ahcun, Aho nih dah amah cu a dawnh khawh lai?

EXODUS 9:11

Camhthiam pawl kha, annih zong cu hawi dang bantukin hma nih cun a tlunh ve hna caah Moses hmaiah khan an chuak kho lo.

DANIEL 11:16

Cucaah a rung hranhtu ral nih khan a duhduh in a ṭuan ko lai i ahohmanh nih an dawn kho lai lo. Ram vialte lak i ram dawh bik chungah cun aa hmung lai i cu ram cu a ning piin a kut toiah a um lai.

DANIEL 8:4

Tuukawng nih cun nitlaklei le chaklei le thlanglei a nam len hna kha ka hmuh. A hmaiah sahrang zeihmanh an dir kho lo i a ṭhawnnak chungin chanh khotu ahohmanh an um fawn lo. Tuah a duhmi paoh kha a tuah ko i a ruam a hung kai ngaingai.

AMOS 2:9

Asinain, an hmaiah Amor mi kha a hrawktu hna cu keimah ka si, Amor mi cu sidar thing bantukin an sang i kuhthing bantukin an ṭhawng nain, Keimah nih cunglei i an thei le tanglei i an hram cu ka hrawh hna.

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

NAMBAR 13:22

Negeb ah an hung lut i Hebron kha an phan i cuka ah cun Anak tefa hna Ahiman, Sheshai le Talmai kha an rak um. (Hebron cu Izipt ram i Zoan hlan kum sarih ah rak tlakmi a si.)

NAMBAR 13:28

Asinain cuka ram i a ummi hna cu an ṭhawng i an khua hna cu kulhmi an si i an ngan ngaingai; cun cu hleiah Anak tefa hna kha cu ka ah cun kan hmuh hna.

NAMBAR 13:33

Cuka ah cun Nefilim mi (Nefilim in a chuakmi Anak fapa hna kha) kan hmuh hna i kanmah le kanmah cu khaubawk bantuk ceo ah khin kan i hmu i annih sin zongah cu bantuk cu kan si ko,” tiah an ti.

DEUTERONOMI 1:28

Khuazeika ah cun dah kan hung kal lai? Kan unau hna nih, “Cu mi hna cu kanmah nakin an ngan deuh i an sang deuh; khua hna cu an ngan i an kulhnak hau hna cu van an tawng; cuhleiah Anak tefa hna zong kha khika ah cun kan hmuh fawn hna,” tiin kan lung kha an kan zorter,’ tiah nan ti.

DEUTERONOMI 2:21

Cu hna cu Anak mi hna bantukin mi ngan, mi tam, le mi sang pipi an si. Sihmanhsehlaw Bawipa nih annih hmaiah a hrawh hna i an pawnchuah hna i an umnak kha an rawlh hna;

DEUTERONOMI 7:24

An siangpahrang hna cu nan kut chungah an pek hna lai i vanrang toiah an min cu nan hloh lai; nan hrawh hna hlantiang pakhat hmanh nih an in dawn kho hna lai lo.

JOSHUA 11:21

Cun khi caan ah Joshua cu a ra i tlangram a simi Hebron, Debir, Anab le Judah tlangram vialte in le Israel tlangram vialte in Anak mi cu a hloh dih hna; Joshua nih an khua hna he a hrawh cikcek hna.

JOSHUA 11:22

Israel mi ram chungah Anak mi cu pakhat hmanh an tang lo; Gaza le Gath le Ashdod lawngah tlawmpal an tang.

JOSHUA 15:14

Cun Kaleb nih khika in Anak fapa pathum, Sheshai, Ahimah, le Talmai, Anak tefa hna cu, a dawi hna.