DEUTERONOMI 9:1 - Lai (Hakha) Common Language Bible 2006

¹ “Ngaihmanh, maw Israel, nangmah nakin a lianngan deuh le a ṭhawng deuhmi miphun hna, van tawng in kulhmi khua lianngan pipi a ngeimi hna,

DEUTERONOMI 9:1 ပူးပေါင်းရင်းမြစ်များ

GENESIS 11:4

Cun annih nih an i thawh i, “Atu cu khuapi pakhat kan ser lai i a chungah innsang pakhat, a par van tawng in kan sak lai. Kan thang kan i chuah lai i vawlei cungah hin kan i ṭhek lai lo,” an ti.

EXODUS 32:1

Moses cu tlang cungah khan saupi a um i a rung ṭum ti lo tikah khan, Israel mi nih cun Aaron kha an pumhhnawh i, “Izipt ram in a kan chuahpitu Moses kha zei a can kan hngal ti lo, cucaah cun a kan hruaitu dingah pathian kan serpiak tuah,” an ti.

DANIEL 4:11

Thingkung cu a hung ṭhang chin lengmang i a par nih van a tawngh i vanhramdeng hmanh in hmuh khawh a si.

AMOS 2:9

Asinain, an hmaiah Amor mi kha a hrawktu hna cu keimah ka si, Amor mi cu sidar thing bantukin an sang i kuhthing bantukin an ṭhawng nain, Keimah nih cunglei i an thei le tanglei i an hram cu ka hrawh hna.

NAMBAR 13:22

Negeb ah an hung lut i Hebron kha an phan i cuka ah cun Anak tefa hna Ahiman, Sheshai le Talmai kha an rak um. (Hebron cu Izipt ram i Zoan hlan kum sarih ah rak tlakmi a si.)

NAMBAR 33:51

“Israel mi sinah hi bangin va chim tuah, Jordan tiva nan tan i Kanaan ram chungah nan luh tikah,

DEUTERONOMI 1:28

Khuazeika ah cun dah kan hung kal lai? Kan unau hna nih, “Cu mi hna cu kanmah nakin an ngan deuh i an sang deuh; khua hna cu an ngan i an kulhnak hau hna cu van an tawng; cuhleiah Anak tefa hna zong kha khika ah cun kan hmuh fawn hna,” tiin kan lung kha an kan zorter,’ tiah nan ti.

DEUTERONOMI 11:23

nan hmaiah a ummi miphun vialte hna hi, Bawipa nih a dawi hna lai i, nanmah nakin a ngan deuh le a ṭhawng deuh miphun hna hi nan pawnchuah hna lai.

DEUTERONOMI 11:31

Zeitintiah Bawipa nan Pathian nih an pekmi hna ram cu a chungah va luh i va co awkah nannih nih Jordan cu nan tan lai; cun nannih nih nan co i a chungah nan um tikah,

DEUTERONOMI 27:2

Cun Bawipa nih an pekmi hna ram i va luh awkah Jordan tiva nan tan ni ah, lung ngan pipi kha nan phun hna lai i lung senghnak nan nalh hna lai;

DEUTERONOMI 3:18

“Cun khi caan ah khan nawl kan pek hna i, ‘Bawipa nan Pathian nih hi ram cu co awkah an pek cang hna; nannih nan unau Israel mi hna hmaiah nan mi ralṭha vialte hna cu hriamnam put in an lan hmasa lai.

DEUTERONOMI 4:1

“Cun atu cu, maw Israel, kan cawnpiakmi hna phunglam hna le nawlbia hna cu ngai u law, tuah hna u, nan nun i nan kal i Bawipa nan pupa Pathian nih an pekmi hna ram cu nan co nakhnga.

DEUTERONOMI 4:38

miphun dangdang nanmah nakin a ngan deuh le a ṭhawng deuh cu, nihin ah a si bang hin, nannih kha luhter awkah le an ram cu ro ca i in pek hna awkah nan hmai in a dawi hna,

DEUTERONOMI 6:10

“Cun na pupa hna Abraham, Isak le Jakob sinah Bawipa na Pathian nih pek awkah chiat a sermi ram cu — nangmah nih na sakmi a si lomi khua nganngan le khua ṭhaṭha hna le,

DEUTERONOMI 7:1

“Bawipa na Pathian nih, co awkah na va luhnak ram chungah an luhpi tik le nangmah hmai in miphun tampi, Hit mi le Girgash mi le Amor mi le Kanaan mi le Periz mi le Hiv mi le Jebus mi, nanmah nakin a ṭhawng deuh le a ngan deuhmi miphun phun sarih hna cu a ṭhawl hna i,

JOSHUA 1:11

“Riahhmun chungah khan i chawk u law, mi zapi kha, ‘Riahcaw i tim tuah u; zeitintiah ni thum chungah, Bawipa nan Pathian nih co awkah an pekmi hna ram cu va co awkah hi Jordan hi nan tan lai,’ tiah chim hna u,” tiah nawl a pek hna.

JOSHUA 1:15

Bawipa nih nan unau hna cu nanmah bantukin dinhnak a pek hna i Bawipa nan Pathian nih a pek liomi hna ram cu annih zong nih an co hlantiang nan bawmh hna lai. Cun Bawipa sal Moses nih a pekmi hna Jordan ral nichuahlei kam i a ummi ram, nanmah ta a simi ram ah cun, nan kir lai i nan co lai,” tiah a ti.

JOSHUA 14:12

Cucaah Bawipa nih kha ni ah a rak chimmi tlangram cu atu ah hin ka pe tuah, zeitintiah Anak mi hna nih zeitindah khika ah kulhmi khualipi hna he an um kha, kha ni ah khan na rak theih cang. Bawipa nih a chim bang khan Bawipa nih a hei ka umpi hnga i ka hei ṭhawl khawh ko hna hnga dah kaw,” tiah a ti.

JOSHUA 3:14

Cucaah, mi hmai i biakamnak kuang a putu tlangbawi hna he Jordan tiva tan awkah mi nih an thlam in an i thawh tikah le

JOSHUA 3:16

cunglei in a rungmi ti kha an dir i lam hlatpi ah Zarethan ram pawng i a ummi khua Adam ah cun a bu in an dir i, Arabah rili, Cite Rili lei i a vung luangmi cu an cat dih; cun Jeriko khua zawn cun mi nih cun an tan.

JOSHUA 3:6

Cun Joshua nih tlangbawi hna cu, “Biakamnak kuang kha i lak u law, mi zapi hmaiah lan tuah u,” tiah a ti hna. Cun biakamnak kuang cu an i lak i mi zapi hmaiah cun an kal.

JOSHUA 4:19

Thla hmasa bik thla, a ni hra ni ah, mi hna cu Jordan in an hung chuak i Jeriko nichuahlei ramri i a ummi Gilgal ah an riak.

JOSHUA 4:5

Joshua nih an sinah, “Bawipa nan Pathian kuang hmaiah cun Jordan tiva laifang ah khan nan va kal lai i Israel mi phun zat in, nan liang in pakhat nih lung pakhat cio nan put lai,