DEUTERONOMI 8:8 - Lai (Hakha) Common Language Bible 2006

⁸ changvut le barli le mitsur ruang le theipi kung le taleti le oliv thing le khuaihliti a tamnak ram a si;

DEUTERONOMI 8:8 ပူးပေါင်းရင်းမြစ်များ

GENESIS 49:11

A laa no kha mitsur ruang, mitsur ruang ṭha bik phun ah khan a hren; a thilpuan cu mitsur zu chungah khan a suk, a sen in a senmi mitsur zu chungah khan.

2 SAMUEL 4:6

Cun zohhmanh, innka a cawngtu cu changvut kha a thian i sihmanhsehlaw a ngu i aa hngilh ai; cucaah Rekhab le a unau Baanah cu a thli tein an lut.

1 SIANGPAHRANG 5:11

cun Solomon nih Hiram cu, a innchungkhar hna ca rawl ah changvut phorh thong kul le chiti phorh thong kul a pek. Solomon nih mah hihi kum khat hnu kum khat a pek lengmang.

SALM 147:14

Na ramri kha him tein a umter hna i changvut ṭha bikbik in na paw an khimter.

SALM 81:16

Changvut ṭha bik in ka

ISAIAH 7:23

“Cu caan a phak tikah, mitsur ruang ruang khat ah a man tangka thong khat a simi ruang, ruang thong khat an umnak lo ṭhaṭha hna kha an bua dih lai i hlingbur le hling le so lawnglawng an khat dih lai.

JEREMIAH 2:7

Keimah nih thil tampi a chuahnak ram ah, A theitlai hna le a thil ṭha hna kha ei awkah kan luhpi hna. Sihmanhsehlaw nan rung luh tikah ka ram kha nan thurhhnawmh i Ka ro kha fihnung ah nan ser.

JEREMIAH 5:17

Nan kumvui mi le nan rawl kha an ei dih lai, Nan fanu le nan fapa hna kha an ei dih hna lai, Nan tuurun le nan cawrun kha an ei dih hna lai, Nan mitsur hang hna le nan theipi kung hna kha an hrawh dih hna lai, Nannih nih nan i bochanmi nan khua hna cu, kulhnak vampang ngei hmanh hna seh law, Vainam in an chimh dih hna lai.

EZEKIEL 27:17

Judah le Israel zong nih an in dawr, Minnith in a chuakmi changvut le rawl le a thlummi thil le chiti le balsam thingthling kha na cawk awk caah an in pek.

HOSEA 2:8

Anih nih cun rawl le mitsur hang thar le chiti a petu kha keimah ka si kha a hngal lo i Baal siasal sernak ca i an hmanmi sui le ngun tam piin amah a petu kha keimah ka rak si kha a hngal fawn lo.

MIKAH 4:4

Pakhat le pakhat ahohmanh hnahnawhnak i pe lo tein Anmahle an mitsur ruang toi cio le an theipi kung toi cio ah khua an sa hna lai; Zeicahtiah hi bia cu ralkapbu Bawipa hrimhrim nih a chimmi a si.

HABAKKUK 3:17

Theipi kung cu par loin, Mitsur ruang zongah a thei um hmanh hlah seh, Oliv thing cu tlai loin Lo zongah tirawl zeihmanh chuak loin um hmanh seh, Kawm chung saṭil run kha um loin Saṭil inn ah saṭil kha um hmanh hna hlah seh law,

NAMBAR 13:23

Cun Eskhol Nelrawn an phan i cuka ah cun mitsur tlai bor khat a nge in an sah i lang in pahnih nih an put; taleti le theipi zong an rak phorh.

JOHAN 6:13

Cucaah an char dih hna i mi nih an eimi barli changreu hlum nga khan a ṭiltlawt sei hleihnih khat an char.

JOHAN 6:9

“Hika ah hin barli changreu hlum nga le nga pahnih a ngeimi ngakchiapa pakhat a um, asinain cu tham cu mi hi vialte caah cun zei cang dah a kal hnga,” tiah a ti.

DEUTERONOMI 32:13

Vawlei hmunsang cungah a citter i Lo in a chuakmi thil kha a eiter hna; Lungpi chungin khuaihliti le Ṭeklung chungin chiti kha a dawpter hna.

DEUTERONOMI 32:14

Cawrun chung hnuk khal, Tuurun chung tuuhnuk, Tuufa hna thau le tuukawng hna thau, Bashan ram cawrun le meheh hna cu, Changvut lak i a ṭha bik he na ei hna i Mitsur hang thisen cu na din.

DEUTERONOMI 6:3

Cucaah, maw Israel, Bawipa na pupa Pathian nih bia an kam bangin, cawhnuk le khuaihliti in a luangmi ram chungah cun, nan i remrel i tam piin nan karh nakhnga, thei tuah law, ṭha tein zul tuah hna u.

DEUTERONOMI 8:7

Zeitintiah Bawipa nan Pathian nih ram ṭha chungah an luhpi hna lai. Mah ram cu tiva tete hna le, tlang le nelrawn ah a luangmi tikhor le cerhti hna le,

DEUTERONOMI 8:9

khi ram ah rawl kha cham bau loin nan ei lai i zeihmanh nan bau lai lo; a lung hna cu thir an si i a tlang hna ah cun tawngca nan cawh khawh lai.